EZEKIYEL 15
15
Sum sa hay Yerusalem ŋray hiɗi gu gulda-guldana
1Ma-Vatɗina ka di yoboyn tan ala:
2Goora vi sana,
gu gulda-guldana, nam suw gu hegena hiɗi mige?
Gulda-gulda ma jar gu ma fulla lum hiɗi nam mige?
3Sa as yaw guna valamu kay li lop hiɗi nam su?
Sa as fi zigew talamu kay gaɓ va kulo talam su?
4Gum hay kuta, na' ŋalam goyo,
kut ŋalam vunam ma' pete,
hoyokom sli ku lay.
Va ma nam as li lop hiɗi nalam ka su?
5Ki kayn nala hay li ma nam ays hiɗi ŋolda valamu,
sa may li lop hiɗi namɗi,
wulin kayni hay li ma kut ŋalamawa,
lum hiɗi nam ɗawn mi meloge?
6Bum-Sumuna di ala:
Ki gu gulda-guldana jar gu ma jar juruta nala,
ki guna ma nan gum hay kuta kay na' ŋalam goyo nala,
sum sa hay Yerusalem nan ma lisi nala kaw.
7Nan ma muɗ ŋoron katsiya,
nisi kalay goy hay kuta pa,
kuta ma ŋalsi goyo kaw.
Nala nigi ma wi ala nanu mi Ma-Vatɗina,
hay li ma nan ma muɗsi ŋoronu.
8Nan ma muɗ nagat goy mi ful ɦawa,
kay nisi kal tuwsi hay bay-vida,
Dita vi Bum-Sumuna Ma-Vatɗina.
Currently Selected:
EZEKIYEL 15: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
