KAL-GOYTA 35
35
Sabatna, vulda ɦawata kay inda vi tabernaklena
1Musus tok sum sa Israyel noŋ kaf, nam ka disi ala: Humgi slen ma Ma-Vatɗin di kay nigi ma lumna. 2Nigi ma li lop jar buur karkiya, may buurta siɗiyat kayni na' kigi peldete; kayni ti buurta sabatna, buurta tun sukŋa, na' ti buurta vi Ma-Vatɗina. La sa li lop hay buur na'ta, kitata valamu ti cita-goyta. 3Hay buurta vi sabatna nigi as kay ŋal kut vo hay ziyna vigi noŋɗi.
4Musus di tam tokŋa vi gurona vi Israyel ala: Humgi va ma Ma-Vatɗin dumu: 5Slena vigiya nigi ma mar mara goy kuɗum mi Ma-Vatɗina. Sum sa diksi ŋaana kaf ma mar vulda tam Lawna; nigi ma mar ora, doorota hiɗi wayna; 6sligar ma tuwam ɗoy zim-zimna, ma tuwam ɗoy cih-cihna hiɗi baraw haɓna, hiɗi ɗuŋus fok-meena; 7bak fok-gamalana ma tuwam ɗoy slawna, hiɗi bakŋa vi dofeŋŋa, hiɗi gu-kasiyana. 8Hiɗi mul ma ɦok hay fitilla, hiɗi hadaf aromatna kay kot mul ma ɦok-kamna hiɗi urdi ma his fayna; 9hiɗi hiɗiyn oniks, hiɗi hiɗiy mara'a kay cum tam ŋoŋ ma giɗeŋŋa hiɗi birim ma ɗigiyna.
10Sum sa irsi yalla jargi kaf, nisi ma co'o kay li lop ma Ma-Vatɗin di kalamna: 11tabernaklena, guɗuk ma hayamna, va ma baara, sle ma gaɓamna, gu-biremna, malla, dolla hiɗi diram ma mokay gaana; 12timgilla hiɗi malla ma talamna, goɓolokona, sligar ma gaɓayna kay ŋuy tuw timgilla. 13tablena hiɗi zugul ma talamna, hiɗi jak ma talamna kafe, funa ma vuli goyna; 14va ma tum fitilla hiɗi jak ma talamna, hiɗi fitilla, mul ma ɦokom hay fitilla kaw; 15giwin-ma-ɗifinna ma ŋal urdina hiɗi malla ma talamna, mul ma ɦok-kamna, hiɗi urdi ma his fayna, hiɗi sligar-gaɓayna ma lakam hay vun tabernaklena, 16giwin-ma-ɗifinna ma ŋal farayn kulo kalamna, hiɗi kaway-ciliyna ma cuf sliwna, mal ma talamna, jak ma talamna kafe, doway-firina hiɗi diram ma ini gaana; 17sligar ma gaɓay tam wur-daŋŋa, dolla valamu, diram ma ini gaana, sligar-gaɓayna ma juni tam vun ma kal kalaf hay wur-daŋŋa, 18Gu-ɓalla ma ŋuyi tam tabernaklena, gu ma piy gaana ma tam wur-daŋŋa, zigewna valamu hiɗi sligar ma li lop ɗifinna kalaf hay liyn ma peldetna, 19sligar ma peldetna vi mul-ma-ɗifinna Aaron, sligara ma gurona valam li lop ɗifinna hiɗi namna.
20Tokŋa vi gurona vi Israyel noŋ kaf hin Musus, nisi kalay goyo. 21Nisi kaf sa diksi vi lawt kayni hiɗi sa ka hiɗi varta ŋaata hay diksina, nisi co'o, mar vulda visi tam Ma-Vatɗina kay inda vi guɗuk ma fi-tuwna, kay lopna valam noŋ kaf, kay lopna vi sligar ma peldetna kaw. 22Sum sa jufayn co lay, sa boyn co lay; nisi kaf sa diksi tuni ŋaana mar sle ma pum cinna, girliŋŋa, tujuna, way ta ɓamta, slen ma ora kuɗ jafam kafe; gigekaw li vulda vi ora ma nam ŋomomay mi Ma-Vatɗina. 23Nisi kaf sa ka hiɗi sligar ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, baraw-haɓna hiɗi ɗuŋus fok-dimina, hiɗi bakŋa vi fok-gamalana ma tuwam ɗoy slawna, hiɗi bakŋa vi dofeŋŋa, nisi maram kafe. 24Nisi kaf sa ka hiɗi doorota lebo wayna kaf maram tam Ma-Vatɗina, nisi geɗ vulda na'ta. Nisi kaf sa ka hiɗi gu-kasiyana kaw nisi maramu kay li lopna hiɗi namu. 25Boyn kaf sa irsi yalla duɓar barawn kay tuwsiya, lop ma nisi lumna nisi maramu, baraw ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, hiɗi baraw haɓna kaw. 26Boyn kaf sa diksi ka tuni ŋaana, sa irsi yalla, nisi duɓar ɗuŋus fok-meena. 27Sum sa ŋulona jar sa Israyella nisi mar hiɗiyn oniks hiɗi hiɗiy hena hena kay cum tam sligar-ŋoŋŋa hiɗi ŋoŋ ma ɗigiyna. 28Nisi mar hadaf aromatna hiɗi mula, kay fitilla, kay kot mul ma ɦok kamna hiɗi urdi ma his fayna. 29Gurona vi Israyel kaf jufayna hiɗi boyna kaw, sa diksi tuni ŋaa'a kay vul slena kay li lopna vi Ma-Vatɗina, vulda-ɦawata ta Ma-Vatɗina di Musus ka'ta kaf nisi mara'a tam Ma-Vatɗina.
30Musus di tam gurona vi Israyel: nigi ma wi ala Betsaleel goora vi Uriyas, goor-ŋolona vi Hur ma hay jafna vi Yudana, Ma-Vatɗin vilekemawa. 31Nan hobomawa hiɗi Ŋusta-Lawna, hiɗi yalla, hiɗi wida, nam vulum widawa kay kot slena kuɗ batam kaf. 32Nam muɗum nagaya kay fi yal kotta vi slena, kay yor ora, doorota hiɗi wayna. 33Kay ɗo slen tam hiɗiyna, kay ceɗ guna, kay li lop ma yalla kuɗ jafam kafe. 34Nam vul talamu vulda kay hat sumuna, Oholiyab goora vi Ahisamak ma hay jafna vi Dan kaw nam tapam hiɗi namu. 35Nam hobsiyawa hiɗi wida kay nisi ma li lop ma ceɗ guna, ma ɗo tam slena ma cil sligara, kay ci sligara ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, hiɗi baraw ma haɓna, kay li lopna kuɗ jafam kaf, kay niŋa yalla kaw.
Currently Selected:
KAL-GOYTA 35: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 35
35
Sabatna, vulda ɦawata kay inda vi tabernaklena
1Musus tok sum sa Israyel noŋ kaf, nam ka disi ala: Humgi slen ma Ma-Vatɗin di kay nigi ma lumna. 2Nigi ma li lop jar buur karkiya, may buurta siɗiyat kayni na' kigi peldete; kayni ti buurta sabatna, buurta tun sukŋa, na' ti buurta vi Ma-Vatɗina. La sa li lop hay buur na'ta, kitata valamu ti cita-goyta. 3Hay buurta vi sabatna nigi as kay ŋal kut vo hay ziyna vigi noŋɗi.
4Musus di tam tokŋa vi gurona vi Israyel ala: Humgi va ma Ma-Vatɗin dumu: 5Slena vigiya nigi ma mar mara goy kuɗum mi Ma-Vatɗina. Sum sa diksi ŋaana kaf ma mar vulda tam Lawna; nigi ma mar ora, doorota hiɗi wayna; 6sligar ma tuwam ɗoy zim-zimna, ma tuwam ɗoy cih-cihna hiɗi baraw haɓna, hiɗi ɗuŋus fok-meena; 7bak fok-gamalana ma tuwam ɗoy slawna, hiɗi bakŋa vi dofeŋŋa, hiɗi gu-kasiyana. 8Hiɗi mul ma ɦok hay fitilla, hiɗi hadaf aromatna kay kot mul ma ɦok-kamna hiɗi urdi ma his fayna; 9hiɗi hiɗiyn oniks, hiɗi hiɗiy mara'a kay cum tam ŋoŋ ma giɗeŋŋa hiɗi birim ma ɗigiyna.
10Sum sa irsi yalla jargi kaf, nisi ma co'o kay li lop ma Ma-Vatɗin di kalamna: 11tabernaklena, guɗuk ma hayamna, va ma baara, sle ma gaɓamna, gu-biremna, malla, dolla hiɗi diram ma mokay gaana; 12timgilla hiɗi malla ma talamna, goɓolokona, sligar ma gaɓayna kay ŋuy tuw timgilla. 13tablena hiɗi zugul ma talamna, hiɗi jak ma talamna kafe, funa ma vuli goyna; 14va ma tum fitilla hiɗi jak ma talamna, hiɗi fitilla, mul ma ɦokom hay fitilla kaw; 15giwin-ma-ɗifinna ma ŋal urdina hiɗi malla ma talamna, mul ma ɦok-kamna, hiɗi urdi ma his fayna, hiɗi sligar-gaɓayna ma lakam hay vun tabernaklena, 16giwin-ma-ɗifinna ma ŋal farayn kulo kalamna, hiɗi kaway-ciliyna ma cuf sliwna, mal ma talamna, jak ma talamna kafe, doway-firina hiɗi diram ma ini gaana; 17sligar ma gaɓay tam wur-daŋŋa, dolla valamu, diram ma ini gaana, sligar-gaɓayna ma juni tam vun ma kal kalaf hay wur-daŋŋa, 18Gu-ɓalla ma ŋuyi tam tabernaklena, gu ma piy gaana ma tam wur-daŋŋa, zigewna valamu hiɗi sligar ma li lop ɗifinna kalaf hay liyn ma peldetna, 19sligar ma peldetna vi mul-ma-ɗifinna Aaron, sligara ma gurona valam li lop ɗifinna hiɗi namna.
20Tokŋa vi gurona vi Israyel noŋ kaf hin Musus, nisi kalay goyo. 21Nisi kaf sa diksi vi lawt kayni hiɗi sa ka hiɗi varta ŋaata hay diksina, nisi co'o, mar vulda visi tam Ma-Vatɗina kay inda vi guɗuk ma fi-tuwna, kay lopna valam noŋ kaf, kay lopna vi sligar ma peldetna kaw. 22Sum sa jufayn co lay, sa boyn co lay; nisi kaf sa diksi tuni ŋaana mar sle ma pum cinna, girliŋŋa, tujuna, way ta ɓamta, slen ma ora kuɗ jafam kafe; gigekaw li vulda vi ora ma nam ŋomomay mi Ma-Vatɗina. 23Nisi kaf sa ka hiɗi sligar ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, baraw-haɓna hiɗi ɗuŋus fok-dimina, hiɗi bakŋa vi fok-gamalana ma tuwam ɗoy slawna, hiɗi bakŋa vi dofeŋŋa, nisi maram kafe. 24Nisi kaf sa ka hiɗi doorota lebo wayna kaf maram tam Ma-Vatɗina, nisi geɗ vulda na'ta. Nisi kaf sa ka hiɗi gu-kasiyana kaw nisi maramu kay li lopna hiɗi namu. 25Boyn kaf sa irsi yalla duɓar barawn kay tuwsiya, lop ma nisi lumna nisi maramu, baraw ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, hiɗi baraw haɓna kaw. 26Boyn kaf sa diksi ka tuni ŋaana, sa irsi yalla, nisi duɓar ɗuŋus fok-meena. 27Sum sa ŋulona jar sa Israyella nisi mar hiɗiyn oniks hiɗi hiɗiy hena hena kay cum tam sligar-ŋoŋŋa hiɗi ŋoŋ ma ɗigiyna. 28Nisi mar hadaf aromatna hiɗi mula, kay fitilla, kay kot mul ma ɦok kamna hiɗi urdi ma his fayna. 29Gurona vi Israyel kaf jufayna hiɗi boyna kaw, sa diksi tuni ŋaa'a kay vul slena kay li lopna vi Ma-Vatɗina, vulda-ɦawata ta Ma-Vatɗina di Musus ka'ta kaf nisi mara'a tam Ma-Vatɗina.
30Musus di tam gurona vi Israyel: nigi ma wi ala Betsaleel goora vi Uriyas, goor-ŋolona vi Hur ma hay jafna vi Yudana, Ma-Vatɗin vilekemawa. 31Nan hobomawa hiɗi Ŋusta-Lawna, hiɗi yalla, hiɗi wida, nam vulum widawa kay kot slena kuɗ batam kaf. 32Nam muɗum nagaya kay fi yal kotta vi slena, kay yor ora, doorota hiɗi wayna. 33Kay ɗo slen tam hiɗiyna, kay ceɗ guna, kay li lop ma yalla kuɗ jafam kafe. 34Nam vul talamu vulda kay hat sumuna, Oholiyab goora vi Ahisamak ma hay jafna vi Dan kaw nam tapam hiɗi namu. 35Nam hobsiyawa hiɗi wida kay nisi ma li lop ma ceɗ guna, ma ɗo tam slena ma cil sligara, kay ci sligara ma tuwam ɗoy zim-zimna, ma tuwam ɗoy cih-cihna, ma tuwam ɗoy slawna, hiɗi baraw ma haɓna, kay li lopna kuɗ jafam kaf, kay niŋa yalla kaw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001