Malaquías 3
3
1 #
Mt 11.10; Mr 1.2; Lc 1.76; 7.27. Tukuy Atiyniyuq Tayta Diosmi kaynata nin:
Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.
2 #
Ap 6.17. Ichaqa ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun. 3Leví ayllutam qorita qollqeta hina Tayta Dios chuyanchanqa. Chaymantañam paykunaqa Tayta Diospa munasqanman hina ofrendata apamunqaku. 4Hinaptinmi Tayta Diosñataq Judá nacionpa chaynallataq Jerusalén llaqtapa ofrendanwan kusikunqa, ñawpaq tiempokunapi paykunawan kusikusqanta hinaraq.
5Tukuy Atiyniyuq Tayta Diosmi kaynata nin:
Ñoqam qamkunata juzganaypaq hamusaq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.
Diezmomanta
6Ñoqa Tayta Diosqa hina kaqllam kani; chayraykum Jacobpa mirayninkuna mana paqwaypaqchu chinkarunkichik. 7Qamkunaqa ñawpaq taytaykichikkunamanta qallaykuspam kamachikuyniykunata qepanchakuruspa kasukuyta mana munankichikchu. Ñoqa Tukuy Atiyniyuq Tayta Diosmi nikichik: Kutirikamuwaychik ñoqaman, ñoqapas qamkunamanmi kutirikamusaq, nispa. Ichaqa qamkunam ninkichik: ¿Imanasqataq qanman kutirikamusaqku? nispaykichik. 8Niwaychik: ¿Yaqachu Diosmanta runa suwakunman? Arí, qamkunaqa ñoqamantam suwakuwachkankichik. Hinaspam kaynataraq ninkichik: “¿Imaykitataq ñoqaykuqa suwakuruykiku?” nisparaq. Qamkunaqa diezmoykunatawan ofrendaykunatam suwakuchkankichik. 9Suwakuwasqaykichikraykum qamkunaqa nacionnintin ñakasqa kachkankichik. 10#Lv 27.30; Nm 18.21-24; Dt 12.5-7; 14.22-29; Neh 13.12.Chaynaqa, llapa diezmokunata temployman apamuychik, wasiypi mikuy ama pisinanpaq. Chaywan pruebaykuwaychik, manachus cielokunapa ventananta kichaykuspay bendicionniyta llimparinankama chaqchurimusqaykichik.
11Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chaynata nin. 12Hinaptinmi llapallan nacionkuna sutichasunkichik kusisqa llaqtawan, munayllapaqña kasqaykichikrayku. Tukuy Atiyniyuq Tayta Diosmi chaynata nin.
13Tayta Diosmi nin:
Rimasqaykichikwan piñachiwachkaspapas qamkunaqa kaynataraqmi tapuwankichik: “¿Imatataq qampa contraykipi rimarqaniku?” nisparaq. 14Qamkunaqa kaynatam ninkichik: “Diostaqa yanqapaqmi servinchik. ¿Imatataq hurqokunchik paypa kamachikuyninkunata ruwaspa? ¿Imatataq hurqokunchik Tukuy Atiyniyuq Tayta Diospa ñawpaqninpi llaki uyantin purispa? 15Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.
16Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.
17Tukuy Atiyniyuq Tayta Diosmi nin:
Huk punchawtam allichachkani chaynapi paykuna huktawan llaqtay kanankupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq. 18Hinaptinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.
Currently Selected:
Malaquías 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
