KAL-GOYTA 27
27
Ɗekka kay inta vi giwin-ma-ɗifinna, liyn ma ŋal ɗifinna, hiɗi wur-daŋŋa
1Naŋ ma kot giwin-ma-ɗifinna hiɗi gu-kasiyana, fiyokka valam ma li ir goldoŋ vasl, buɗukka valam ma li ir goldoŋ vasl lay, galam fiɗi pet ma li ŋray ca, fiyokka valam ta kulota ma li ir goldoŋ ɦidi. 2Gefem ma fiɗin pet naŋ ma in miyok kalamu, naŋ ma korom tuwam hiɗi wayna. 3Kay giwin-ma ɗifinna naŋ ma kot ŋarak ma ko butuwna, kot pella, kot tasa ma ŋulona, kot va ma yaw sliwna, kot ganuna kaw. Nam kaf naŋ ma kotom hiɗi wayna. 4Naŋ ma kal kaway-ciliyn hayamu, kotom ki dena nala, yorom mi wayna. Naŋ ma hormos wayna fiɗi goy gaaŋ den namna. 5Naŋ ma vum gaa kuɗ vun giwin-ma-ɗifinna, hay gal ma gaan pa, nam ma co kulo hoyok giwin-ma-ɗifinna. 6Naŋ ma kot malla ma fiyokŋa kay giwin-ma-ɗifinna, malla namna mi gu-kasiyana, naŋ ma korom tuwam hiɗi wayna. 7Gu-malla namna ma kalam hay girliŋ-kawayna, malla namna ma lak hay gef giwin-ma-ɗifinna ma ma'na kay ziyim hiɗi namu. 8Naŋ ma kotom hiɗi hayam gaa zulu, hiɗi biremna, naŋ ma kotomu ki nan ɗekem kiraŋu kulo kay hiɗiyt nala.
9Naŋ ma kot wur-daŋŋa vi tabernaklena hay gal ma kayamna, kay kot daŋ namna kayni, naŋ ma cil sligara hiɗi baraw ma haɓna, kay gal ma jewn kayni, fiyokka valam ma li ir goldoŋ kis, 10hiɗi dolla dok-ma', hiɗi wayn yori gaa kuɗum dok-ma' kaw; sle ma gaɓna ma tam dolla hiɗi silik ma sligar gaɓay talamna ma li yori hiɗi doorota. 11Hay gal ma gaan kaw, naŋ ma cil sligara ma fiyokka valam goldoŋ kis, hiɗi dolla dok-ma', hiɗi wayna yori gaa kuɗum dok-ma' kaw, sle ma gaɓna ma tam dolla hiɗi silik ma gaɓ sligar talamna ma li yori hiɗi doorota. 12Hay gal ma vulatina, naŋ ma cil sligara ir goldoŋ dok-vasl kay be'da vi wur-daŋŋa, dolla doogo hiɗi wayn yori gaa kuɗum doogo lay. 13Hay gal ma kuɗuwna, kuɗ goldoŋ ma dok-vaslna vi sligar ma kay wur-daŋŋa kayni, 14naŋ ma hin goldoŋ goy doogo yam vasl kay gefem ma kepna, hiɗi dol ma ɦidina hiɗi kaway ma yori gaa kuɗum ɦidin kaw. 15Sligara goldoŋ doogo yam vasl lo kay gefem ma gal ma'na, hiɗi dolla hiɗi kaway ma yori gaa kuɗumna ɦidi kaw. 16Kay vun wur-daŋŋa, naŋ ma kot sligar-gaɓayna ma goldoŋ dok-ma', tuwam zim-zim, cih-cih, hiɗi slawi hiɗi baraw haɓna ma duɓarayna kaf ciliy hiɗi ɓamta, hiɗi dolla fiɗi, kaway yori gaa kuɗum fiɗi kaw. 17Dolla ma ŋuy wur-daŋŋa kaf, silik ma kal sligar hayamna ma li kotay hiɗi doorota, sle ma gaɓna kotay hiɗi doorota diram ma gaan ma li yori hiɗi wayna. 18Fiyokka vi wur-daŋŋa namna ma li ir goldoŋ kis, buɗukka valamu ma li ir goldoŋ dok-vasl hay galam kafe, fiyokka valam ta kulota ma li ir goldoŋ vasl, sligar-gaɓay ma talamna ma li mi baraw haɓna ma duɓarayna, diram ma gaan ma li mi wayna may.
19Jakŋa kaf ma kotom kay li lop hiɗi namu hay tabernaklena, gu ma piy gaana valam kaf, hiɗi gu ma piy gaana ma tam wur-daŋŋa kaf ma liys mi wayna.
20Naŋ ma vul hagata tam gurona vi Israyel kay nisi maraŋ mul olive ma kilira kay ɦokom hay fitilla ma ka lakay kay va ma tun fitilla, kay fitilla ma li dok-dok ŋaliya. 21Aaron hiɗi gurona valamu ma kotom ɗawni, hay guɗuk ma fi-tuwna, goy bugol sligar-gaɓayna ma ka vok va ma di-goyna. Nisi ma kotomu kay fitilla ma ŋal hay vok ir Ma-Vatɗina tun cawis hay vulatit pa ta-ta liyn fo goyo. Gatta kayni hini kay jafna vigiya kay dok-doko, gurona vi Israyel ma li kuɗa'a.
Currently Selected:
KAL-GOYTA 27: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 27
27
Ɗekka kay inta vi giwin-ma-ɗifinna, liyn ma ŋal ɗifinna, hiɗi wur-daŋŋa
1Naŋ ma kot giwin-ma-ɗifinna hiɗi gu-kasiyana, fiyokka valam ma li ir goldoŋ vasl, buɗukka valam ma li ir goldoŋ vasl lay, galam fiɗi pet ma li ŋray ca, fiyokka valam ta kulota ma li ir goldoŋ ɦidi. 2Gefem ma fiɗin pet naŋ ma in miyok kalamu, naŋ ma korom tuwam hiɗi wayna. 3Kay giwin-ma ɗifinna naŋ ma kot ŋarak ma ko butuwna, kot pella, kot tasa ma ŋulona, kot va ma yaw sliwna, kot ganuna kaw. Nam kaf naŋ ma kotom hiɗi wayna. 4Naŋ ma kal kaway-ciliyn hayamu, kotom ki dena nala, yorom mi wayna. Naŋ ma hormos wayna fiɗi goy gaaŋ den namna. 5Naŋ ma vum gaa kuɗ vun giwin-ma-ɗifinna, hay gal ma gaan pa, nam ma co kulo hoyok giwin-ma-ɗifinna. 6Naŋ ma kot malla ma fiyokŋa kay giwin-ma-ɗifinna, malla namna mi gu-kasiyana, naŋ ma korom tuwam hiɗi wayna. 7Gu-malla namna ma kalam hay girliŋ-kawayna, malla namna ma lak hay gef giwin-ma-ɗifinna ma ma'na kay ziyim hiɗi namu. 8Naŋ ma kotom hiɗi hayam gaa zulu, hiɗi biremna, naŋ ma kotomu ki nan ɗekem kiraŋu kulo kay hiɗiyt nala.
9Naŋ ma kot wur-daŋŋa vi tabernaklena hay gal ma kayamna, kay kot daŋ namna kayni, naŋ ma cil sligara hiɗi baraw ma haɓna, kay gal ma jewn kayni, fiyokka valam ma li ir goldoŋ kis, 10hiɗi dolla dok-ma', hiɗi wayn yori gaa kuɗum dok-ma' kaw; sle ma gaɓna ma tam dolla hiɗi silik ma sligar gaɓay talamna ma li yori hiɗi doorota. 11Hay gal ma gaan kaw, naŋ ma cil sligara ma fiyokka valam goldoŋ kis, hiɗi dolla dok-ma', hiɗi wayna yori gaa kuɗum dok-ma' kaw, sle ma gaɓna ma tam dolla hiɗi silik ma gaɓ sligar talamna ma li yori hiɗi doorota. 12Hay gal ma vulatina, naŋ ma cil sligara ir goldoŋ dok-vasl kay be'da vi wur-daŋŋa, dolla doogo hiɗi wayn yori gaa kuɗum doogo lay. 13Hay gal ma kuɗuwna, kuɗ goldoŋ ma dok-vaslna vi sligar ma kay wur-daŋŋa kayni, 14naŋ ma hin goldoŋ goy doogo yam vasl kay gefem ma kepna, hiɗi dol ma ɦidina hiɗi kaway ma yori gaa kuɗum ɦidin kaw. 15Sligara goldoŋ doogo yam vasl lo kay gefem ma gal ma'na, hiɗi dolla hiɗi kaway ma yori gaa kuɗumna ɦidi kaw. 16Kay vun wur-daŋŋa, naŋ ma kot sligar-gaɓayna ma goldoŋ dok-ma', tuwam zim-zim, cih-cih, hiɗi slawi hiɗi baraw haɓna ma duɓarayna kaf ciliy hiɗi ɓamta, hiɗi dolla fiɗi, kaway yori gaa kuɗum fiɗi kaw. 17Dolla ma ŋuy wur-daŋŋa kaf, silik ma kal sligar hayamna ma li kotay hiɗi doorota, sle ma gaɓna kotay hiɗi doorota diram ma gaan ma li yori hiɗi wayna. 18Fiyokka vi wur-daŋŋa namna ma li ir goldoŋ kis, buɗukka valamu ma li ir goldoŋ dok-vasl hay galam kafe, fiyokka valam ta kulota ma li ir goldoŋ vasl, sligar-gaɓay ma talamna ma li mi baraw haɓna ma duɓarayna, diram ma gaan ma li mi wayna may.
19Jakŋa kaf ma kotom kay li lop hiɗi namu hay tabernaklena, gu ma piy gaana valam kaf, hiɗi gu ma piy gaana ma tam wur-daŋŋa kaf ma liys mi wayna.
20Naŋ ma vul hagata tam gurona vi Israyel kay nisi maraŋ mul olive ma kilira kay ɦokom hay fitilla ma ka lakay kay va ma tun fitilla, kay fitilla ma li dok-dok ŋaliya. 21Aaron hiɗi gurona valamu ma kotom ɗawni, hay guɗuk ma fi-tuwna, goy bugol sligar-gaɓayna ma ka vok va ma di-goyna. Nisi ma kotomu kay fitilla ma ŋal hay vok ir Ma-Vatɗina tun cawis hay vulatit pa ta-ta liyn fo goyo. Gatta kayni hini kay jafna vigiya kay dok-doko, gurona vi Israyel ma li kuɗa'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001