Números 7
7
Santuariota Diospaq sapaqchanankupaq ofrendakunamanta
1Santuariota Moisés sayachiyta tukuruspanmi llapa servicionkunatawan chaynataq altartapas llapa servicionkunatawan aceitewan tallispa Diospaq sapaqcharqa. 2Hinaptinmi Israelpi sapa ayllupa kamachiqninkuna, runa yupaypi Moisesta yanapaqkuna hamuspanku, 3Tayta Diospa qayllanman ofrendankuta apamurqaku. Chay ofrendakunam karqa toldosqa soqta carretakuna chaynataq chunka iskayniyuq torokuna. Sapa iskay kamachikuqkunam huk carretata apaykurqaku, sapakamañataqmi huk torota apaykurqaku. Chaykunatam Diosman asuykuna carpapa ñawpaqninman apaykurqaku.
4Hinaptinmi Moisesta Tayta Dios nirqa:
5Carretakunatawan torokunata paykunamanta chaskiy, asuykuwanaykichik carpapi servikunanpaq hinaspa Leví aylluman qoy, chaynapi imam ruwayninkupi sapakama servichikunankupaq, nispa.
6Moisesmi carretakunatawan torokunata chaskispa Leví aylluman qorqa. 7Iskay carretakunatawan tawa torokunatam Gersón aylluman qorqa imam ruwanankupi servichikunankupaq. 8Tawa carretakunatawan pusaq torokunatam Merari aylluman qorqa, chaynapi imam ruwanankupi servichikunankupaq. Paykunaqa tukuy imakunatapas ruwarqaku sacerdote Aaronpa churin Itamarpa kamachisqanman hinam. 9Coat ayllumanmi ichaqa carretakunatapas nitaq torokunatapas mana qorqachu, paykunaqa Diospaq sapaqchasqa kaqkunataqa hombrollapi apananku kasqanrayku.
10Altarta aceitewan tallispa Diospaq sapaqchaptinkum sapa ayllupa kamachiqninkuna ofrendankuta aparqaku, hinaspam altarpa ñawpaqninman churarqaku. 11Hinaptinmi Moisesta Tayta Dios nirqa:
Altarta sapaqchaptinkuqa, sapa punchawmi tupasqanman hina huk ayllupa kamachiqnin ofrendata ofrecemuwanqa, nispa.
12Chaynapim punta kaq punchawpi ofrecerqa Judá ayllumanta Aminadabpa churin Naasón. 13Paypa ofrendankunam karqa: Yaqa kilo parten llasaq qollqemanta bandeja hinaspa parte kilo masnin llasaq qollqemanta taza. Chaykunatam santuariopi pesoman hina qorqa. Chay iskayninpim fino harina aceitewan chapusqa masa huntay-huntay karqa, chayqa kawsaykunamanta ofrendapaqmi karqa. 14Ofrecerqataqmi yaqa tawa onza llasaq qorimanta wisllatapas incienso huntayuqta, 15chaynataq malta torotapas, carnerotapas hinaspa lliw kañanapaq watayuq carnerotapas, 16hucha pampachana ofrendapaq chivatotapas. 17Dioswan allinlla kasqankumantam ofrecerqa iskay torokunata, pichqa chivatokunata hinaspa huk watayuq pichqa carnerokunata. Tukuy chaykunam karqa Aminadabpa churin Naasonpa ofrendankuna.
18Iskay kaq punchawpim ofrecerqa Isacar ayllumanta Zuarpa churin Natanael. 19-23Natanaelqa ofrecerqa Naasonpa ofrecesqanta hinallam.
24Kimsa kaq punchawpim ofrecerqa Zabulón ayllumanta Helonpa churin Eliab. 25-29Paypas ofrecerqa punta ofreceqkunapa ofrendanta hinallam.
30Tawa kaq punchawpim ofrecerqa Rubén ayllumanta Sedeurpa churin Elisur. 31-35Paypas ofrecerqa punta ofreceqkunapa ofrendanta hinallam.
36Pichqa kaq punchawpim ofrecerqa Simeón ayllumanta Zurisadaipa churin Selumiel. 37-41Paypas ofrecerqa punta ofreceqkunapa ofrendanta hinallam.
42Soqta kaq punchawpim ofrecerqa Gad ayllumanta Deuelpa churin Eliasaf. 43-47Paypas ofrecerqa punta ofreceqkunapa ofrendanta hinallam.
48Qanchis kaq punchawpim ofrecerqa Efraín ayllumanta Amiudpa churin Elisama. 49-53Paypas ofrecerqa punta ofreceqkunapa ofrendanta hinallam.
54Pusaq kaq punchawpim ofrecerqa Manasés ayllumanta Pedasurpa churin Gamaliel. 55-59Paypas ofrecerqa punta ofreceqkunapa ofrendanta hinallam.
60Isqon kaq punchawpim ofrecerqa Benjamín ayllumanta Gedeonipa churin Abidán. 61-65Paypas ofrecerqa punta ofreceqkunapa ofrendanta hinallam.
66Chunka kaq punchawpim ofrecerqa Dan ayllumanta Amisadaipa churin Ahiezer. 67-71Paypas ofrecerqa punta ofreceqkunapa ofrendanta hinallam.
72Chunka hukniyuq punchawpim ofrecerqa Aser ayllumanta Ocranpa churin Pagiel. 73-77Paypas ofrecerqa punta ofreceqkunapa ofrendanta hinallam.
78Chunka iskayniyuq punchawpim ofrecerqa Neftalí ayllumanta Enanpa churin Ahira. 79-83Paypas ofrecerqa punta ofreceqkunapa ofrendanta hinallam.
84Altarta Diosllapaqña sapaqchaptinkum Israel ayllukunapa kamachiqninkuna tukuy kay ofrendakunata ofrecerqaku: Qollqemanta chunka iskayniyuq tazonkunata, qollqemanta chunka iskayniyuq aysakukunata hinaspa qorimanta chunka iskayniyuq wisllakunata. 85Sapa tazonmi yaqa kilo partenta llasarqa, sapa aysakuñataqmi parte kilo masninta llasarqa. Chaynaqa, chay tazonkunapa hinaspa aysakukunapa llasayninmi karqa iskay chunka soqtayuq kilo tumpa masnin. Tukuy chaykunapa llasayninqa karqa santuariopi pesoman hinam. 86Incienso huntayuq qorimanta chunka iskayniyuq wisllakunañataqmi sapakama yaqa tawa onzatakama llasarqa. Chaynaqa, qorimanta llapallan wisllakunapa llasayninqa karqa yaqa kilo cuartonmi.
87Lliw kañana ofrendakunapas kaykunam karqa: Chunka iskayniyuq malta torokuna, chunka iskayniyuq carnerokuna, watayuq carnerokunapas chunka iskayniyuqmi karqa. Chay animalkunatawan kuskatam kawsaykunamanta ofrendakunatapas ofrecerqaku. Ofrecerqakutaqmi hucharayku ofrendapaqpas chunka iskayniyuq chivatokunata. 88Dioswan allinlla kasqankumanta ofrendapaq animalkunam karqa: Iskay chunka tawayuq malta torokuna, soqta chunka carnerokuna, soqta chunka chivatokuna hinaspa watayuq soqta chunka carnerokuna. Tukuy chaykunam karqa aceitewan tallispa altarta Diospaq sapaqchanapaq ofrendakuna.
89Diosman asuykuna carpaman Dioswan rimananpaq Moisés yaykuruptinmi, chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Diospa rimapayamuq. Chaynatam Moiseswan Tayta Dios rimaq.
Currently Selected:
Números 7: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
