KAL-GOYTA 19
19
SUM SA ISRAYELLA KA HAY SINAY
Cota visi hay Sinay
1Hay til ma ɦidina vi kal-goyta visi hay Egipte kayni, gurona vi Israyel coowa hay buur na'ta hay fulda vi Sinay. 2Nisi fokis hay Refidim pa, co hay fulda vi Sinay. Nisi vi guɗukŋa visi hay fulda, ɗiger vok hiɗiyta.
3Musus jik kulo'o kat Lawna: Kulo kay hiɗiyn pa Ma-Vatɗin yumu, ka dumu: Gurona vi Yakub sa gurona vi Israyella naŋ ma disi ala: 4Nigi wi slen ma nan lum tam sa Egiptena, nigi wi kaw nanige nan yawgiyay ki lay-bakŋa ziy gurona valam kulo kay glaŋatam nala kay margi tanu. 5Wulin kayni la nigi min human delanu, la nigi min ŋom bonota vanu, jar sum segen kaf sumuna van si nigiya, kay nagat waŋŋi na' vanu; 6nigi ma muɗ ɗawni si jaf muliyan sa-ɗifinna, jaf-sum sa peldetna, kayni mi yoboyn ma naŋ ma dum tam gurona vi Israyel.
7Musus co'o, nam yi sa maariyana vi Israyella, law na'ta nam tuna' gaa voksi kaf ki Lawna di talam nala. 8Sumun noŋ kaf hot dita: Numa min li kuɗ slen kaf ma Ma-Vatɗin dumna. Musus hot di lawta visi mi Lawna. 9Ma-Vatɗina di tam Musus: Ɗuwaŋu nan min co kataŋu jar ɗugul ma ŋolla, kay sumun ma hum yoboy ma nan ka kusum hiɗi naŋŋa, kay nisi ma tun ŋalda visi kaŋu. Musus tuɗ dita vi sumun mi Lawna.
10Ma-Vatɗin di tam Musus: Tuɗaŋ kat sumuna; disiya kay nisi ma li tuwsi goy peldete vaydi hiɗi jifini, nisi ma muz sligara visi goyo kaw. 11Nisi ma lak hiɗi tuwsi kotiya kay buurta ɦidit ɗawni, kay co hay buurta ɦidit ɗawni, nan ka jikay gaa'a kay hiɗiyta Sinay, goy kir sumun kaf. 12Naŋ ma ŋaɓ vun liyn ma nisi ma lak hayamna, naŋ ma disi ala: Ligi ŋali, jikgi kulo kay hiɗiynɗi, tungi ɓigi talamɗi lay. Sa ma tun balamawa tam hiɗiyna, nam ma fi mitta. 13Sa as tun ɓalam tam sa namnaɗi, may gum hiɗi goorhoyona, lebo com hayam goy hiɗi ɓarawta: La mi sa'a, la mi muuru kaw nam as mus iri loɗi. Hay li ma togolomna buwawa, nisi ma tuɗ kulo goboy tam hiɗiyna.
14Kulo kay hiɗiyn pa Musus jik gaa tam sumuna, nam lisi goy peldete, nisi muz sligara visi goyo kaw. 15Nam di tisiya: Nigi ma lak hiɗi tuwgi kotiya jar buur ɦidi. Sa ma bur tam caɗi kaw.
16Hay buurta ɦidita hay graw culumta, niyn tun caw baya, wilet ka li'e, ɗugul ma ŋolla ka kulo kay hiɗiyna; togolomna ka buw dono ŋolo; sum sa ka hay guɗukŋa kaf tuwsi tun caw visi bat-bat'. 17Musus di sumun kay nisi ma kal goy hay guɗukŋa, kay tuɗ ŋaf ir Lawna. Nisi zlar gaa sem hiɗiyna. 18Yam hiɗiyta Sinay ka pat nuk noŋ kaf, kay Ma-Vatɗina jikay gaa'a jar kuta; nuk namna ka pat kulo'o. Ki nuk ma ka ŋal juruta nala, hiɗiyn kaf ka wir hiɗi dono'o. 19Togolomna ka buw dono vokom suwa, Musus ka lawa, may Lawn ka hotom dita hiɗi delem kulo ŋolo. 20Ki kayn nala Lawn jik gaa'a kay hiɗiyta Sinay, kulo kay sin-hiɗiyta, Lawn yi Musus kulo talamu, Musus jik kulo talamu.
21Ma-Vatɗina di tam Musus: Jikaŋ gaa'a, naŋ ma tel sumuna kay nisi ma li ŋali, nisi ma jaŋ gosoyo kay co ɗuwanɗi, la naɗi segen kuɗsi ŋolo ma fi mitta. 22Muliyan-sa-ɗifinna sa min co tanu kaw, hinsi li tuwsi goy peldete, kay nisi ma mitɗi. 23Musus di tam Ma-Vatɗina: Sumun kayni as jik kulo kay hiɗiytɗi, kay naŋ telma goy jew ala: Numa ma ŋaɓ vun liyn ma lakka kat hiɗiyta, nisi ma la' goy peldete kaw. 24Ma-Vatɗin dumu: Jikaŋ gaa katsiya; bugolda naŋ ma jikay kulo'o hiɗi Aaron; may muliyan-sa-ɗifinna hiɗi sum segen noŋ kaf nisi ma li ŋali kay jikay kulo tanu, kay a nisi ma mitɗi. 25Musus jik gaa katsiya, nam disi slen namna.
Currently Selected:
KAL-GOYTA 19: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 19
19
SUM SA ISRAYELLA KA HAY SINAY
Cota visi hay Sinay
1Hay til ma ɦidina vi kal-goyta visi hay Egipte kayni, gurona vi Israyel coowa hay buur na'ta hay fulda vi Sinay. 2Nisi fokis hay Refidim pa, co hay fulda vi Sinay. Nisi vi guɗukŋa visi hay fulda, ɗiger vok hiɗiyta.
3Musus jik kulo'o kat Lawna: Kulo kay hiɗiyn pa Ma-Vatɗin yumu, ka dumu: Gurona vi Yakub sa gurona vi Israyella naŋ ma disi ala: 4Nigi wi slen ma nan lum tam sa Egiptena, nigi wi kaw nanige nan yawgiyay ki lay-bakŋa ziy gurona valam kulo kay glaŋatam nala kay margi tanu. 5Wulin kayni la nigi min human delanu, la nigi min ŋom bonota vanu, jar sum segen kaf sumuna van si nigiya, kay nagat waŋŋi na' vanu; 6nigi ma muɗ ɗawni si jaf muliyan sa-ɗifinna, jaf-sum sa peldetna, kayni mi yoboyn ma naŋ ma dum tam gurona vi Israyel.
7Musus co'o, nam yi sa maariyana vi Israyella, law na'ta nam tuna' gaa voksi kaf ki Lawna di talam nala. 8Sumun noŋ kaf hot dita: Numa min li kuɗ slen kaf ma Ma-Vatɗin dumna. Musus hot di lawta visi mi Lawna. 9Ma-Vatɗina di tam Musus: Ɗuwaŋu nan min co kataŋu jar ɗugul ma ŋolla, kay sumun ma hum yoboy ma nan ka kusum hiɗi naŋŋa, kay nisi ma tun ŋalda visi kaŋu. Musus tuɗ dita vi sumun mi Lawna.
10Ma-Vatɗin di tam Musus: Tuɗaŋ kat sumuna; disiya kay nisi ma li tuwsi goy peldete vaydi hiɗi jifini, nisi ma muz sligara visi goyo kaw. 11Nisi ma lak hiɗi tuwsi kotiya kay buurta ɦidit ɗawni, kay co hay buurta ɦidit ɗawni, nan ka jikay gaa'a kay hiɗiyta Sinay, goy kir sumun kaf. 12Naŋ ma ŋaɓ vun liyn ma nisi ma lak hayamna, naŋ ma disi ala: Ligi ŋali, jikgi kulo kay hiɗiynɗi, tungi ɓigi talamɗi lay. Sa ma tun balamawa tam hiɗiyna, nam ma fi mitta. 13Sa as tun ɓalam tam sa namnaɗi, may gum hiɗi goorhoyona, lebo com hayam goy hiɗi ɓarawta: La mi sa'a, la mi muuru kaw nam as mus iri loɗi. Hay li ma togolomna buwawa, nisi ma tuɗ kulo goboy tam hiɗiyna.
14Kulo kay hiɗiyn pa Musus jik gaa tam sumuna, nam lisi goy peldete, nisi muz sligara visi goyo kaw. 15Nam di tisiya: Nigi ma lak hiɗi tuwgi kotiya jar buur ɦidi. Sa ma bur tam caɗi kaw.
16Hay buurta ɦidita hay graw culumta, niyn tun caw baya, wilet ka li'e, ɗugul ma ŋolla ka kulo kay hiɗiyna; togolomna ka buw dono ŋolo; sum sa ka hay guɗukŋa kaf tuwsi tun caw visi bat-bat'. 17Musus di sumun kay nisi ma kal goy hay guɗukŋa, kay tuɗ ŋaf ir Lawna. Nisi zlar gaa sem hiɗiyna. 18Yam hiɗiyta Sinay ka pat nuk noŋ kaf, kay Ma-Vatɗina jikay gaa'a jar kuta; nuk namna ka pat kulo'o. Ki nuk ma ka ŋal juruta nala, hiɗiyn kaf ka wir hiɗi dono'o. 19Togolomna ka buw dono vokom suwa, Musus ka lawa, may Lawn ka hotom dita hiɗi delem kulo ŋolo. 20Ki kayn nala Lawn jik gaa'a kay hiɗiyta Sinay, kulo kay sin-hiɗiyta, Lawn yi Musus kulo talamu, Musus jik kulo talamu.
21Ma-Vatɗina di tam Musus: Jikaŋ gaa'a, naŋ ma tel sumuna kay nisi ma li ŋali, nisi ma jaŋ gosoyo kay co ɗuwanɗi, la naɗi segen kuɗsi ŋolo ma fi mitta. 22Muliyan-sa-ɗifinna sa min co tanu kaw, hinsi li tuwsi goy peldete, kay nisi ma mitɗi. 23Musus di tam Ma-Vatɗina: Sumun kayni as jik kulo kay hiɗiytɗi, kay naŋ telma goy jew ala: Numa ma ŋaɓ vun liyn ma lakka kat hiɗiyta, nisi ma la' goy peldete kaw. 24Ma-Vatɗin dumu: Jikaŋ gaa katsiya; bugolda naŋ ma jikay kulo'o hiɗi Aaron; may muliyan-sa-ɗifinna hiɗi sum segen noŋ kaf nisi ma li ŋali kay jikay kulo tanu, kay a nisi ma mitɗi. 25Musus jik gaa katsiya, nam disi slen namna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001