KAL-GOYTA 28
28
Ɗekka kay kotta vi sligar ma-ɗifinna
1Naŋ ma yi Aaron ma ɓasuŋŋa hiɗi gurona valamay kataŋu, naŋ ma vulsi goy hay lopna kay nisi ma sunanu hay lopna vi ɗifinna: Aaron hiɗi gurona valamu Nadab hiɗi Abihu, Eliezer hiɗi Itamar. 2Naŋ ma kot sligar ma peldetna mi ɓasuŋŋa Aaron, kay ɗek ŋolda hiɗi gajijita valamu. 3Sum sa irsi yalla kaf sa nan vulsi ŋusta ta hobay hiɗi wida kaf; naŋ ma disiya kay nisi ma kot sligara vi Aaron, kay nam ma vulumis goy manu kay li ɗifinna vanu. 4Kayni mi sligar ma nisi ma kotomna: Birim ma ɗigiyn kep, noŋ ma giɗeŋŋa kep, noŋ ma fiyokŋa kep, sligar-tuwna ma jaram ciliy kepna kep, jakawata kep, kantin kepe may. Nisi ma kot sligar ma peldetna mi ɓasuŋŋa Aaron, mi gurona valam kaw, kay nisi ma li lop ɗifinna vanu.
5Nisi ma li or talamu, li sligar ma ɗoy zim-zimna talamu, ma ɗoy cih-cihna hiɗi ma slaw keŋŋa hiɗi ma barawna kaw. 6Ŋoŋ ma giɗeŋŋa nisi ma lum hiɗi ora, hiɗi baraw ma tuwam zim-zimna, ma cih-cihna, ma slaw keŋŋa hiɗi baraw ma duɓarayna; tuwam ma li kotay ŋaa'a ŋolo. 7Sligar ŋoŋ namna naŋ ma cuk jeŋ hay pelem ma ma'na kay zlar ma zlaram kulo tam tuwamna. Ma tapam kulo tam tuwamu ki kayn nala. 8Kantina ma li kotay ki sligar-ŋoŋŋa nala kaw, juni goy kalamu; nam ma li kotay hiɗi ora, hiɗi zigew ma zim-zimna, ma cih-cihna hiɗi ma slaw keŋŋa, hiɗi baraw haɓna ma duɓarayna. 9Naŋ ma yaw hiɗiyn oniks ma', naŋ ma ɗo sem gurona vi Israyel hayamu. 10Semda vi sa karkiyan kay hiɗiy ma kepna, semda vi segen sa karkiyan lo kay hiɗiy hen ma kepna, tunsi kay tuwsi kuɗ ŋolda visiya visiya. 11Naŋ ma ɗo sem gurona vi Israyel kay hiɗiy ma ma'na, ki san ɗo hay hiɗiyna, ɗo hay tampoŋŋa kaw nala, naŋ ma kulurum yalam hiɗi ora. 12Hiɗiy ma ma'na naŋ ma cum kulo hay pel ŋoŋ ma giɗeŋŋa, kayni mi gi-humda kay gurona vi Israyel. Hay li ma Aaron ka vok iranu, nam ma ziy semda visiya hay pelemu. 13Wayam ma hoɗoɗna naŋ ma kotom hiɗi ora. 14Jaɓna ma kotay hiɗi or ma bay-rigasna, naŋ ma cilim ki zigewn nala; jaɓn namna ma naŋ cilimna naŋ ma junum tam wayam ma hoɗoɗna.
15Naŋ ma kot birim ŋoŋŋa ma ka kitat hiɗi namna, kotay naa'a ŋolo, naŋ ma kotom ki naŋ kot ŋoŋ ma giɗeŋŋa hen nala kaw, naŋ ma kotom hiɗi ora, hiɗi baraw ma tuwam zim-zimna, ma cih-cihna, hiɗi ma tuwam slawna, hiɗi baraw haɓna ma duɓarayna. 16Vunam fiɗi pet ma li ŋray ca, cum kay tuwam ma; fiyokka valamu ma li ir way-ɓamta kepe, buɗukka valamu ma li ir way-ɓamta kepe kaw. 17Naŋ ma ci hiɗiyn kay tuwamu, zlaram kuɗ tuwam fiɗi fiɗi', ma zlaray kuɗ tuwam jewna: Sardowan kepe, topaz kepe, hiɗi emerode kepe.
18Ma zlaray kuɗ tuwam sem ma ma'na: Grenat kepe, safir kepe, hiɗi diyamaŋ kepe; 19ma zlaray kuɗ tuwam sem ɦidina: Opal kepe, agat kepe, hiɗi Ametiste kepe; 20ma zlaray kuɗ tuwam sem fiɗina: Krisolit kepe, oniks kepe, hiɗi yaspis kepe. Naŋ ma cum gaa'a hay va ma hoɗoɗna ma ora. 21Nam ma li doogo yam ma', kuɗ sem gurona vi Israyel, hayam ma li ɗoy gaa'a ki tampoŋŋa nala. Jafna vi Israyel sa doogo yam ma'na semda visi ma li ɗoy hayam kafe. 22Birim ma ɗigiyna naŋ ma jun jaɓ ma ora ma bay-rigasna kalamu, ciliy ki zigewn nala. 23Naŋ ma kot girliŋ-ora ma', naŋ ma cum goy hay gaŋŋa vi birim ma ŋoŋŋa ma' pete. 24Naŋ ma kal jaɓ ma ora hay girliŋ-ora ma ka ciy goy gaŋ birim ma ɗigiyn ma'na. 25Vun jaɓna ma ma'na, naŋ ma junum tam jeŋ ma ka kulo'o tam noŋ ma giɗeŋŋa hay galam ma vokŋa. 26Naŋ ma kot girliŋ-ora ma' lo, naŋ ma cum goy vun birim-ŋoŋŋa ma ma'na, hay vunam ma kalaf digŋa ma ka kulo tam ŋoŋ ma giɗeŋŋa. 27Naŋ ma kot girliŋ-ora mara ma' lo, ma cum gaa hay gaŋ ma ma'na vi ŋoŋ ma giɗeŋŋa ma hay gal ma vokŋa, goboy hiɗi vunam ma tapayna, kulo'o kay kantina vi ŋoŋŋa ma giɗeŋŋa. 28Jun zigew ma tuwam zim-zimna ma tam girliŋ ma ciy vun birim-ŋoŋŋa, cap junum vunam hen gaa tam girliŋ ma tam vun sligar-ŋoŋŋa, kay ŋoŋŋa ma hin kulo kay kantina a birim-ŋoŋŋa ma hin kalam kulo duɓakay tam sligar-ŋoŋŋa na waŋ'. 29Ki kayn nala, hay li ma Aaron kalawa kalaf hay liyn ma peldetna, semda vi gurona vi Israyel ma li gaɓay war-digamu, ciy kulo kay ŋoŋ-ma-kitana, kayni kay gi-humda dok-dok vok iramu. 30Ŋoŋ ma kitana naŋ ma tap urimna hiɗi tumimna talamu. Naŋ ma lakam hay war-dig Aaron hay li ma nam min co vok iranu. Ki kayn nala, Aaron ma ziy kitata vi gurona vi Israyel hay war-digam dok-doko, hay li ma nam ka co vok Ma-Vatɗina.
31Ŋoŋ-ma-fiyokŋa naŋ ma kotom noŋ kaf ɗawni hiɗi sligar ma tuwam zim-zimna. 32Naŋ ma hinim wayam goy baŋa'a kay kal yam haya, delem ma kal yam hayna naŋ ma diŋaslam dono'o kay nam ma jet goyɗi. 33Gaa vunamu naŋ ma jun vuɗna vi ɦoro-ɦorona, ɗom tuwam zim-zim hen naŋ ɗom tuwam cih-cih, hen slawi may, naŋ ma jun gilereŋ ma or jaram waŋ waŋ. 34Jun gilereŋ ma or kep, jun ɦoro-ɦoro goy vokom kep, gilereŋ kep, ɦoro-ɦoro kep; ta-ta ŋuy vun ŋoŋ ma fiyokŋ goyo. 35Hay li ma Aaron min kal kalaf vok ir Ma-Vatɗina, nam ma junum talamu kay li lopna, hay li ma nam ka kal goyo, nigi as hum tiyna vi gilereŋŋa, kayn nam ka iriya.
36Or ma bay-rigasna naŋ ma beɗem goor heberek, naŋ ma lum ki tampoŋŋa nala, naŋ ma ɗo talam ala, peldetta tam Ma-Vatɗina. 37Naŋ ma junum kulo vok jakawata hiɗi zigew ma tuwam zim-zimna. 38Aaron ma tuna' hay vokomu. Ki kayn nala Aaron ma ziy sulukŋa ma gurona vi Israyel lumu tam vulda vi slen ma peldetna ma nisi maram vok iran nan Ma-Vatɗina. Nam ma li tuni hay vok Aaron dok-doko kay mar slugota van gaa kay sa Israyella.
39Naŋ ma kot sligar-tuwna hiɗi baraw haɓna, naŋ ma cil jakawata hiɗi baraw haɓna, kantina naŋ ma cilim ciliya.
40Naŋ ma kot sligar-tuwna kay gurona vi Aaron, naŋ ma kot kantin misi nisi lay, naŋ ma kotsi pokina, tuwsi ma li ganiya kay ɗek asta visiya. 41Naŋ ma gan tuw ɓasuŋŋa Aaron, gan tuw gurona valam lay. Naŋ ma ɦok mul kisiya, naŋ ma vulsi goyo, naŋ ma lisi goy peldete, nisi ma lak hay liyna van ma peldetna kay li ɗifinna. 42Naŋ ma kotsi kalesoŋ ma ciliy hiɗi barawna, kay ŋay nalata visiya, vunam gaa ɓalsi zaw ta-ta kulo fursiya. 43Aaron hiɗi gurona valam ma cukum kuɗsiya kay kal kalaf hay guɗuk ma fi-tuwna, lebo hay li ma nisi co tam giwin-ma-ɗifinna kay li lop hay liyn ma peldetna, nala joot ma co kisiɗi, kay nisi ma fi mittaɗi kaw. Kayni ti gatta ta hini dok-dok kay Aaron hiɗi jafna valam sa hini bugolomna.
Currently Selected:
KAL-GOYTA 28: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 28
28
Ɗekka kay kotta vi sligar ma-ɗifinna
1Naŋ ma yi Aaron ma ɓasuŋŋa hiɗi gurona valamay kataŋu, naŋ ma vulsi goy hay lopna kay nisi ma sunanu hay lopna vi ɗifinna: Aaron hiɗi gurona valamu Nadab hiɗi Abihu, Eliezer hiɗi Itamar. 2Naŋ ma kot sligar ma peldetna mi ɓasuŋŋa Aaron, kay ɗek ŋolda hiɗi gajijita valamu. 3Sum sa irsi yalla kaf sa nan vulsi ŋusta ta hobay hiɗi wida kaf; naŋ ma disiya kay nisi ma kot sligara vi Aaron, kay nam ma vulumis goy manu kay li ɗifinna vanu. 4Kayni mi sligar ma nisi ma kotomna: Birim ma ɗigiyn kep, noŋ ma giɗeŋŋa kep, noŋ ma fiyokŋa kep, sligar-tuwna ma jaram ciliy kepna kep, jakawata kep, kantin kepe may. Nisi ma kot sligar ma peldetna mi ɓasuŋŋa Aaron, mi gurona valam kaw, kay nisi ma li lop ɗifinna vanu.
5Nisi ma li or talamu, li sligar ma ɗoy zim-zimna talamu, ma ɗoy cih-cihna hiɗi ma slaw keŋŋa hiɗi ma barawna kaw. 6Ŋoŋ ma giɗeŋŋa nisi ma lum hiɗi ora, hiɗi baraw ma tuwam zim-zimna, ma cih-cihna, ma slaw keŋŋa hiɗi baraw ma duɓarayna; tuwam ma li kotay ŋaa'a ŋolo. 7Sligar ŋoŋ namna naŋ ma cuk jeŋ hay pelem ma ma'na kay zlar ma zlaram kulo tam tuwamna. Ma tapam kulo tam tuwamu ki kayn nala. 8Kantina ma li kotay ki sligar-ŋoŋŋa nala kaw, juni goy kalamu; nam ma li kotay hiɗi ora, hiɗi zigew ma zim-zimna, ma cih-cihna hiɗi ma slaw keŋŋa, hiɗi baraw haɓna ma duɓarayna. 9Naŋ ma yaw hiɗiyn oniks ma', naŋ ma ɗo sem gurona vi Israyel hayamu. 10Semda vi sa karkiyan kay hiɗiy ma kepna, semda vi segen sa karkiyan lo kay hiɗiy hen ma kepna, tunsi kay tuwsi kuɗ ŋolda visiya visiya. 11Naŋ ma ɗo sem gurona vi Israyel kay hiɗiy ma ma'na, ki san ɗo hay hiɗiyna, ɗo hay tampoŋŋa kaw nala, naŋ ma kulurum yalam hiɗi ora. 12Hiɗiy ma ma'na naŋ ma cum kulo hay pel ŋoŋ ma giɗeŋŋa, kayni mi gi-humda kay gurona vi Israyel. Hay li ma Aaron ka vok iranu, nam ma ziy semda visiya hay pelemu. 13Wayam ma hoɗoɗna naŋ ma kotom hiɗi ora. 14Jaɓna ma kotay hiɗi or ma bay-rigasna, naŋ ma cilim ki zigewn nala; jaɓn namna ma naŋ cilimna naŋ ma junum tam wayam ma hoɗoɗna.
15Naŋ ma kot birim ŋoŋŋa ma ka kitat hiɗi namna, kotay naa'a ŋolo, naŋ ma kotom ki naŋ kot ŋoŋ ma giɗeŋŋa hen nala kaw, naŋ ma kotom hiɗi ora, hiɗi baraw ma tuwam zim-zimna, ma cih-cihna, hiɗi ma tuwam slawna, hiɗi baraw haɓna ma duɓarayna. 16Vunam fiɗi pet ma li ŋray ca, cum kay tuwam ma; fiyokka valamu ma li ir way-ɓamta kepe, buɗukka valamu ma li ir way-ɓamta kepe kaw. 17Naŋ ma ci hiɗiyn kay tuwamu, zlaram kuɗ tuwam fiɗi fiɗi', ma zlaray kuɗ tuwam jewna: Sardowan kepe, topaz kepe, hiɗi emerode kepe.
18Ma zlaray kuɗ tuwam sem ma ma'na: Grenat kepe, safir kepe, hiɗi diyamaŋ kepe; 19ma zlaray kuɗ tuwam sem ɦidina: Opal kepe, agat kepe, hiɗi Ametiste kepe; 20ma zlaray kuɗ tuwam sem fiɗina: Krisolit kepe, oniks kepe, hiɗi yaspis kepe. Naŋ ma cum gaa'a hay va ma hoɗoɗna ma ora. 21Nam ma li doogo yam ma', kuɗ sem gurona vi Israyel, hayam ma li ɗoy gaa'a ki tampoŋŋa nala. Jafna vi Israyel sa doogo yam ma'na semda visi ma li ɗoy hayam kafe. 22Birim ma ɗigiyna naŋ ma jun jaɓ ma ora ma bay-rigasna kalamu, ciliy ki zigewn nala. 23Naŋ ma kot girliŋ-ora ma', naŋ ma cum goy hay gaŋŋa vi birim ma ŋoŋŋa ma' pete. 24Naŋ ma kal jaɓ ma ora hay girliŋ-ora ma ka ciy goy gaŋ birim ma ɗigiyn ma'na. 25Vun jaɓna ma ma'na, naŋ ma junum tam jeŋ ma ka kulo'o tam noŋ ma giɗeŋŋa hay galam ma vokŋa. 26Naŋ ma kot girliŋ-ora ma' lo, naŋ ma cum goy vun birim-ŋoŋŋa ma ma'na, hay vunam ma kalaf digŋa ma ka kulo tam ŋoŋ ma giɗeŋŋa. 27Naŋ ma kot girliŋ-ora mara ma' lo, ma cum gaa hay gaŋ ma ma'na vi ŋoŋ ma giɗeŋŋa ma hay gal ma vokŋa, goboy hiɗi vunam ma tapayna, kulo'o kay kantina vi ŋoŋŋa ma giɗeŋŋa. 28Jun zigew ma tuwam zim-zimna ma tam girliŋ ma ciy vun birim-ŋoŋŋa, cap junum vunam hen gaa tam girliŋ ma tam vun sligar-ŋoŋŋa, kay ŋoŋŋa ma hin kulo kay kantina a birim-ŋoŋŋa ma hin kalam kulo duɓakay tam sligar-ŋoŋŋa na waŋ'. 29Ki kayn nala, hay li ma Aaron kalawa kalaf hay liyn ma peldetna, semda vi gurona vi Israyel ma li gaɓay war-digamu, ciy kulo kay ŋoŋ-ma-kitana, kayni kay gi-humda dok-dok vok iramu. 30Ŋoŋ ma kitana naŋ ma tap urimna hiɗi tumimna talamu. Naŋ ma lakam hay war-dig Aaron hay li ma nam min co vok iranu. Ki kayn nala, Aaron ma ziy kitata vi gurona vi Israyel hay war-digam dok-doko, hay li ma nam ka co vok Ma-Vatɗina.
31Ŋoŋ-ma-fiyokŋa naŋ ma kotom noŋ kaf ɗawni hiɗi sligar ma tuwam zim-zimna. 32Naŋ ma hinim wayam goy baŋa'a kay kal yam haya, delem ma kal yam hayna naŋ ma diŋaslam dono'o kay nam ma jet goyɗi. 33Gaa vunamu naŋ ma jun vuɗna vi ɦoro-ɦorona, ɗom tuwam zim-zim hen naŋ ɗom tuwam cih-cih, hen slawi may, naŋ ma jun gilereŋ ma or jaram waŋ waŋ. 34Jun gilereŋ ma or kep, jun ɦoro-ɦoro goy vokom kep, gilereŋ kep, ɦoro-ɦoro kep; ta-ta ŋuy vun ŋoŋ ma fiyokŋ goyo. 35Hay li ma Aaron min kal kalaf vok ir Ma-Vatɗina, nam ma junum talamu kay li lopna, hay li ma nam ka kal goyo, nigi as hum tiyna vi gilereŋŋa, kayn nam ka iriya.
36Or ma bay-rigasna naŋ ma beɗem goor heberek, naŋ ma lum ki tampoŋŋa nala, naŋ ma ɗo talam ala, peldetta tam Ma-Vatɗina. 37Naŋ ma junum kulo vok jakawata hiɗi zigew ma tuwam zim-zimna. 38Aaron ma tuna' hay vokomu. Ki kayn nala Aaron ma ziy sulukŋa ma gurona vi Israyel lumu tam vulda vi slen ma peldetna ma nisi maram vok iran nan Ma-Vatɗina. Nam ma li tuni hay vok Aaron dok-doko kay mar slugota van gaa kay sa Israyella.
39Naŋ ma kot sligar-tuwna hiɗi baraw haɓna, naŋ ma cil jakawata hiɗi baraw haɓna, kantina naŋ ma cilim ciliya.
40Naŋ ma kot sligar-tuwna kay gurona vi Aaron, naŋ ma kot kantin misi nisi lay, naŋ ma kotsi pokina, tuwsi ma li ganiya kay ɗek asta visiya. 41Naŋ ma gan tuw ɓasuŋŋa Aaron, gan tuw gurona valam lay. Naŋ ma ɦok mul kisiya, naŋ ma vulsi goyo, naŋ ma lisi goy peldete, nisi ma lak hay liyna van ma peldetna kay li ɗifinna. 42Naŋ ma kotsi kalesoŋ ma ciliy hiɗi barawna, kay ŋay nalata visiya, vunam gaa ɓalsi zaw ta-ta kulo fursiya. 43Aaron hiɗi gurona valam ma cukum kuɗsiya kay kal kalaf hay guɗuk ma fi-tuwna, lebo hay li ma nisi co tam giwin-ma-ɗifinna kay li lop hay liyn ma peldetna, nala joot ma co kisiɗi, kay nisi ma fi mittaɗi kaw. Kayni ti gatta ta hini dok-dok kay Aaron hiɗi jafna valam sa hini bugolomna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001