TIYNA VI YEREMIYAS 4
4
Tiyta kay ɓulakka vi sumuna
1He! Mige?
Ora ba wileta valamawa goyo,
or ma bay-rigasna ɓulakawa goyo.
Hiɗiyna ma ini tam liy ma peldetna
merawa goyo hay gef hagan kafe.
2Guro sa asayna vi Siyon,
sa ŋray hiɗi or ma bay-rigasna!
He! Mige?
Wulini nisi muɗi ki doway-nagana nala,
ma san kotom hiɗi ɓalamna!
3Cekemna noŋ kaw vul miira valam vun gurona valamu;
may guro-boyna vi sumuna
muɗi bagaw ki rigetna ma hay fulda nala.
4Gurosguray sa koyona
sinsi zluɓaki kulo narɗaksiya kay laata,
gurosgurayn job funa,
may sa ma vulsi fu mayɗi.
5Nisi sa ay ti tin ma jibetna ka sa'at goy hay hagata;
nisi sa ay cuk sligar-purpella ka goɓ gaa jar zigidikŋa.
6Joota vi goota vi sumuna vanu muɗawa ŋolo,
suw joota vi Sodoma,
ta vat goy ir liyn neeɗa ɦawa
bay sa tun ɓalam ta'a.
7Sa muliyana va'a ay haɓ tal suw barawna,
haɓ tal tal suw miira,
tuwsi ay slaw cih-cih ki hiɗiy korayna nala,
voksi ay ki hiɗiyn Safir nala.
8Wulini tuwsi muɗi jufunu suw sle ma wurana hay hagana,
sa as wisi loɗi;
sliwsi ɓekawa kulo tam zoksiya,
nisi soowa goy ŋileŋ ki gun nala.
9Sa kew-gaferaŋ cisina nisi marya kat sa mayt cisina.
Kay sa mayt cisina puk gaa kayn cap sa'ata,
kay wa ma zumum hay sinen may loɗi.
10Boyna, hiɗi minda visi ta ŋolda kay gurona visi pet kaw,
ka zal gurona visiya;
hay li ma goota vi sumuna vanu ka vun lasta ŋolda,
gurona va'a muɗi mi va ma tina.
11Ma-Vatɗina hob vun ɦiyda valamawa,
nam was ɦiyda valam ta ŋoldawa goyo;
sem-ziyna vi Siyon ma tuni gaana
nam do kutawa kuɗumu kay ŋalam goyo.
12Muliyan sa hay nagat kuɗulu,
sum sa li ziy hay nagat kaf kaw,
may varay ala sa ma gawta ma jik hay vun-galana vi Yerusalemeɗi.
13Kuɗ sulukŋa vi sa jobta Lawna hay Yerusalem,
kuɗ joota vi muliyan-sa-ɗifinna va'a,
sa ɦok busuwna vi sum sa ɗigera goy ɦawa'a!
14Nisi ay tupa goy hay hagana ki sa dukin nala,
nisi ay goɓay hiɗi busuwna
sa as jo sligara visi noŋɗi.
15Sumun ciriy kisi ala:
Calgi goyo, calgi goyo, calgi goyo,
nigi ma joma'ɗi.
Nisi muni jaŋi,
nisi ka tilar tani tani;
jaf-sumun ka di jar-tuwsi ala:
Nisi ma fi liyn ma lakka loɗi.
16Ma-Vatɗin mersiyawa goyo hay ɦiyda valamu,
nam may muɗ iramay kirsi loɗi;
sa may sli yam muliyan-sa-ɗifinna kulo loɗi,
sa may li slugot mi sum sa maariyana loɗi.
17Irma ka tiyof goy waa'a kay cub gutda,
numa ka cigeɗa,
numa ka cub jaf-sumuna sa as suɗma goyɗina.
18Nisi ka sluma sema'a,
kay telma a numa ma hot hay baŋalma'nɗi,
dabta vuma ka co'o,
buura vuma asawa.
buura vuma coowa yo.
19Sum sa lasma'na muɗi hefteŋe suw bakŋa ma dukalawna;
nisi sluma semawa kulo kay hiɗiyna,
nisi pi dugumnawa gaa hay fulda.
20Namu ma numa gi suk kuɗumna,
ma mul ɦoki kalamna vi Ma-Vatɗina,
nisi gumawa hay zulda visiya.
Namu ma numa ay di kalam ala:
Numa lakay jar jaf-sumun lakŋi kuɗ ɗuŋusam namu.
21Firiyagu, hobag hiɗi firita,
goota vi Edom, naku ta ziyna vagu hay Us,
kaway-ma-cina ma jik kag naku kaw,
nak ma ɦoya,
nak ma hin goy nala'a.
22Goota vi Siyon,
sulukŋa vagu yalam ka daba;
nam ma as kalag goy gorvo loɗi.
Goota vi Edom nam wata' ɗawn kuɗ joota vagu.
Nam ma pat dir sulukŋa vag goyo.
Currently Selected:
TIYNA VI YEREMIYAS 4: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001