Mateo 1
RCHQ2
1
Jesucristopa ñawpaq taytankunamanta
(Lc 3.23-38)
1Kaykunam Jesucristopa ñawpaq taytankuna, payqa karqa Abrahampa chaynataq Davidpa mirayninmi:
2Abrahampa churinmi karqa Isaac, Isaacpañataqmi Jacob, Jacobmi karqa Judapawan wawqenkunapa taytan. 3Judapa churinkunam karqa Fareswan Zara, paykunapa mamankum karqa Tamar. Farespa churinmi karqa Esrom, Esrompañataqmi Aram, 4Arampañataqmi Aminadab, Aminadabpañataqmi Naasón, Naasonpañataqmi Salmón, 5Salmonpañataqmi Booz, Boozpa mamanmi karqa Rahab. Boozmi warmin Rutpi churyakurqa Obedta, Obedñataqmi Isaita, 6Isaiñataqmi rey Davidta, Davidñataqmi Salomonta, Salomonpa mamanmi karqa Uriaspa warmin Betsabé.
7Salomonpa churinmi karqa Roboam, Roboampañataqmi Abías, Abiaspañataqmi Asa, 8Asapañataqmi Josafat, Josafatpañataqmi Joram, Jorampañataqmi Uzías, 9Uziaspañataqmi Jotam, Jotampañataqmi Acaz, Acazpañataqmi Ezequías, 10Ezequiaspañataqmi Manasés, Manasespañataqmi Amón, Amonpañataqmi Josías. 11#2 R 24.14-15; 2 Cr 36.10; Jer 27.20.Israelpa mirayninkuna Babiloniaman preso apasqa kasqanku tiempopim Josías churyakurqa Jeconiastawan wawqenkunata.
12Babiloniaman preso apasqa kasqankupa qepantam Jeconías churyakurqa Salatielta. Salatielpa churinmi karqa Zorobabel, 13Zorobabelpañataqmi Abiud, Abiudpañataqmi Eliaquim, Eliaquimpañataqmi Azor, 14Azorpañataqmi Sadoc, Sadocpañataqmi Aquim, Aquimpañataqmi Eliud, 15Eliudpañataqmi Eleazar, Eleazarpañataqmi Matán, Matanpañataqmi Jacob. 16Jacobpa churinmi karqa Mariapa qosan José, Mariam karqa Cristowan sutichasqa Jesuspa maman.
17Abrahammanta Davidkamam chunka tawayuq miraykuna karqa, Davidmanta Israelpa mirayninkuna Babiloniaman preso apasqa kasqanku tiempokamapas chunka tawayuq miraykunam karqa, Babiloniaman preso apasqa kasqanku tiempomanta Cristokamapas chunka tawayuqtaqmi karqa.
Jesuspa nacesqanmanta
(Lc 2.1-7)
18 # Lc 1.27. Kaykunam Jesuspa nacesqanmanta willakuy: Jesuspa maman Mariam rimapayasqaña karqa Joseywan casarakunanpaq, ichaqa manaraq kuskanchakuchkaptinkum Chuya Espiritupa atiyninwan wiksayuq rikurirurqa. 19Rimaymasin Joseyñataqmi chuya sonqoyuq kasqanrayku Mariata mana penqayman churayta munaspan upallalla saqeruyta munarqa. 20Chaynata tanteachkaptinmi mosqoyninpi Diospa angelnin rikuriykuspan kaynata nirqa:
Davidpa miraynin José,
Mariawan casarakuytaqa ama manchakuychu,
payqa Chuya Espiritupa atiyninwanmi wiksayakurun.
21 # Lc 1.31. # Sal 130.8. Qari wawatam wachakunqa,
paytam Jesuswan sutichanki,
paymi llaqtanta huchankunamanta salvanqa, nispa.
22Tukuy kaykunam pasakurqa profetantakama Diospa kayna nisqan cumplikunanpaq:
23 # Is 7.14. Manaraq qari reqsiq sipasmi wiksayakuspan
qari wawata wachakunqa,
paytam “Emanuel” nispa sutichanqaku,
chayqa “Diosmi ñoqanchikwan” ninanmi.
24Chaymi Joseyqa puñusqanmanta rikcharispan, angelpa kamachisqanman hina ruwaspan Mariawan casarakurqa. 25#Lc 2.21.Ichaqa manam kuskachu puñurqaku, piwi wawanta wachakunankama; chay wawatam Jesuswan suticharqa.

Chuya Qellqa Revisión @ Sociedad Bíblica Peruana, 2012

Learn More about the Chuya Qellqa 1992