Tito 2
2
Iñiqkunapa imaynam kawsanankumanta
1Qamqa cheqap yachachikuyman hinayá yachachiy. 2Mayor señorkunaqa kananku: Allin yachayniyuqmi, respetachikuqmi, allin yuyaymanayniyuqmi, allin iñiyniyuqmi, kuyakuyniyuqmi hinaspa pacienciakuqmi. 3Chaynallataq mayor señorakunapas, allin kawsakuyta yachachunku, amayá cuento qepichu kachunku, nitaq tomaymanqa qokuruchunkuchu, aswanqa allin ejemployá kachunku. 4Sipas warmikunatayá yachachichunku imaynam qosanku kuyayta, wawanku kuyayta, 5allin yuyaymanayniyuq kayta, chuya sonqo kayta, wasinkupi imapas allin ruwakuyta, allin runa kayta hinaspa qosanku kasukuyta, chaynapi ama pipas Diospa palabranpa contranpi rimanankupaq.
6Jovenkunatapas allin yuyayniyuq kanankupaq rimapayay. 7Tukuy ima ruwasqaykipipas qamraqyá ejemploqa kay. Yachachispaykiqa cheqapman hina respetowan yachachiy, 8imam kaqta willakuy, contraykipi kaqpas penqakunanpa, chaynapi ñoqanchikmanta mana imatapas rimanankupaq.
9Esclavokunatapas rimapayay patronninkuta tukuy imapi kasukuspa kuyachikuq hinaspa mana kutipakuq kanankupaq, 10ama imantapas suwakuspayá confianza runakuna kachunku chaynata ruwaspam salvaqninchik Diospa yachachikuyninkunata vidankuwan tukuy imapi sumaqllataña qawachinqaku.
11Diosmi kuyakuyninta qawachiwarqanchik llapallan runakuna salvasqa kanankupaq. 12Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq. 13Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi. 14#Sal 130.8.#Ex 19.5; Dt 4.20; 7.6; 14.2; 26.18; 1 Pe 2.9.Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.
15Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas penqaypiqa kaychu.
Currently Selected:
Tito 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012