1 LABAR-MA-LIYNA 9

Sum sa hay Yerusalem bugol hotta hay gorvota

1Sum sa Israyel kaf ka ŋaɓaya, sesi ka ɗoy hay ɗerwella vi muliyana vi Israyel. 2Jafna vi Yuda ka yaway goy gorvo'o hay Babilon, kuɗ bay-ɗigerta visiya, sum sa lak hay liyna visi hay hoyok-ziyn jewn kayni si sa Israyella, muliyan-sa-ɗifinna, sa Levitna hiɗi sa Netiniyena.

3Gurona vi Yuda, gurona vi Benyamin, gurona vi Efrayim hiɗi gurona vi Manase lak hay Yerusalem. 4Utay, goora vi Amihud, goora vi Omri, goora vi Imri, gurona vi Bani, jar gurona vi Peres, goora vi Yuda. 5Sa Silonitna, Asaya, goor ma vuɗi jewna, hiɗi gurona valamu. 6Gurona vi Zerah ma': Yewel hiɗi ɓosiyomna, nisi kis-karkiya hiɗi diram dok-zleeŋe. 7Gurona vi Benyamin: Sallu, goora vi Mesullam, goora vi Hodaviya, goora vi Hasenuwa; 8Yibneya, goora vi Yeroham; Ela goora vi Uzzi, goora vi Mikri; Mesullam, goora vi Sepatiya, goora vi Rewel, goora vi Yibneya; 9ɓosiyosina kuɗ dersiya, kis-zleeŋe hiɗi diram dok-vasl yam karkiya. Sum nisin kaf kayni si sa ŋulona vi jafna visiya hay jafna vi sumaysiya.

10Muliyan-sa-ɗifinna: Yedaya, Yehoyarib; Yakin; 11Azariya goora vi Hilkiya, goora vi Mesullam, goora vi Sadok, goora vi Merayot, goora vi Ahitub, ma coli vokŋa hay ziyda vi Lawna; 12Adaya goora vi Yeroham, goora vi Paskur, goora vi Malkiya; Mayesay, goora vi Adiyel, goora vi Yahzera, goora vi Mesullam, goora vi Mesilemit, goora vi Immer, 13hiɗi ɓosiyosina, sa ŋulona vi jafna visiya, nisi pet birim kep kalam kis-siɗiya hiɗi diram dok-karkiya. Sum sa nagayna, sa ka hay lopna vun ziyda vi Lawna.

14Sa Levitna: Semayeya, goora vi Hasub, goora vi Azrikam, goora vi Hasabya, gurona vi Merari; 15Bakbakar; Herez; Galal; Mataniya, goora vi Mikka, goora vi Zikri, goora vi Asaf; 16Abdiyas goora vi Semayeya, goora vi Galal, goora vi Yedutun; Berekiya, goora vi Asa, goora vi Elkana, ma ka musi hay nagata vi sum sa Netofana.

17Sa ŋom vun-galana: Sallum, Akub, Talmon, Ahiman hiɗi ɓosiyosina; Sallum mi ma ŋolla visiya, 18ta-ta vaydi nam ka ŋom vun-galana vi mulla ma gal kuɗuwna. Nisi kayni si sa ŋom vun-galana, hay kaŋŋa vi gurona vi Levi. 19Sallum goora vi Kore, goora vi Ebiyasaf, goora vi Kore hiɗi guro-biyomna sa hay ziyna vi bulumna, sa Korena, lopna visi kayni kay ŋom vun guɗukŋa; sumaysiya ay ŋom vun-galana vi kaŋŋa vi Ma-Vatɗina. 20Fineyas goora vi Eliyazar ay jewe mi ma tuni voksina. Ma-Vatɗina ay hiɗi namu. 21Zakariya goora vi Mekelemiya mi ma ŋom vun guɗuk ma fi-tuwna. 22Nisi ay noŋ pet kis-ma' hiɗi diram dok-ma', vilekiya kay ŋom vun-galana, sesi ɗoya kuɗ nagata visiya visiya; David hiɗi Samuel ma wi-vokomna tunsi hay lopna visiya. 23Nisiya hiɗi gurona visiya ka ŋom vun-galana vi ziyna vi Ma-Vatɗina, hiɗi ziyda vi guɗuk ma fi-tuwna. 24Sa ŋom vun-galana ka hay gef-ziyn fiɗi pete: Gal kuɗuwu, gal vulatiya, gal gaa'a hiɗi kayami. 25Ɓosiyosina sa hini ay vutoŋ bugolsina, as sli liyna kay co katsiya ir buur siɗiya kafe. 26Kay sum sa ŋom vun-galana sa fiɗina sa ŋulona vi Levitna lakŋi nisi dok-dok ka hay lopna; lo nisi ŋom hay ziyna hiɗi timgil ma hay ziyda vi Lawna; 27nisi bur henjet kayni ŋuyi goy kat ziyda vi Lawna, kay nisi ka ŋoma'a, kay lopna visi kayni kay mala' vuna' goyo hay graw culumta kafe.

28Segena jar sa Levitna ka ŋom jakŋa ma li lopna, hay li ma nisi cukay kalafi, nisi ŋaɓam goyo, hay li ma nisi cuk goyo, nisi ŋaɓam goyo kaw. 29Sum segen yiya kay ŋom jak ma hay liy ma peldetna, kay ŋom futuw ma digeɗna, vinna, mula, urdina hiɗi aromatna. 30Urdi ma aromatna kotom kayni si gurona vi muliyan-sa-ɗifinna. 31Matita, kep jar sa Levitna, ma vuɗi jewna vi Sallum ma Korena lopna valam kayni mi hambulla ma koti hay ŋarakŋa. 32Segena jar guro-biyosina, jar sa Kehatna, lopna visi kayni kay ŋom funa ma zlaram kay tuwamna; nisi ka kotom hay jar lumut lumut kafe.

33Nisi kayni si sa gi nulla, sa ŋulona hay jafna vi sa Levitna, sa ka lakay hay ziyna, nisiya lop mara may kisiɗi, kay nisi li lop kayni hay henjeta hiɗi falayta. 34Nisi kayni si sa ŋulona hay jafna vi sa Levitna, sa ŋulona kuɗ dersi kafe. Nisi lakay kayni hay Yerusalem.

35Yeyel bum Gabawon, nam musi kayni hay Gabawon, cata valamu ya' ala Maaka. 36Abdon goora valam ma vuɗi jewna, bugol kayni Sur, Kis, Baal, Ner, Nadab, 37Gedor, Ahiyo, Zakariya, hiɗi Miklot. 38Miklot vuɗ Simeyam, nisi kaw ay lakay kat ɓosiyosina: Nisi lakay hay Yerusalem hiɗi ɓosiyosina. 39Ner vuɗ Kis, Kis vuɗ Sawul, Sawul vuɗ Yonatan, Malkisuwa, Abinadab hiɗi Ekbaal. 40Goora vi Yonatan: Merib-Baal, Merib-Baal vuɗ Mikka, 41gurona vi Mikka: Piton, Melek hiɗi Tahereya. 42Ahas vuɗ Yayera, Yayera vuɗ Alemet, Azmavet hiɗi Zimri, Zimri vuɗ Motsa, Motsa vuɗ Bineya. 43Refaya, goora valamu, Eliyasa goora valamu; Atsel goora valamu. 44Atsel vuɗ guron karkiya, kayni semda visiya: Azrikam, Bokru, Ismayel, Kezriya, Abdiyas hiɗi Hanan. Nisi lakŋi si gurona vi Atsel.

Currently Selected:

1 LABAR-MA-LIYNA 9: Massana

Highlight

Compare

Copy