KAL-GOYTA 34
34
Gatta kuɗ hiɗiy beɗay ma ma'na
1Ma-Vatɗina di tam Musus: Ceɗaŋ hiɗiy beɗayn ma' ki ma jewn nala lo, nan min ɗo hayamu yoboy ma ay ɗoy hay hiɗiy beɗay ma jewna ma naŋ tom goyna. 2Naŋ ma kot tuwaŋ giraw culum culum', hay graw culumta de', naŋ ma jik kulo'o kay hiɗiyt Sinay, ɗawni naŋ ma col vokanu, kulo kay sin-hiɗiyta. 3Sa mara as jik kulo'o hiɗi naŋɗi, sa as vul tuwam kulo kay hiɗiy na'ta noŋɗi, fok-dimina hiɗi luwayna nigi ma ŋomom kulo goboy tam hiɗiy na'ta noŋɗi.
4Musus ceɗ hiɗiy beɗayn ma' ki ma jewn nala; nam fokay kulo'o graw culum culum', nam jik kulo'o kay hiɗiyta Sinay, ki Ma-Vatɗin vulum hagata nala, hiɗiy beɗay ma ma'na nam yawam hay ɓalamu may.
5Ma-Vatɗina jikay gaa'a hay ɗugulla, col kat Musus, ɗek semda valam ta ala Ma-Vatɗinat goyo. 6Ma-Vatɗina jik vok Musus; nam ka siwel ala: Ma-Vatɗina, Ma-Vatɗina, nan Lawn ma wi hawta, ma lamanda ma muɗ ɦiy gosoyɗina, ti-kamda vanu hiɗi ɗigerta vanu ka ŋolo. 7Nanu ma ŋom minda vanu, ta-ta tam jaf-sumun birimi, ma vul-gida kay jiw-zlata, ŋel-vunda hiɗi sulukŋa, may tun ɗigerta kay sa ma joonɗi, ma ka kitata kay sulukŋa vi sumayna ta-ta tam gurona, ka kitata vi guron kay guro-ŋolona ta-ta tam jafsi voksi ɦidi kla fiɗi kla.
8Wulini wulini Musus girif gaa'a, nam dab vokom gaa kay nagata. 9Nam di'e, Bum-Sumuna, naŋ lan slugotawa, wulin kayn tunaŋ vokma yo, kay sumun kayni yisi ɗeŋe, vulaŋ gida kay sulukŋa hiɗi jiw-zlata vuma'a, muɗma goy ir vaŋu.
10Ma-Vatɗina hot di'e: Nan vi bonota. Nan min li ɗekka kir sumuna vaŋ kaf, ɗekka na'ta bay li jar jaf-sum sara'a hay naga tara tuwa; sumun sa ŋuyi taŋŋa kaf ma wi lopna vi Ma-Vatɗina. Slen ma ɦuyum' namna nan lum ɗawn hiɗi ɓaŋ naŋu.
11Naŋ ma li ŋali hiɗi slen ma nan min daŋga vaydina. Humaŋu, nan min digiɗ sum sa Amoriyana, sa Kanaaniyana, sa Hetiyena, sa Feresiyena, sa Heviyena hiɗi sa Yebusiyen kaf goy vokgiya. 12Ligi ŋali kay bonota ta nigi ma juna' hiɗi sum sa nigi min co hay nagata visin ɗawni, kay nisi ma lin ti jawta ta ganay gaa vokgitɗi. 13May nigi ma ɦo giwin-ma-ɗifinna visi goyo, lawayn ma ceɗayna visiya nigi ma tom goyo, lawayna visiya ma inina nigi ma ɦom gaa'a.
14Nigi ma girif gaa'a vok lawayn mara'aɗi; kay Ma-Vatɗina semda valam ala hunayta, kay nam hunay ŋolo.
15Ligi ŋali kay sum nisina sa nigi kal hay nagata visin ɗawni, nigi ma vi bono hiɗi nisiɗi, ligi ŋali kay nigi ma muɗ tuwgi viyuw kuɗ lawayna visiɗi, li ɗifin mi lawayna visiɗi kaw, ligi ŋali kay nigi ma tap kuɗsiya kay ti sliw ma ɗifinna visiɗi; 16ligi ŋali kay nigi ma yaw guro-boyna visi mi guro-joriyona vigiɗi, kay hay li ma guro-boyna visi tun caw li tuwsi viyuw kuɗ lawayna visi ɗawni, gurona vigi kaw ma tap kuɗ lawayna visi lay.
17Nigi ma kot laway ma yori hiɗi kawaynɗi.
18Nigi ma li yuldeta vi fun-bay-kufna ir buur siɗiya, liy namna coli kayni hay tilla vi feɗna vi wana. Nigi ma ti fun-bay-kufna, ki nan vulgi hagat nala. Kay nigi kalay goy hay Egipte kayni hay tilla vi feɗna.
19Guro sa vuɗi jewn kaf nisi ir vanu, ta-ta jar gurona vi faray ma ŋulona hiɗi ma gurayna ma vuɗi jewna.
20Goor-kuro ma vuɗi jewna nigi ma muɗum hiɗi goor ɦu-dimiya; la nigi min muɗumɗi, nigi ma munum taɓaram goyo. Gurona vigi sa vuɗi jewn kaf nigi ma gussiya, kay sa as co vok iran hiɗi ɓalam goy ɦawa kiɗaŋ-kiɗaŋɗi.
21Nigi ma li lop ir buur karkiya, hay buurta siɗiyata nigi ma tun sukgiya, la malam hay zumna lebo hay feɗna kaw.
22Nigi ma li yuldeta vi buur ma siɗiyana, vi vun jaf ma jewna vi wa-alkamarena, nigi ma li yuldeta vi feɗna hay vatta vi busata kaw. 23Sem ɦidi hay busata, sum sa jufayn kaf ma co vok ir Bum-Sumuna, Ma-Vatɗina vi Israyel. 24Kay nan ma digiɗ jaf-sumun vokgiya, nan ma ɦur vun-nagata vigi goyo; hay li ma nigi co vok iran sem ɦidi hay busat ɗawni, sa ma niŋa nagata vigi bugolgi kep kaw may noŋɗi.
25Faray ma nigi lum ɗifin hay semda vanna, nigi as tapam kuɗ tuwam hiɗi fun-bay-kufnaɗi; ɗifin ma nigi ŋatam kay yuldeta vi paskata nigi hinim bur ta-ta goy grawtɗi.
26Vun-jafna vigi ma niyi jewna nigi ma maram hay ziyna vi Ma-Vatɗina Lawna vigiya. Nigi ma zal goor-ɦuna hiɗi miira vi sulumɗi.
27Ma-Vatɗina di tam Musus: Ɗoŋ yoboyn namna, kay nan jun bonot hiɗi naŋ lay, hiɗi Israyel kaf lay ɗawni kuɗ yoboyn namna. 28Musus musi ɗawni kat Ma-Vatɗina ir buur dok-fiɗi. Nam may ti fu noŋɗi, nam may ci niy noŋɗi kaw. Ki kayn nala Ma-Vatɗina ɗo yoboyn ma doogona vi Bonota gaa hay hiɗiy beɗayna.
29Musus jik gaa'a kay hiɗiyta Sinay pa, hiɗiy ma beɗayna vi di-goyta ka hay ɓalamu. Hay li ma nam jik gaa kayni, nam may wi ala vok iram ka wile'eɗi, kay nam kus yoboyn ay hiɗi Ma-Vatɗina. 30Aaron hiɗi gurona vi Israyel kaf ɗuw Musus na kayni, vok iram ka wile'e; nisi tun caw li nari kay co talam goboyo. 31Musus yisiya: Aaron hiɗi sa ŋulona vi tokŋa co talamu, nam tun caw law hiɗi nisiya. 32Bugol kayni, gurona vi Israyel kaf co goboyo, slen ma Ma-Vatɗin dumti ay kulo kay hiɗiyt Sinayna, nam disit goy kafe. 33Hay li ma Musus disi slen kaf dina, nam bar iramu. 34Hay li ma Musus co vok ir Ma-Vatɗina, kay kus yoboy hiɗi namu, sligar ma baray kiramna nam yawam goyo; hay li ma nam hotay goyo, slen ma Lawn dumta kafna nam dum mi gurona vi Israyel. 35Gurona vi Israyel ka ɗuw vok Musus kayni, vokom ka wile ŋolo; nala nam hot bar sligar kiramu, ta-ta hay li ma nam kal vok ir Lawna kay kus yoboy hiɗi namu.
Currently Selected:
KAL-GOYTA 34: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 34
34
Gatta kuɗ hiɗiy beɗay ma ma'na
1Ma-Vatɗina di tam Musus: Ceɗaŋ hiɗiy beɗayn ma' ki ma jewn nala lo, nan min ɗo hayamu yoboy ma ay ɗoy hay hiɗiy beɗay ma jewna ma naŋ tom goyna. 2Naŋ ma kot tuwaŋ giraw culum culum', hay graw culumta de', naŋ ma jik kulo'o kay hiɗiyt Sinay, ɗawni naŋ ma col vokanu, kulo kay sin-hiɗiyta. 3Sa mara as jik kulo'o hiɗi naŋɗi, sa as vul tuwam kulo kay hiɗiy na'ta noŋɗi, fok-dimina hiɗi luwayna nigi ma ŋomom kulo goboy tam hiɗiy na'ta noŋɗi.
4Musus ceɗ hiɗiy beɗayn ma' ki ma jewn nala; nam fokay kulo'o graw culum culum', nam jik kulo'o kay hiɗiyta Sinay, ki Ma-Vatɗin vulum hagata nala, hiɗiy beɗay ma ma'na nam yawam hay ɓalamu may.
5Ma-Vatɗina jikay gaa'a hay ɗugulla, col kat Musus, ɗek semda valam ta ala Ma-Vatɗinat goyo. 6Ma-Vatɗina jik vok Musus; nam ka siwel ala: Ma-Vatɗina, Ma-Vatɗina, nan Lawn ma wi hawta, ma lamanda ma muɗ ɦiy gosoyɗina, ti-kamda vanu hiɗi ɗigerta vanu ka ŋolo. 7Nanu ma ŋom minda vanu, ta-ta tam jaf-sumun birimi, ma vul-gida kay jiw-zlata, ŋel-vunda hiɗi sulukŋa, may tun ɗigerta kay sa ma joonɗi, ma ka kitata kay sulukŋa vi sumayna ta-ta tam gurona, ka kitata vi guron kay guro-ŋolona ta-ta tam jafsi voksi ɦidi kla fiɗi kla.
8Wulini wulini Musus girif gaa'a, nam dab vokom gaa kay nagata. 9Nam di'e, Bum-Sumuna, naŋ lan slugotawa, wulin kayn tunaŋ vokma yo, kay sumun kayni yisi ɗeŋe, vulaŋ gida kay sulukŋa hiɗi jiw-zlata vuma'a, muɗma goy ir vaŋu.
10Ma-Vatɗina hot di'e: Nan vi bonota. Nan min li ɗekka kir sumuna vaŋ kaf, ɗekka na'ta bay li jar jaf-sum sara'a hay naga tara tuwa; sumun sa ŋuyi taŋŋa kaf ma wi lopna vi Ma-Vatɗina. Slen ma ɦuyum' namna nan lum ɗawn hiɗi ɓaŋ naŋu.
11Naŋ ma li ŋali hiɗi slen ma nan min daŋga vaydina. Humaŋu, nan min digiɗ sum sa Amoriyana, sa Kanaaniyana, sa Hetiyena, sa Feresiyena, sa Heviyena hiɗi sa Yebusiyen kaf goy vokgiya. 12Ligi ŋali kay bonota ta nigi ma juna' hiɗi sum sa nigi min co hay nagata visin ɗawni, kay nisi ma lin ti jawta ta ganay gaa vokgitɗi. 13May nigi ma ɦo giwin-ma-ɗifinna visi goyo, lawayn ma ceɗayna visiya nigi ma tom goyo, lawayna visiya ma inina nigi ma ɦom gaa'a.
14Nigi ma girif gaa'a vok lawayn mara'aɗi; kay Ma-Vatɗina semda valam ala hunayta, kay nam hunay ŋolo.
15Ligi ŋali kay sum nisina sa nigi kal hay nagata visin ɗawni, nigi ma vi bono hiɗi nisiɗi, ligi ŋali kay nigi ma muɗ tuwgi viyuw kuɗ lawayna visiɗi, li ɗifin mi lawayna visiɗi kaw, ligi ŋali kay nigi ma tap kuɗsiya kay ti sliw ma ɗifinna visiɗi; 16ligi ŋali kay nigi ma yaw guro-boyna visi mi guro-joriyona vigiɗi, kay hay li ma guro-boyna visi tun caw li tuwsi viyuw kuɗ lawayna visi ɗawni, gurona vigi kaw ma tap kuɗ lawayna visi lay.
17Nigi ma kot laway ma yori hiɗi kawaynɗi.
18Nigi ma li yuldeta vi fun-bay-kufna ir buur siɗiya, liy namna coli kayni hay tilla vi feɗna vi wana. Nigi ma ti fun-bay-kufna, ki nan vulgi hagat nala. Kay nigi kalay goy hay Egipte kayni hay tilla vi feɗna.
19Guro sa vuɗi jewn kaf nisi ir vanu, ta-ta jar gurona vi faray ma ŋulona hiɗi ma gurayna ma vuɗi jewna.
20Goor-kuro ma vuɗi jewna nigi ma muɗum hiɗi goor ɦu-dimiya; la nigi min muɗumɗi, nigi ma munum taɓaram goyo. Gurona vigi sa vuɗi jewn kaf nigi ma gussiya, kay sa as co vok iran hiɗi ɓalam goy ɦawa kiɗaŋ-kiɗaŋɗi.
21Nigi ma li lop ir buur karkiya, hay buurta siɗiyata nigi ma tun sukgiya, la malam hay zumna lebo hay feɗna kaw.
22Nigi ma li yuldeta vi buur ma siɗiyana, vi vun jaf ma jewna vi wa-alkamarena, nigi ma li yuldeta vi feɗna hay vatta vi busata kaw. 23Sem ɦidi hay busata, sum sa jufayn kaf ma co vok ir Bum-Sumuna, Ma-Vatɗina vi Israyel. 24Kay nan ma digiɗ jaf-sumun vokgiya, nan ma ɦur vun-nagata vigi goyo; hay li ma nigi co vok iran sem ɦidi hay busat ɗawni, sa ma niŋa nagata vigi bugolgi kep kaw may noŋɗi.
25Faray ma nigi lum ɗifin hay semda vanna, nigi as tapam kuɗ tuwam hiɗi fun-bay-kufnaɗi; ɗifin ma nigi ŋatam kay yuldeta vi paskata nigi hinim bur ta-ta goy grawtɗi.
26Vun-jafna vigi ma niyi jewna nigi ma maram hay ziyna vi Ma-Vatɗina Lawna vigiya. Nigi ma zal goor-ɦuna hiɗi miira vi sulumɗi.
27Ma-Vatɗina di tam Musus: Ɗoŋ yoboyn namna, kay nan jun bonot hiɗi naŋ lay, hiɗi Israyel kaf lay ɗawni kuɗ yoboyn namna. 28Musus musi ɗawni kat Ma-Vatɗina ir buur dok-fiɗi. Nam may ti fu noŋɗi, nam may ci niy noŋɗi kaw. Ki kayn nala Ma-Vatɗina ɗo yoboyn ma doogona vi Bonota gaa hay hiɗiy beɗayna.
29Musus jik gaa'a kay hiɗiyta Sinay pa, hiɗiy ma beɗayna vi di-goyta ka hay ɓalamu. Hay li ma nam jik gaa kayni, nam may wi ala vok iram ka wile'eɗi, kay nam kus yoboyn ay hiɗi Ma-Vatɗina. 30Aaron hiɗi gurona vi Israyel kaf ɗuw Musus na kayni, vok iram ka wile'e; nisi tun caw li nari kay co talam goboyo. 31Musus yisiya: Aaron hiɗi sa ŋulona vi tokŋa co talamu, nam tun caw law hiɗi nisiya. 32Bugol kayni, gurona vi Israyel kaf co goboyo, slen ma Ma-Vatɗin dumti ay kulo kay hiɗiyt Sinayna, nam disit goy kafe. 33Hay li ma Musus disi slen kaf dina, nam bar iramu. 34Hay li ma Musus co vok ir Ma-Vatɗina, kay kus yoboy hiɗi namu, sligar ma baray kiramna nam yawam goyo; hay li ma nam hotay goyo, slen ma Lawn dumta kafna nam dum mi gurona vi Israyel. 35Gurona vi Israyel ka ɗuw vok Musus kayni, vokom ka wile ŋolo; nala nam hot bar sligar kiramu, ta-ta hay li ma nam kal vok ir Lawna kay kus yoboy hiɗi namu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001