Proverbios 28
28
1Mana allin runaqa
mana pipa qatisqallanmi ayqen,
allin ruwaq runam ichaqa
león hina hawka kawsakunqa.
2Mana allin ruwaypa huntasqan llaqtapiqa
achkallañam kamachikuqkunapas,
yachaywan kamachikuqmi ichaqa
allinta takyachin.
3Wakchamasinta suwakuq runaqa
kawsayta tukuruq loco para hinam.
4Kamachikuyta qepanchaqkunaqa
mana allin ruwaqkunatam alaban,
kamachikuyta kasukuqkunam ichaqa
mana allin ruwaqkunapa contranpi churakunku.
5Mana allin runakunaqa
allin ruwaytapas manam yachankuchu,
Diosman hapipakuqkunam ichaqa
tukuy imatapas yachanku.
6Huchallapi kawsaq apumantaqa,
wakcha kaspapas
allin kawsakuyniyuq kaymi aswan allinqa.
7Diospa kamachikuyninta kasukuq runaqa
yachayniyuq warmam,
kapuqninta yanqachaqkunawan hukllawakuqmi ichaqa
taytanta penqayman churan.
8Qollqeta achka mirayniyuqpaq prestaspa
qori-qollqeta huñuq runaqa,
wakchakunata llakipayaq runapaqmi huñun.
9Sichum pipas, Diospa kamachikuyninta mana kasukuptinqa,
Tayta Diospas manam mañakuyninta uyarinqachu.
10Allin kawsakuq runakunata
mana allin ñanman tanqaqkunaqa
trampa churasqankumanmi wichinqaku,
allin kawsakuq runakunam ichaqa
allin kaqta chaskinqaku.
11Apuqa yachayniyuqpaqmi hapikun,
wakcham ichaqa yachayninwan
chaylla musyarunqa.
12Allin kawsakuq runakuna venceptinkuqa
hatun fiestatam ruwanku,
mana allin runakuna venceptinkum ichaqa
runakunapas pakakunku.
13Huchanta pakaq runaqa
manam allinqa kanqachu,
huchanta willakuspa wanakuqmi ichaqa
pampachasqa kanqa.
14Mayna kusisqam kanqa
Diosta tukuy tiempo kasukuq runaqa,
mana kasukuq runam ichaqa
sasachakuyman wichiykunqa.
15Wakcha llaqtapi mana allin runa kamachikuspanqa
qapariq leonman
otaq yarqasqa ukumarimanmi rikchakun.
16Mana yachayniyuq runa kamachikuspanqa
ñakariyllatam mirachin,
apuyaruyllata cheqniqmi ichaqa
unay watakunata kawsakunqa.
17Runamasinta wañurachiq runaqa
mana pipa harkasqanmi wañuyman chayanankama ayqenqa.
18Allin kawsakuq runaqa salvasqam kanqa,
mana allin kawsaypi puriqmi ichaqa
sasachakuyman wichinqa.
19Chakranta llamkakuq runaqa
achka mikunayuqmi kanqa,
qella runam ichaqa
wakchayaypi tukunqa.
20Hapipakunapaq hina runaqa
ancha bendecisqam kanqa,
chaylla apuyaruyta munaqmi ichaqa
chaylla huchaman wichiykunqa.
21Hukkaq runallaman sayapakuruyqa
manam allinchu,
runaqa parten tantaraykullapas sayapakunmi.
22Imayuqpas karuyta munaqqa
wañuy kawsaymi apuyaypi rin,
ichaqa manam yachakunchu
wakchayay hayparunantaqa.
23Runaqa alabaqninmantapas mastaqa
tiempopa risqanman hinaqa
qaqchaqnintam kuyanqa.
24Taytanta otaq mamanpa kaqta suwakuruspa
“kayqa manam huchachu” niq runaqa,
runa wañuchiqpa puriqmasinmi.
25Apuyaruyllata maskaq runaqa
peleollatam hatarichin,
Tayta Diosman hapipakuqmi ichaqa
allin kawsakunqa.
26Kikillanpi hapipakuq runaqa
mana yachayniyuq runam,
yachaywan kawsakuqmi ichaqa
librasqa kanqa.
27Wakchata yanapaykuq runaqa
manam wakchayayta reqsinqachu,
mana yanapaykuqmi ichaqa
ancha ñakasqa kanqa.
28Millay runakuna hatariptinqa
runakunam pakakunku,
wañuruptinkum ichaqa
allin ruwaq runakuna miranku.
Currently Selected:
Proverbios 28: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012