KAL-GOYTA 11
11
Mitta vi guro sa vuɗi jewna
1Ma-Vatɗina di tam Musus: Nan min hin bakmara ma ŋolla co'o kay Farawn hiɗi nagat Egipte noŋ kafe, bugol kayni nam ma hingi kal goyo hay nagat tani, hay li ma nam hingi kal goy ɗawni, digiɗgi goy ɗawn mi nam kay tuwam noŋo. 2Naŋ ma di tam sumuna: Daŋ tam jufayna hiɗi boyn kaw kay nisi ma di tam sum sa ziysi katsina kay vulsi doway ma yori hiɗi doorona, ma yori hiɗi ora kaw. 3Ma-Vatɗina kal dikga ŋaata hay sum sa Egiptena, nisi tun caw li slugot mi sa Israyella, Musus kaw sum sa Egiptena hiɗi sa sunda vi Farawn, hiɗi sumun kaf ka slum yalam kulo ŋolo.
4Musus di'e: Ma-Vatɗin di ala hay henjet-daŋalta nam ka jik hay nagat Egipte. 5Guro sa vuɗi jewna hay nagat Egipte kaf ma mita; tun caw tam goora vi Farawn ma vuɗi jewna ma yaw vocota valamna pa, ta-ta tam goor ma vuɗi jewna vi gorvota ta lut wana,#11:5 Gorvota ta lut wana Ti gorvota ta sa ŋa va ka'ɗita. ta-ta tam farayna ma vuɗi jewna kaf. 6Hay nagat Egipte tiyn ma li ŋolo, tiy ma ki kayn nala bay li jew tuwa, vok kaw mayɗi. 7May jar gurona vi Israyel kaf, tun caway tam sumun pa ta-ta tam farayna; diyn kaw ma buw vunam kulo ɓislek noŋɗi, kay nigi ma wi ala nanige Ma-Vatɗina nam poŋ ir sum sa Egipten goy hiɗi sum sa Israyella. 8Ki kayn nala sa sunda vaŋ kaf lakŋi ma co katanu, ma girif gaa vokanu, nisi ma di ala: Kalaŋ goyo, naŋ hiɗi sum sa juni kuɗaŋŋa kaf. Bugol kayni Musus ma kal goyo may. Bugol kayni Musus kal goy hay ziyna vi Farawn, hobay hiɗi ɦiyd ŋolo.
9Ma-Vatɗina di tam Musus: Farawn ma humgi noŋɗi, kayn kay ɗekka vanu ma li ŋolo hay nagat Egipte. 10Musus hiɗi Aaron li ɗekka na'ta vok ir Farawn kafe, Ma-Vatɗina so'ot dik Farawn, nam min hin gurona vi Israyel kal goy hay nagata valam noŋɗi.
Currently Selected:
KAL-GOYTA 11: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 11
11
Mitta vi guro sa vuɗi jewna
1Ma-Vatɗina di tam Musus: Nan min hin bakmara ma ŋolla co'o kay Farawn hiɗi nagat Egipte noŋ kafe, bugol kayni nam ma hingi kal goyo hay nagat tani, hay li ma nam hingi kal goy ɗawni, digiɗgi goy ɗawn mi nam kay tuwam noŋo. 2Naŋ ma di tam sumuna: Daŋ tam jufayna hiɗi boyn kaw kay nisi ma di tam sum sa ziysi katsina kay vulsi doway ma yori hiɗi doorona, ma yori hiɗi ora kaw. 3Ma-Vatɗina kal dikga ŋaata hay sum sa Egiptena, nisi tun caw li slugot mi sa Israyella, Musus kaw sum sa Egiptena hiɗi sa sunda vi Farawn, hiɗi sumun kaf ka slum yalam kulo ŋolo.
4Musus di'e: Ma-Vatɗin di ala hay henjet-daŋalta nam ka jik hay nagat Egipte. 5Guro sa vuɗi jewna hay nagat Egipte kaf ma mita; tun caw tam goora vi Farawn ma vuɗi jewna ma yaw vocota valamna pa, ta-ta tam goor ma vuɗi jewna vi gorvota ta lut wana,#11:5 Gorvota ta lut wana Ti gorvota ta sa ŋa va ka'ɗita. ta-ta tam farayna ma vuɗi jewna kaf. 6Hay nagat Egipte tiyn ma li ŋolo, tiy ma ki kayn nala bay li jew tuwa, vok kaw mayɗi. 7May jar gurona vi Israyel kaf, tun caway tam sumun pa ta-ta tam farayna; diyn kaw ma buw vunam kulo ɓislek noŋɗi, kay nigi ma wi ala nanige Ma-Vatɗina nam poŋ ir sum sa Egipten goy hiɗi sum sa Israyella. 8Ki kayn nala sa sunda vaŋ kaf lakŋi ma co katanu, ma girif gaa vokanu, nisi ma di ala: Kalaŋ goyo, naŋ hiɗi sum sa juni kuɗaŋŋa kaf. Bugol kayni Musus ma kal goyo may. Bugol kayni Musus kal goy hay ziyna vi Farawn, hobay hiɗi ɦiyd ŋolo.
9Ma-Vatɗina di tam Musus: Farawn ma humgi noŋɗi, kayn kay ɗekka vanu ma li ŋolo hay nagat Egipte. 10Musus hiɗi Aaron li ɗekka na'ta vok ir Farawn kafe, Ma-Vatɗina so'ot dik Farawn, nam min hin gurona vi Israyel kal goy hay nagata valam noŋɗi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001