KAL-GOYTA 20
20
Vun-ma-gatna ma doogona
1Kay na'ta Lawn di yoboyn kayni kaf, nam di ala: 2Nanu mi Ma-Vatɗina Lawna vaŋu, ma kalaŋay goy hay nagat Egipte pa, hay ziyn ma laŋ gorvona.
3Naŋ ma girif laway maraɗi, girifanti nan kepe.
4Naŋ ma ceɗ guna kay girifim ki lawayna vaŋ naɗi, kot va ma ŋray ki sle ma ka kulo hay wuralawn naɗi, ki sle ma gaa'a hay nagat naɗi, ki sle ma hay niyna gaa'a kuɗ nagat naɗi kaw. 5Naŋ ma girif gaa'a vokomɗi, sunumɗi kaw; kay nanu Ma-Vatɗina, Lawna vaŋu, nanu mi Lawn ma hunaya, nisi sa ka gaw tanu, nan ka kitata visi kay guro-misina, tam jafsi ma bugolsi ɦidina, ma bugolsi fiɗina kaw. 6May nisi sa minanu, sa ŋom vun-ma-gatna, kaw nan li slugot tam jafsi bugolsi ta-ta co birimi.
7Naŋ ma yi sem Ma-Vatɗina Lawna vaŋu waaɗi, kay sa ma yi sem Lawna waa, Lawna as hinim bay ka kitat kalamɗi.
8Humaŋ jak' kay buur ma tun-sukŋa, kay nam peldete. 9Naŋ ma li lop ir buur karkiya, naŋ ma li lopna vaŋ kaf jar buur namna. 10May buurta siɗiyat kayni ti buurta vi Ma-Vatɗina Lawna vaŋu: Naŋ as li lop haya' noŋ ne'ɗi: Naŋ liɗi kaw, goora vaŋ as liɗi kaw, goota vaŋ liɗi kaw, gorvona vaŋ liɗi kaw, gorvota vaŋ liɗi kaw, farayna vaŋ li lopɗi kaw, sa ma pulla ma ka musi hay vun-galana vaŋŋa as liɗi kaw. 11Kay Ma-Vatɗina li dukalawna, li nagata hiɗi niy-lum ma ŋolla hiɗi sle ma hayam kafna kayn jar buur karkiya, nam tun sukamu hay buurta siɗiyata, kuɗ kayni buur na'ta ta tun-sukka Lawn gi bol ka'a, nam la' goy peldete.
12Slaŋ yam buŋu hiɗi suŋ kulo'o, kay buura vaŋ ma hur vokomu hay nagata ta Ma-Vatɗin Lawna vaŋ vulaŋgita.
13Naŋ ma ci matɗi.
14Naŋ ma li zlata-buloɗi,
15naŋ ma kulɗi.
16Naŋ ma di law ma sin kat sugoloŋɗi.
17Naŋ ma niŋa ziyna vi sugoloŋɗi; naŋ ma niŋa cata vi sugoloŋɗi, gorvona valamɗi kaw, gorvota valamɗi kaw. Putna valamɗi kaw, kurona valamɗi kaw,
18slena valam noŋ kaf naŋ niŋamɗi. Sumun kaf ka hum del niy-ma-bayna hiɗi della vi togolomna; nisi ka wi kut wile'e, yam hiɗiyn ka liy nuku. Hay li ma sumun kaf wi kayni, tuwsi tun caw visi bat-bat', nisi lak goy gine'e. 19Nisi di tam Musus: Naŋ ma law hiɗi numa'a mi naŋ kay tuwaŋu, nala numa ma humaŋu; hin Lawn kay tuwam law hiɗi numaɗi, la naɗin numa ɗawn ma mita. 20Musus di tisiya: Nigi ma li narɗi, kay Lawna co kayni kay wakgiya, kay nigi ma li nar kuɗumu a nigi ma li sulukɗi. 21Sum segen kaf lak goy gine'e; may Musus co goboy tam ɗugulla ma Lawn ka hayamna.
22Ma-Vatɗina di tam Musus: Naŋ ma di tam gurona vi Israyel ala: Va ma nan di tigiyay kulo hay wuralawn pan nigi wumawa hiɗi irgiya. 23Lawayn ma yori hiɗi wayna, ma kotay hiɗi ora kaw, nigi ma kotomu kay ŋran hiɗi namɗi. Nigi as kotom jargi noŋɗi. 24Nigi ma kotan giwin-ma-ɗifinna, lum hiɗi nagana; kulo kalamu nigi ma li ɗifin ma ŋal goyna, ɗifin ma slugona kaw, lum hiɗi fukunayna hiɗi luwayna, liyn marige kaw ma nan ɗek tuwanawa goy hayamu na, nan ma co tigiya, nan ma gigi bolo. 25La naŋ min kotan giwin-ma-ɗifinna hiɗi hiɗiyna naŋ as ceɗ tuw hiɗiyn goyɗi, kay hay li ma naŋ tun vun ceɗna vaŋawa talamu na, naŋ muɗumawa goy liwisi 26Naŋ ma jik kulo tam giwin-ma-ɗifinna hay jaram ma inin noŋɗi, kay a sa ma wi nalata vaŋɗi.
Currently Selected:
KAL-GOYTA 20: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 20
20
Vun-ma-gatna ma doogona
1Kay na'ta Lawn di yoboyn kayni kaf, nam di ala: 2Nanu mi Ma-Vatɗina Lawna vaŋu, ma kalaŋay goy hay nagat Egipte pa, hay ziyn ma laŋ gorvona.
3Naŋ ma girif laway maraɗi, girifanti nan kepe.
4Naŋ ma ceɗ guna kay girifim ki lawayna vaŋ naɗi, kot va ma ŋray ki sle ma ka kulo hay wuralawn naɗi, ki sle ma gaa'a hay nagat naɗi, ki sle ma hay niyna gaa'a kuɗ nagat naɗi kaw. 5Naŋ ma girif gaa'a vokomɗi, sunumɗi kaw; kay nanu Ma-Vatɗina, Lawna vaŋu, nanu mi Lawn ma hunaya, nisi sa ka gaw tanu, nan ka kitata visi kay guro-misina, tam jafsi ma bugolsi ɦidina, ma bugolsi fiɗina kaw. 6May nisi sa minanu, sa ŋom vun-ma-gatna, kaw nan li slugot tam jafsi bugolsi ta-ta co birimi.
7Naŋ ma yi sem Ma-Vatɗina Lawna vaŋu waaɗi, kay sa ma yi sem Lawna waa, Lawna as hinim bay ka kitat kalamɗi.
8Humaŋ jak' kay buur ma tun-sukŋa, kay nam peldete. 9Naŋ ma li lop ir buur karkiya, naŋ ma li lopna vaŋ kaf jar buur namna. 10May buurta siɗiyat kayni ti buurta vi Ma-Vatɗina Lawna vaŋu: Naŋ as li lop haya' noŋ ne'ɗi: Naŋ liɗi kaw, goora vaŋ as liɗi kaw, goota vaŋ liɗi kaw, gorvona vaŋ liɗi kaw, gorvota vaŋ liɗi kaw, farayna vaŋ li lopɗi kaw, sa ma pulla ma ka musi hay vun-galana vaŋŋa as liɗi kaw. 11Kay Ma-Vatɗina li dukalawna, li nagata hiɗi niy-lum ma ŋolla hiɗi sle ma hayam kafna kayn jar buur karkiya, nam tun sukamu hay buurta siɗiyata, kuɗ kayni buur na'ta ta tun-sukka Lawn gi bol ka'a, nam la' goy peldete.
12Slaŋ yam buŋu hiɗi suŋ kulo'o, kay buura vaŋ ma hur vokomu hay nagata ta Ma-Vatɗin Lawna vaŋ vulaŋgita.
13Naŋ ma ci matɗi.
14Naŋ ma li zlata-buloɗi,
15naŋ ma kulɗi.
16Naŋ ma di law ma sin kat sugoloŋɗi.
17Naŋ ma niŋa ziyna vi sugoloŋɗi; naŋ ma niŋa cata vi sugoloŋɗi, gorvona valamɗi kaw, gorvota valamɗi kaw. Putna valamɗi kaw, kurona valamɗi kaw,
18slena valam noŋ kaf naŋ niŋamɗi. Sumun kaf ka hum del niy-ma-bayna hiɗi della vi togolomna; nisi ka wi kut wile'e, yam hiɗiyn ka liy nuku. Hay li ma sumun kaf wi kayni, tuwsi tun caw visi bat-bat', nisi lak goy gine'e. 19Nisi di tam Musus: Naŋ ma law hiɗi numa'a mi naŋ kay tuwaŋu, nala numa ma humaŋu; hin Lawn kay tuwam law hiɗi numaɗi, la naɗin numa ɗawn ma mita. 20Musus di tisiya: Nigi ma li narɗi, kay Lawna co kayni kay wakgiya, kay nigi ma li nar kuɗumu a nigi ma li sulukɗi. 21Sum segen kaf lak goy gine'e; may Musus co goboy tam ɗugulla ma Lawn ka hayamna.
22Ma-Vatɗina di tam Musus: Naŋ ma di tam gurona vi Israyel ala: Va ma nan di tigiyay kulo hay wuralawn pan nigi wumawa hiɗi irgiya. 23Lawayn ma yori hiɗi wayna, ma kotay hiɗi ora kaw, nigi ma kotomu kay ŋran hiɗi namɗi. Nigi as kotom jargi noŋɗi. 24Nigi ma kotan giwin-ma-ɗifinna, lum hiɗi nagana; kulo kalamu nigi ma li ɗifin ma ŋal goyna, ɗifin ma slugona kaw, lum hiɗi fukunayna hiɗi luwayna, liyn marige kaw ma nan ɗek tuwanawa goy hayamu na, nan ma co tigiya, nan ma gigi bolo. 25La naŋ min kotan giwin-ma-ɗifinna hiɗi hiɗiyna naŋ as ceɗ tuw hiɗiyn goyɗi, kay hay li ma naŋ tun vun ceɗna vaŋawa talamu na, naŋ muɗumawa goy liwisi 26Naŋ ma jik kulo tam giwin-ma-ɗifinna hay jaram ma inin noŋɗi, kay a sa ma wi nalata vaŋɗi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001