Levítico 23
23
Fiesta punchawkunamanta
(Nm 28.16-25)
1-2Israelpa mirayninkunaman ninanpaqmi Moisesta Tayta Dios kaynata nirqa:
Ñoqa Tayta Diospaq sapaqchasqa fiestaykunata ruwanaykichikpaqmi runakunata qayankichik.
3 #
Ex 20.8-10; 23.12; 31.15; 34.21; 35.2; Dt 5.12-14. Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.
4Kaykunam ñoqa Tayta Diospaq sapaqchasqa fiestakuna, chaykunata ruwanaykichikpaqmi akllasqa punchawkunapi huñunakunkichik:
5 #
Ex 12.1-13; Dt 16.1-2. Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.
6 #
Ex 12.14-20; 23.15; 34.18; Dt 16.3-8. Chay killapa chunka pichqayuq punchawninpiñataqmi ñoqa Tayta Diospaq mana levadurayuq tanta mikuna fiestata ruwankichik. Qanchis punchawmi mana levadurayuq tantata mikunkichik. 7Chay semanapa punta kaq punchawninpim ñoqallapaqña huñunakuyman qayankichik, chay punchawpiqa amam imapipas llamkankichikchu. 8Qanchis punchawmi ñoqa Tayta Diosman ofrecemuwankichik kañasqa ofrendata, qanchis kaq punchawpim ichaqa ñoqallapaqña huñunakuyman qayankichik, chay punchawpiqa amam imapipas llamkankichikchu, nispa.
Cosecha qallariy fiestamanta
(Nm 28.26-31)
9-10Israelpa mirayninkunaman ninanpaqmi Moisesta Tayta Dios nirqa:
Chay qonay allpaman chayaruspaykichikqa cosechapa punta kaq gavillantam sacerdoteman apamunkichik. 11Sacerdoteñataqmi chay gavillata qamkunamanta chaskinaypaq ñoqa Tayta Diospa qayllaypi kuyuchinqa, chaytaqa samana punchawpa paqarinnintintam ruwanqa. 12Chay gavilla ofrecewasqaykichik punchawtaqmi huk watayuq sano carnerotapas ñoqa Tayta Diospaq lliwta kañapuwankichik. 13Apamuwankichiktaqmi aceitewan chapusqa tawa kilo parten harinatapas, chaynapi ñoqapaq miski asnaq ofrenda kananpaq. Apamuwankichiktaqmi Tallina ofrendapaq huk litro vinotapas. 14Amaraqmi mikunkichikchu tantantapas, hamkatapas nitaq llullu kawsaytapas ñoqaman ofrendaykichikta apamunaykichik punchawkama. Kayqa wiña-wiñaypaq decretom llapallan miraynikichikpaq maypiña yachaptikichikpas kanqa.
15Gavilla ofrendata ofrecewasqaykichik punchawmanta qallarispam otaq samana punchawpa paqarinnintinmanta qallarispam qanchis semanatapuni yupankichik. 16Hinaptinmi samana punchawpa paqarinnintin punchawwan pichqa chunka punchaw kanqa. Chaymantañam ñoqaman ofrecemuwankichik musoq kawsaykunamanta ofrendaykichikta. 17Kuyuchisqa ofrendapaqmi wasikichikmanta tawa kilo parten harinamanta levadurawan chapusqa iskay tantata apamunkichik. Chay ofrendam kanqa ñoqa Tayta Diospaq primicia hina. 18Tantakunatawan kuskatam huk watayuq qanchis sano carnerokunata apamuwankichik, huk malta torota chaynataq iskay carnerotapas ñoqapaq lliw kañasqa kanankupaq. Chaykunaqa ñoqa Tayta Diospaq miski asnaq kañasqa ofrendam kanqa. Chaykunawan kuskatataqmi kawsaykunamanta ofrendatapas chaynataq vinotapas apamuwankichik.
19Huchaykichik pampachasqa kananpaqmi huk chivatota wañuchipuwankichik, ñoqawan allinlla kasqaykichikmantapas watayuq iskay carnerotam ofrecewankichik. 20Chay animalkunatam ñoqa Tayta Diospa ñawpaqniypi sacerdote kuyuchispan ofrecemuwanqa punta rurukunamanta tantayuqta chaynataq iskay carneroyuqta, chaykunaqa ñoqapaq sapaqchasqa kasqanraykum sacerdotepaq kanqa.
21 #
Ex 23.16; 34.22; Dt 16.9-12. Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.
22 #
Lv 19.9-10; Dt 24.19-22. Chakraykichikpi rutuspaykichikqa amam kuchun-kuchunqa rutunkichikchu, nitaqmi puchuqkunatapas pallapankichikchu, chaykunataqa wakchakunapaqwan huklaw llaqtayuqkunapaqmi saqenkichik. Ñoqa Tayta Diosmi Diosnikichikqa kani, nispa.
Trompetakunapa waqanan fiestamanta
(Nm 29.1-6)
23-24Israelpa mirayninkunaman ninanpaqmi Moisesta Tayta Dios kaynata nirqa:
Qanchis kaq killapa punta kaq punchawninqa samana punchawmi kanqa, chay punchawmi yuyarinaykichikpaq trompetakunata tocaspa sapaqchasqa huñunakuyniyta ruwankichik. 25Chay punchawpiqa ñoqamanmi kañasqa ofrendata ofrecemuwankichik, amam imapipas llamkankichikchu, nispa.
Hucha pampachana punchawmanta
(Nm 29.7-11)
26Moisestam Tayta Dios nirqa:
27 #
Lv 16.29-34. Qanchis kaq killapa chunka punchawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruwaspam ayunankichik, hinaspam kañasqa ofrendata ofrecemuwankichik. 28Amam chay punchawpiqa imapipas llamkankichikchu. Chay punchawqa hucha pampachana punchawmi, ñoqa Tayta Diosmi chay punchawpi huchaykichikta pampachasaq. 29Pipas chay punchawpi mana ayunaqqa llaqtanmantam chinkachisqa kanqa. 30Pitapas chay punchawpi llamkaqtaqa runamasinkunamantam chinkarachisaq.
31Chay punchawpiqa amam imapipas llamkankichikchu, kayqa wiña-wiñaypaq kamachikuymi kanqa, llapallan miraynikichikpaq maypiña yachaptikichikpas. 32Samaspam ayunankichik chay killapa isqon kaq punchawpa tardenmanta qallaykuspa paqarinnintin chisinkuykama, nispa.
Ramada ruway fiestamanta
(Nm 29.12-40)
33-34 #
Dt 16.13-15. Israelpa mirayninkunaman ninanpaqmi Moisesta Tayta Dios kaynata nirqa:
Chay qanchis kaq killapa chunka pichqayuq punchawninpim ñoqa Tayta Diospaq ramada fiestata qanchis punchawpuni ruwankichik. 35Punta kaq punchawpim ñoqallapaqña sapaqchasqa huñunakuyman qayanakunkichik, chay punchawpiqa amam imapipas llamkankichikchu. 36Qanchis punchawmi ñoqa Tayta Diosman kañasqa ofrendakunata ofrecewankichik, pusaq kaq punchawpiñataqmi ñoqallapaqña sapaqchasqa huñunakuyman qayaspa kañasqa ofrendata ofrecewankichik. Chay punchawpiqa fiestay kasqanraykum ama llamkankichikchu.
37Chaykunam ñoqa Tayta Diospaq sapaqchasqa fiestakuna, chay fiestakunapiqa ñoqallapaqña sapaqchasqa huñunakuykunamanmi qayanakunkichik, chaypim ñoqa Tayta Diosman lliw kañana ofrendata, kawsaykunamanta ofrendakunata, wakin wañuchisqa ofrendakunata ofrecewankichik, chaynataqmi vinotapas tallinkichik. Chaykunataqa tupamusqan punchawman hinam ruwankichik. 38Samana punchawta Tayta Diospaq waqaychachkaspapas, regaloykichikta qochkaspapas, kikikichikmanta qosqaykichik ofrendata ofrecechkaspapas kay fiestakunataqa ruwankichikpunim.
39 #
Ex 23.16; 34.22. Qanchis kaq killapa chunka pichqayuq punchawninpim, cosechaykichiktapas lliw huñuruspaña, ñoqa Tayta Diospaq hatun fiestata qanchis punchawpuni ruwankichik, punta kaq punchawmi samana punchaw kanqa, pusaq kaq punchawpas samana punchawtaqmi kanqa. 40Punta kaq punchawpim allinnin sachakunapa rurunta pallamunkichik, kuchumunkichiktaqmi palmerakunapa kallmankunatawan llaqesapallaña sachakunapa kallmankunatapas chaynataq mayu patankunapi saucekunapa kallmankunatapas, hinaspam qanchis punchawpuni ñoqa Tayta Diospa qayllaypi kusikunkichik. 41Isqon kaq killapim watan-watan hatun fiestata qanchis punchawpuni ñoqapaq ruwankichik, kaykunam wiñaypaq kamachikuy llapallan miraynikichikpaq kanqa. 42Qanchis punchawmi Israelpa llapallan mirayninkuna chukllakunapi yachankichik. 43Chaynapim qepa wiñay miraynikichikkuna yachanqaku ñawpaq taytankuta Egiptomanta hurqomuspay carpakunapi kawsachisqayta. Ñoqa Tayta Diosmi Diosnikichik kani, nispa.
44Chaynatam Israelpa mirayninkunaman Moisés willarqa, Tayta Diospaq hatun fiestakunata ruwanankupaq.
Currently Selected:
Levítico 23: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 23
23
Fiesta punchawkunamanta
(Nm 28.16-25)
1-2Israelpa mirayninkunaman ninanpaqmi Moisesta Tayta Dios kaynata nirqa:
Ñoqa Tayta Diospaq sapaqchasqa fiestaykunata ruwanaykichikpaqmi runakunata qayankichik.
3 #
Ex 20.8-10; 23.12; 31.15; 34.21; 35.2; Dt 5.12-14. Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.
4Kaykunam ñoqa Tayta Diospaq sapaqchasqa fiestakuna, chaykunata ruwanaykichikpaqmi akllasqa punchawkunapi huñunakunkichik:
5 #
Ex 12.1-13; Dt 16.1-2. Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.
6 #
Ex 12.14-20; 23.15; 34.18; Dt 16.3-8. Chay killapa chunka pichqayuq punchawninpiñataqmi ñoqa Tayta Diospaq mana levadurayuq tanta mikuna fiestata ruwankichik. Qanchis punchawmi mana levadurayuq tantata mikunkichik. 7Chay semanapa punta kaq punchawninpim ñoqallapaqña huñunakuyman qayankichik, chay punchawpiqa amam imapipas llamkankichikchu. 8Qanchis punchawmi ñoqa Tayta Diosman ofrecemuwankichik kañasqa ofrendata, qanchis kaq punchawpim ichaqa ñoqallapaqña huñunakuyman qayankichik, chay punchawpiqa amam imapipas llamkankichikchu, nispa.
Cosecha qallariy fiestamanta
(Nm 28.26-31)
9-10Israelpa mirayninkunaman ninanpaqmi Moisesta Tayta Dios nirqa:
Chay qonay allpaman chayaruspaykichikqa cosechapa punta kaq gavillantam sacerdoteman apamunkichik. 11Sacerdoteñataqmi chay gavillata qamkunamanta chaskinaypaq ñoqa Tayta Diospa qayllaypi kuyuchinqa, chaytaqa samana punchawpa paqarinnintintam ruwanqa. 12Chay gavilla ofrecewasqaykichik punchawtaqmi huk watayuq sano carnerotapas ñoqa Tayta Diospaq lliwta kañapuwankichik. 13Apamuwankichiktaqmi aceitewan chapusqa tawa kilo parten harinatapas, chaynapi ñoqapaq miski asnaq ofrenda kananpaq. Apamuwankichiktaqmi Tallina ofrendapaq huk litro vinotapas. 14Amaraqmi mikunkichikchu tantantapas, hamkatapas nitaq llullu kawsaytapas ñoqaman ofrendaykichikta apamunaykichik punchawkama. Kayqa wiña-wiñaypaq decretom llapallan miraynikichikpaq maypiña yachaptikichikpas kanqa.
15Gavilla ofrendata ofrecewasqaykichik punchawmanta qallarispam otaq samana punchawpa paqarinnintinmanta qallarispam qanchis semanatapuni yupankichik. 16Hinaptinmi samana punchawpa paqarinnintin punchawwan pichqa chunka punchaw kanqa. Chaymantañam ñoqaman ofrecemuwankichik musoq kawsaykunamanta ofrendaykichikta. 17Kuyuchisqa ofrendapaqmi wasikichikmanta tawa kilo parten harinamanta levadurawan chapusqa iskay tantata apamunkichik. Chay ofrendam kanqa ñoqa Tayta Diospaq primicia hina. 18Tantakunatawan kuskatam huk watayuq qanchis sano carnerokunata apamuwankichik, huk malta torota chaynataq iskay carnerotapas ñoqapaq lliw kañasqa kanankupaq. Chaykunaqa ñoqa Tayta Diospaq miski asnaq kañasqa ofrendam kanqa. Chaykunawan kuskatataqmi kawsaykunamanta ofrendatapas chaynataq vinotapas apamuwankichik.
19Huchaykichik pampachasqa kananpaqmi huk chivatota wañuchipuwankichik, ñoqawan allinlla kasqaykichikmantapas watayuq iskay carnerotam ofrecewankichik. 20Chay animalkunatam ñoqa Tayta Diospa ñawpaqniypi sacerdote kuyuchispan ofrecemuwanqa punta rurukunamanta tantayuqta chaynataq iskay carneroyuqta, chaykunaqa ñoqapaq sapaqchasqa kasqanraykum sacerdotepaq kanqa.
21 #
Ex 23.16; 34.22; Dt 16.9-12. Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.
22 #
Lv 19.9-10; Dt 24.19-22. Chakraykichikpi rutuspaykichikqa amam kuchun-kuchunqa rutunkichikchu, nitaqmi puchuqkunatapas pallapankichikchu, chaykunataqa wakchakunapaqwan huklaw llaqtayuqkunapaqmi saqenkichik. Ñoqa Tayta Diosmi Diosnikichikqa kani, nispa.
Trompetakunapa waqanan fiestamanta
(Nm 29.1-6)
23-24Israelpa mirayninkunaman ninanpaqmi Moisesta Tayta Dios kaynata nirqa:
Qanchis kaq killapa punta kaq punchawninqa samana punchawmi kanqa, chay punchawmi yuyarinaykichikpaq trompetakunata tocaspa sapaqchasqa huñunakuyniyta ruwankichik. 25Chay punchawpiqa ñoqamanmi kañasqa ofrendata ofrecemuwankichik, amam imapipas llamkankichikchu, nispa.
Hucha pampachana punchawmanta
(Nm 29.7-11)
26Moisestam Tayta Dios nirqa:
27 #
Lv 16.29-34. Qanchis kaq killapa chunka punchawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruwaspam ayunankichik, hinaspam kañasqa ofrendata ofrecemuwankichik. 28Amam chay punchawpiqa imapipas llamkankichikchu. Chay punchawqa hucha pampachana punchawmi, ñoqa Tayta Diosmi chay punchawpi huchaykichikta pampachasaq. 29Pipas chay punchawpi mana ayunaqqa llaqtanmantam chinkachisqa kanqa. 30Pitapas chay punchawpi llamkaqtaqa runamasinkunamantam chinkarachisaq.
31Chay punchawpiqa amam imapipas llamkankichikchu, kayqa wiña-wiñaypaq kamachikuymi kanqa, llapallan miraynikichikpaq maypiña yachaptikichikpas. 32Samaspam ayunankichik chay killapa isqon kaq punchawpa tardenmanta qallaykuspa paqarinnintin chisinkuykama, nispa.
Ramada ruway fiestamanta
(Nm 29.12-40)
33-34 #
Dt 16.13-15. Israelpa mirayninkunaman ninanpaqmi Moisesta Tayta Dios kaynata nirqa:
Chay qanchis kaq killapa chunka pichqayuq punchawninpim ñoqa Tayta Diospaq ramada fiestata qanchis punchawpuni ruwankichik. 35Punta kaq punchawpim ñoqallapaqña sapaqchasqa huñunakuyman qayanakunkichik, chay punchawpiqa amam imapipas llamkankichikchu. 36Qanchis punchawmi ñoqa Tayta Diosman kañasqa ofrendakunata ofrecewankichik, pusaq kaq punchawpiñataqmi ñoqallapaqña sapaqchasqa huñunakuyman qayaspa kañasqa ofrendata ofrecewankichik. Chay punchawpiqa fiestay kasqanraykum ama llamkankichikchu.
37Chaykunam ñoqa Tayta Diospaq sapaqchasqa fiestakuna, chay fiestakunapiqa ñoqallapaqña sapaqchasqa huñunakuykunamanmi qayanakunkichik, chaypim ñoqa Tayta Diosman lliw kañana ofrendata, kawsaykunamanta ofrendakunata, wakin wañuchisqa ofrendakunata ofrecewankichik, chaynataqmi vinotapas tallinkichik. Chaykunataqa tupamusqan punchawman hinam ruwankichik. 38Samana punchawta Tayta Diospaq waqaychachkaspapas, regaloykichikta qochkaspapas, kikikichikmanta qosqaykichik ofrendata ofrecechkaspapas kay fiestakunataqa ruwankichikpunim.
39 #
Ex 23.16; 34.22. Qanchis kaq killapa chunka pichqayuq punchawninpim, cosechaykichiktapas lliw huñuruspaña, ñoqa Tayta Diospaq hatun fiestata qanchis punchawpuni ruwankichik, punta kaq punchawmi samana punchaw kanqa, pusaq kaq punchawpas samana punchawtaqmi kanqa. 40Punta kaq punchawpim allinnin sachakunapa rurunta pallamunkichik, kuchumunkichiktaqmi palmerakunapa kallmankunatawan llaqesapallaña sachakunapa kallmankunatapas chaynataq mayu patankunapi saucekunapa kallmankunatapas, hinaspam qanchis punchawpuni ñoqa Tayta Diospa qayllaypi kusikunkichik. 41Isqon kaq killapim watan-watan hatun fiestata qanchis punchawpuni ñoqapaq ruwankichik, kaykunam wiñaypaq kamachikuy llapallan miraynikichikpaq kanqa. 42Qanchis punchawmi Israelpa llapallan mirayninkuna chukllakunapi yachankichik. 43Chaynapim qepa wiñay miraynikichikkuna yachanqaku ñawpaq taytankuta Egiptomanta hurqomuspay carpakunapi kawsachisqayta. Ñoqa Tayta Diosmi Diosnikichik kani, nispa.
44Chaynatam Israelpa mirayninkunaman Moisés willarqa, Tayta Diospaq hatun fiestakunata ruwanankupaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012