SA LEVITNA 21
21
Gatta kay muliyan-sa-ɗifinna
1Ma-Vatɗina di tam Musus: Naŋ ma di tam muliyan-sa-ɗifinna sa gurona vi Aaron ala: Mul-ma-ɗifinna as muɗ tuwam puru jar sumuna valamu kuɗ sa ma mitinɗi. 2Nam as muɗ tuwam pur kayni kay sugoliyom sa goboyna tuta; kay sulumu, kay bulumu, kay goora valamu, kay ɓasulumna, 3kay ɓasulum ta bay bur tam sa tuwata, ta kulo talam goboyo, bay sli goy tuwa. 4Nam mi ma ŋolla jar sumuna valamu, nala nam as muɗ tuwam puru hiɗi sle ma waanɗi. 5Muliyan-sa-ɗifinna as wel gal yisi goy velewɗi, nisi as wel jiwersi goy hay gal ma kepnaɗi, nisi as tum va kat sliwsiɗi kaw. 6Nisi ma lak peldete kay Lawna visiya, nisi ma muɗ semda vi Lawna visi goy waaɗi; kay ɗifin ma ŋalayna lum tam Ma-Vatɗin kayn si nisiya, kayni mi tina valamu, nala nisi ma lak peldete. 7Cata ta tuwa' muɗi viyuwu, ta tuwa' muɗi bisi lebo ta jufa' ga' goyta muliyan-sa-ɗifinna as sla' noŋɗi, kay nisi muɗi peldete kay Lawna visiya.
8Nigi ma ɗuw mul-ma-ɗifinna ki nam peldete, kay nam vul ɗifinna tam Lawna vigiya; nam peldete kigiya kaw, kay nan ka peldete, nan Ma-Vatɗina ma muɗgi goy peldetna. 9La goota vi mul-ma-ɗifinna muɗ tuwa' goy bisi, lebo muɗ tuwa' goy viyuwu, na' muɗum bis kayn mi bu'a, ma ŋala' goy hay kuta.
10Mul-ma-ɗifinna ma tuni kulo ŋol kay ɓosiyomna, ma mul ɦoki kalamu kaw, ma vuli goyo, cuki hiɗi sligar ma peldetna talamu kawna, as wel yalam goyɗi, as jet sligara valam goyɗi kaw. 11Nam as tuɗ kuɗ sa mitinɗi, nam as muɗ tuwam pur kuɗ bulumɗi, kuɗ sulumɗi kaw. 12Nam may kal goy hay liyn ma peldetnaɗi, liyn ma peldetna vi Lawna valamu nam as muɗum goy bisɗi, kay mul ma ɦok kamna vi Lawna valam kayni mi bogorayna ma kalamna. Nanu mi Ma-Vatɗina. 13Cata vi mul-ma-ɗifinna ta nam sla'ta ɗawni ma lin ti goot-ca'a ta bay bur tam sa tuwa. 14Nam as sli cata duhultaɗi, sli cata ta jufa' ga' goytaɗi, cata ta muɗi bisi lebo tuwa' muɗi viyuwu kaw nam as sla'ɗi; may nam ma sla' ti cat ta jar jafamu ta bay bur tam sa tuwa. 15Nam ma muɗ jafna valam goy bisi jar sumuna valamɗi; kay nanu mi Ma-Vatɗina ma lum goy peldete.
16Ma-Vatɗina di tam Musus: 17Naŋ ma di tam Aaron ala: Hay jafna vaŋ kaf ɗawni, san gigekaw, la moy ka talamu, nam as kay tuɗ kulo goboy tam liyna van ma peldetna kay vulan tina vanɗi. 18San gigekaw ma moy ka hay tuwamu na, nam as co kulo goboyɗi: Ki sa ma dukin nala, sa ma dirlayna nala, ki sa ma cinam nirakiya nala, lebo ki sa ma galam zoriya nala; 19sa ma gayamu lebo gilaŋatam kusiya, 20sa ma ŋorom kusi goro'o lebo ŋoki ɗiweŋ-ɗiweŋ, sa ma iram tewe, narmay talamu, tuwam bihiriwi lebo huɗam goy kirapiya nala. 21San gigekaw hay jafna vi mul-ma-ɗifinna Aaron, la moy ka hay sliwamu, nam ma co goboy kay li ɗifinna vi Lawna valamɗi. 22May nam as ti ɗifinna vi Lawna valamu, as ti slen ma peldet ŋolla hiɗi slen ma peldetna kaw. 23May nam as tuɗ kulo goboy tam sligar ma gaɓaynɗi, nam as co goboyo tam giwin-ma-ɗifinnaɗi kaw, kay moyn ka talamu, nala hagat may kalam kay nam ma muɗ liyna van ma peldetna goy liwisɗi. Kay nanu mi Ma-Vatɗina ma muɗsi goy peldetna. 24Musus di dit na'ta mi Aaron hiɗi gurona valamu, hiɗi sum sa Israyella noŋ kafe kaw.
Currently Selected:
SA LEVITNA 21: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 21
21
Gatta kay muliyan-sa-ɗifinna
1Ma-Vatɗina di tam Musus: Naŋ ma di tam muliyan-sa-ɗifinna sa gurona vi Aaron ala: Mul-ma-ɗifinna as muɗ tuwam puru jar sumuna valamu kuɗ sa ma mitinɗi. 2Nam as muɗ tuwam pur kayni kay sugoliyom sa goboyna tuta; kay sulumu, kay bulumu, kay goora valamu, kay ɓasulumna, 3kay ɓasulum ta bay bur tam sa tuwata, ta kulo talam goboyo, bay sli goy tuwa. 4Nam mi ma ŋolla jar sumuna valamu, nala nam as muɗ tuwam puru hiɗi sle ma waanɗi. 5Muliyan-sa-ɗifinna as wel gal yisi goy velewɗi, nisi as wel jiwersi goy hay gal ma kepnaɗi, nisi as tum va kat sliwsiɗi kaw. 6Nisi ma lak peldete kay Lawna visiya, nisi ma muɗ semda vi Lawna visi goy waaɗi; kay ɗifin ma ŋalayna lum tam Ma-Vatɗin kayn si nisiya, kayni mi tina valamu, nala nisi ma lak peldete. 7Cata ta tuwa' muɗi viyuwu, ta tuwa' muɗi bisi lebo ta jufa' ga' goyta muliyan-sa-ɗifinna as sla' noŋɗi, kay nisi muɗi peldete kay Lawna visiya.
8Nigi ma ɗuw mul-ma-ɗifinna ki nam peldete, kay nam vul ɗifinna tam Lawna vigiya; nam peldete kigiya kaw, kay nan ka peldete, nan Ma-Vatɗina ma muɗgi goy peldetna. 9La goota vi mul-ma-ɗifinna muɗ tuwa' goy bisi, lebo muɗ tuwa' goy viyuwu, na' muɗum bis kayn mi bu'a, ma ŋala' goy hay kuta.
10Mul-ma-ɗifinna ma tuni kulo ŋol kay ɓosiyomna, ma mul ɦoki kalamu kaw, ma vuli goyo, cuki hiɗi sligar ma peldetna talamu kawna, as wel yalam goyɗi, as jet sligara valam goyɗi kaw. 11Nam as tuɗ kuɗ sa mitinɗi, nam as muɗ tuwam pur kuɗ bulumɗi, kuɗ sulumɗi kaw. 12Nam may kal goy hay liyn ma peldetnaɗi, liyn ma peldetna vi Lawna valamu nam as muɗum goy bisɗi, kay mul ma ɦok kamna vi Lawna valam kayni mi bogorayna ma kalamna. Nanu mi Ma-Vatɗina. 13Cata vi mul-ma-ɗifinna ta nam sla'ta ɗawni ma lin ti goot-ca'a ta bay bur tam sa tuwa. 14Nam as sli cata duhultaɗi, sli cata ta jufa' ga' goytaɗi, cata ta muɗi bisi lebo tuwa' muɗi viyuwu kaw nam as sla'ɗi; may nam ma sla' ti cat ta jar jafamu ta bay bur tam sa tuwa. 15Nam ma muɗ jafna valam goy bisi jar sumuna valamɗi; kay nanu mi Ma-Vatɗina ma lum goy peldete.
16Ma-Vatɗina di tam Musus: 17Naŋ ma di tam Aaron ala: Hay jafna vaŋ kaf ɗawni, san gigekaw, la moy ka talamu, nam as kay tuɗ kulo goboy tam liyna van ma peldetna kay vulan tina vanɗi. 18San gigekaw ma moy ka hay tuwamu na, nam as co kulo goboyɗi: Ki sa ma dukin nala, sa ma dirlayna nala, ki sa ma cinam nirakiya nala, lebo ki sa ma galam zoriya nala; 19sa ma gayamu lebo gilaŋatam kusiya, 20sa ma ŋorom kusi goro'o lebo ŋoki ɗiweŋ-ɗiweŋ, sa ma iram tewe, narmay talamu, tuwam bihiriwi lebo huɗam goy kirapiya nala. 21San gigekaw hay jafna vi mul-ma-ɗifinna Aaron, la moy ka hay sliwamu, nam ma co goboy kay li ɗifinna vi Lawna valamɗi. 22May nam as ti ɗifinna vi Lawna valamu, as ti slen ma peldet ŋolla hiɗi slen ma peldetna kaw. 23May nam as tuɗ kulo goboy tam sligar ma gaɓaynɗi, nam as co goboyo tam giwin-ma-ɗifinnaɗi kaw, kay moyn ka talamu, nala hagat may kalam kay nam ma muɗ liyna van ma peldetna goy liwisɗi. Kay nanu mi Ma-Vatɗina ma muɗsi goy peldetna. 24Musus di dit na'ta mi Aaron hiɗi gurona valamu, hiɗi sum sa Israyella noŋ kafe kaw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001