Mateo 7
7
Runakunata ama juzganamanta
(Lc 6.37-38, 41-42)
1Runamasikichiktaqa amayá juzgaychikchu chaynapi Diospas mana juzgasunaykichikpaq. 2#Mr 4.24.Imaynam juzgasqaykichikman hinam Diospas juzgasunkichik, imaynam ruwasqaykichikman hinataqmi Diospas qamkunawan ruwanqa. 3¿Imanasqataq wawqekipa ñawinpi qopataraq qawanki kikikipa ñawikipi kaspita mana qawachkaspaqa? 4Ñawikipi kaspi kachkaptinqa ¿imaynataq wawqekita niwaq: “Ñawikipi qopata hurqorusqayki” nispaqa? 5¡Yaw, iskay uya!, puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.
6Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchikunamanqa qoychikchu, yanqam sarutyarunmanku.
Mañakusqanchikqa uyarisqa kasqanmanta
(Mt 6.31; Lc 11.9-13)
7Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi. 8Pipas mañakuqqa chaskinmi, maskaqqa tarinmi, qayakuqtaqa kichaykamunqam.
9¿Mayqannikichiktaq churikichik tantata mañakusuptikichik rumita qoykuwaqchik? 10¿Otaq challwata mañakusuptikichik maqta uruta qoykuwaqchik? 11Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?
12Chaynaqa, imaynam runamasikichik qamkunapaq ruwananta munankichik, chaynatayá qamkunapas paykunapaq ruwaychik. Chaynatam kamachikuykunawan profetakunapas kamachiwanchik.
Kichki punkumanta
(Lc 13.24)
13Kichki punkuntayá yaykuychikqa, hatun punkuwan ancho ñanqa chinkaymanmi apakun, chaynintaqa achkallañam richkanku. 14Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.
Sachataqa rurunpi reqsinamanta
(Lc 6.43-44)
15Llulla profetakunamantayá waqaychakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku. 16Qamkunaqa rurunpim reqsinkichik. Uvastaqa manam itanamantachu pallanku, nitaqmi higostapas kichkamantachu pallanku. 17Allin sachaqa allinkunallatam rurun, mana allin sachañataqmi mana allinta rurun. 18Allin sachaqa, mana allin rurutaqa manam rurunmanchu, nitaqmi mana allin sachapas allin rurutaqa rurunmanchu. 19#Mt 3.10; Lc 3.9.Mana allin ruruq sachaqa kuchuchikuspam ninaman wischuchikunqa. 20#Mt 12.33.Chaynaqa, ruruyninpim reqsinkichik.
Pikunam Diospa munaychakuyninman yaykunanmanta
(Lc 13.25-27)
21Manam lliw “¡Señorlláy, Señorlláy!” nispa niwaqniykunachu Diospa munaychakuyninmanqa yaykunqa, aswanqa hanaq pachapi kaq Taytaypa munasqanta ruwaqkunallam. 22Juicio punchawpiqa achkallañam niwanqaku: “Señorlláy, Señorlláy, ¿Manachum sutikipi profetizarqaniku? ¿Manachum demoniokunatapas sutikipi qarqorqaniku? ¿Manachum achka milagrokunatapas sutikipi ruwarqaniku?” nispanku. 23#Sal 6.8.Hinaptinmi nisaq: “Manam reqsikichikchu. ¡Mana allin ruwaqkuna, qayllaymanta anchuychik!” nispay.
Iskay cimientomanta
(Mr 1.22; Lc 6.47-49)
24Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun. 25Chay wasimanmi para chayamurqa, lloqllam kallpamurqa, nisyu wayrapas pukumurqam, ichaqa taqrapa hawanpi ruwasqa kasqanraykum mana tuñirqachu. 26Nisqayta uyarichkaspan mana ruwayman churaqmi ichaqa, aqopa hawanpi wasichakuq mana yachayniyuq runaman rikchakun. 27Chay wasimanmi para chayamurqa, lloqllam kallpamurqa, nisyu wayrapas pukumurqam, hinaptinmi chinkanankama tuñiykurqa, nispa.
28Rimayta Jesús tukuruptinmi, yachachikuyninkunawan llapa runakuna admirasqallaña karqaku. 29#Mr 1.22; Lc 4.32.Payqa atiywanmi yachachirqa, manam Diospa leynin yachachiqkuna hinachu, chayraykum admirakurqaku.
Currently Selected:
Mateo 7: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Mateo 7
7
Runakunata ama juzganamanta
(Lc 6.37-38, 41-42)
1Runamasikichiktaqa amayá juzgaychikchu chaynapi Diospas mana juzgasunaykichikpaq. 2#Mr 4.24.Imaynam juzgasqaykichikman hinam Diospas juzgasunkichik, imaynam ruwasqaykichikman hinataqmi Diospas qamkunawan ruwanqa. 3¿Imanasqataq wawqekipa ñawinpi qopataraq qawanki kikikipa ñawikipi kaspita mana qawachkaspaqa? 4Ñawikipi kaspi kachkaptinqa ¿imaynataq wawqekita niwaq: “Ñawikipi qopata hurqorusqayki” nispaqa? 5¡Yaw, iskay uya!, puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.
6Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchikunamanqa qoychikchu, yanqam sarutyarunmanku.
Mañakusqanchikqa uyarisqa kasqanmanta
(Mt 6.31; Lc 11.9-13)
7Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi. 8Pipas mañakuqqa chaskinmi, maskaqqa tarinmi, qayakuqtaqa kichaykamunqam.
9¿Mayqannikichiktaq churikichik tantata mañakusuptikichik rumita qoykuwaqchik? 10¿Otaq challwata mañakusuptikichik maqta uruta qoykuwaqchik? 11Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?
12Chaynaqa, imaynam runamasikichik qamkunapaq ruwananta munankichik, chaynatayá qamkunapas paykunapaq ruwaychik. Chaynatam kamachikuykunawan profetakunapas kamachiwanchik.
Kichki punkumanta
(Lc 13.24)
13Kichki punkuntayá yaykuychikqa, hatun punkuwan ancho ñanqa chinkaymanmi apakun, chaynintaqa achkallañam richkanku. 14Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.
Sachataqa rurunpi reqsinamanta
(Lc 6.43-44)
15Llulla profetakunamantayá waqaychakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku. 16Qamkunaqa rurunpim reqsinkichik. Uvastaqa manam itanamantachu pallanku, nitaqmi higostapas kichkamantachu pallanku. 17Allin sachaqa allinkunallatam rurun, mana allin sachañataqmi mana allinta rurun. 18Allin sachaqa, mana allin rurutaqa manam rurunmanchu, nitaqmi mana allin sachapas allin rurutaqa rurunmanchu. 19#Mt 3.10; Lc 3.9.Mana allin ruruq sachaqa kuchuchikuspam ninaman wischuchikunqa. 20#Mt 12.33.Chaynaqa, ruruyninpim reqsinkichik.
Pikunam Diospa munaychakuyninman yaykunanmanta
(Lc 13.25-27)
21Manam lliw “¡Señorlláy, Señorlláy!” nispa niwaqniykunachu Diospa munaychakuyninmanqa yaykunqa, aswanqa hanaq pachapi kaq Taytaypa munasqanta ruwaqkunallam. 22Juicio punchawpiqa achkallañam niwanqaku: “Señorlláy, Señorlláy, ¿Manachum sutikipi profetizarqaniku? ¿Manachum demoniokunatapas sutikipi qarqorqaniku? ¿Manachum achka milagrokunatapas sutikipi ruwarqaniku?” nispanku. 23#Sal 6.8.Hinaptinmi nisaq: “Manam reqsikichikchu. ¡Mana allin ruwaqkuna, qayllaymanta anchuychik!” nispay.
Iskay cimientomanta
(Mr 1.22; Lc 6.47-49)
24Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun. 25Chay wasimanmi para chayamurqa, lloqllam kallpamurqa, nisyu wayrapas pukumurqam, ichaqa taqrapa hawanpi ruwasqa kasqanraykum mana tuñirqachu. 26Nisqayta uyarichkaspan mana ruwayman churaqmi ichaqa, aqopa hawanpi wasichakuq mana yachayniyuq runaman rikchakun. 27Chay wasimanmi para chayamurqa, lloqllam kallpamurqa, nisyu wayrapas pukumurqam, hinaptinmi chinkanankama tuñiykurqa, nispa.
28Rimayta Jesús tukuruptinmi, yachachikuyninkunawan llapa runakuna admirasqallaña karqaku. 29#Mr 1.22; Lc 4.32.Payqa atiywanmi yachachirqa, manam Diospa leynin yachachiqkuna hinachu, chayraykum admirakurqaku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012