Mateo 4
4
Jesusta diablo tentasqanmanta
(Mr 1.12-13. Lc 4.1-13)
1 #
Heb 2.18; 4.15. Chaymantam Jesusta purunman Espíritu aparurqa diablopa tentasqan kananpaq.
2Chaypim tawa chunka punchaw tawa chunka tuta mana mikusqa karqa, chaymantam yarqarachikurqa. 3Hinaptinmi diabloñataq Jesusta tentananpaq asuykuspan nirqa:
Sichum Diospa Churin kaspaykiqa kay rumikunatayá kamachiy tantayarunanpaq, nispan.
4 #
Dt 8.3. Hinaptinmi Jesús nirqa:
Chuya Qellqam nin: “Runaqa manam tantallawanchu kawsan, aswanqa Diospa siminmanta lloqsimuq rimaykunawanmi”, nispan.
5Chaymantam diablo aparurqa Jerusalén chuya llaqtaman, hinaspam templopa hawanpi sayaykachispan 6#Sal 91.11.#Sal 91.12.nirqa:
Sichum Diospa Churin kaspaykiqa kaymanta pawaykuy, qellqasqam kachkan:
“Qamraykum waqaychasunaykipaq
angelninkunata Dios kamachimunqa.
Paykunam makinkupi chaskisunki,
rumikunaman chakikita mana takakunaykipaq”, nispa.
7 #
Dt 6.16. Jesusñataqmi nirqa:
Qellqasqataqmi kachkan: “Amam Señor Diosnikita tentankichu”, nispa.
8Chaymantam diablo aparurqa alto-alto orqopa puntanman, hinaspam kay pachapi llapallan nacionkunatawan chaypi tukuy ima kaqkunata qawaykachirqa. 9Hinaspam nirqa:
Sichum qonqorakuykuspa hatunchawaki, hinaptinqa tukuy kaykunatam qosqayki nispan.
10 #
Dt 6.13. Jesusñataqmi nirqa:
¡Kaymanta anchuriy Satanás! qellqasqam kachkan: “Señor Diosllaykitam hatunchanki, payllatataqmi servinkipas”, nispa.
11Chaynapim diabloqa saqerurqa, angelkunañataqmi hamuspanku Jesusta servirqaku.
Jesuspa willakuy qallarisqanmanta
(Mr 1.14-15. Lc 4.14-15)
12 #
Mt 14.3; Mr 6.17; Lc 3.19-20. Jesusmi, Juanpa carcelpi kasqanta yacharuspan Galilea lawman pasakurqa. 13#Jn 2.12.Nazaret llaqtamanta lloqsispam Galilea qochapa patanpi kaq Capernaúm llaqtapi yacharqa, chay llaqtaqa kachkan Zabulón hinaspa Neftalí lawpim. 14Chaykunaqa pasakurqa profeta Isaiaspa qellqasqan cumplikunanpaqmi. 15Paymi nirqa:
“¡Zabulonpawan Neftalipa allpan,
lamar qochapa hichpanpi kaq ñan,
Jordán mayupa waklawninpi kaq allpan
Dios mana reqsiq runakunapa yachanan Galilea llaqta.
16 #
Is 9.1-2. Tutayaypi kawsaq llaqtam hatun achkiyta rikurun,
wañuypa llantuyninpi kawsaqkunatam achkiy kanchaykun!” nispa.
17 #
Dn 2.44. #
Mt 3.2. Chaymantapacham Jesusqa kayna willakuyta qallarirqa:
¡Huchaykichikmanta wanakuychik, Diospa munaychakuyninmi hichparamunña! nispan.
Challwaqkunata Jesús qayasqanmanta
(Mr 1.16-20. Lc 5.1-11)
18Galilea qochapa patanta richkaspanmi Pedrowan sutichasqa Simontawan wawqen Andresta Jesús rikururqa, paykunam challwaqkuna kasqankurayku mallawan challwachkarqaku. 19Paykunatam Jesús nirqa:
Qatiwaychik, runakuna challwaqtañam ruwasqaykichik, nispan.
20Chaymi mallankuta saqespanku Jesuswan chaylla pasakurqaku.
21Chaymanta richkaspanmi Jesús rikururqa #4.21 Jacobopa huknin sutinmi karqa Santiago.Jacobotawan wawqen Juanta, paykunam barcankupi mallankuta sirachkarqaku taytanku Zebedeopiwan kuska, chaymi paykunata Jesús qayarqa. 22Hinaptinmi barcankutawan taytankuta saqespa Jesustaña chaylla qatikurqaku.
Achka runakunata Jesús yachachisqanmanta
(Lc 6.17-19)
23 #
Mt 9.35; Mr 1.39. Jesusmi lliw Galilea llaqtapi purirqa, #4.23 Sinagogaqa karqa judiokunapa Diospa kamachikuyninta yachachinanku wasi.sinagogakunapi Diospa munaychakuyninmanta allin noticiata willakustin, tukuy rikchaq onqoyniyuqkunata hinaspa nanayniyuqkunata sanoyachistin. 24Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata apamurqaku, nanaywan ñakariqkunata, demoniopa ñakarichisqankunata, wañuy mañayuqkunata hinaspa suchukunata, paykunatam Jesús sanoyachirqa. 25Achkallaña runakunam qatirqaku Galileamanta, Decapolismanta Jerusalenmanta, Judeamanta chaynataq Jordán mayupa waklawninpi kaqkunamantapas.
Currently Selected:
Mateo 4: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012