Levítico 22
22
Pikunam Tayta Diospa ofrendanta mikunankumanta
1-2Aaronman hinaspa churinkunaman ninanpaqmi Moisesta Tayta Dios nirqa:
Israel castakunapa sapaqchapuwasqan ofrendakunata allinta nanachikuchunku, chaynapi chuya sutiyta ama penqayman churanankupaq. Ñoqaqa Tayta Diosmi kani.
3Kunanpas hinaspa hamuq punchawkunapipas, mirayninkunamanta pipas millakuypaq kachkaspan Israel castakunapa sapaqchapuwasqan ofrendaykunaman asuykuspanqa, ñawpaqniymanta chinkachisqam kanqa. Ñoqa Tayta Diosmi chaynata nini.
4Chaynaqa, Aaronpa mirayninkunamanta pipas lepra onqoywan otaq qeya ispaywan kaspaqa amam ñoqapaq sapaqchasqa kaqkunataqa mikunqachu, mikunqakuqa chuyanchakuruspañam.
Manataqmi mikunmanchu runapa ayan llapcharuqpas, puñuchkaptin qari kayninmanta muhun kikillanmanta lloqsiptinpas, 5qasqonpa puriq animalta llapcharuqpas, nitaq millakuypaq kaq runata llapcharuqpas. 6Pipas chaykunata llapcharuq runaqa tutaykuqkamam millakuypaq kanqa. Ñoqapaq sapaqchasqa kaqkunataqa manaraq bañakuchkaspaqa amam mikunqachu. 7Inti seqaykuptinñam chuya kanqa, chayñam ñoqapaq sapaqchasqa kaqkunata mikunqa, chaykuna paypa mikuynin kasqanrayku. 8Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.
9Chaynaqa, kay kunasqaykunata kasukuchunku, chaynapi ama huchallikunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.
10Mana sacerdote kachkaspaqa amam pipas ñoqapaq sapaqchasqa ofrendaykunataqa mikunqachu.
Sacerdotepa samapakuqninpas nitaq llamkapakuqninpas amam mikunqachu.
11Sacerdotepa rantisqan criadowan wasinpi naceq criadom ichaqa ñoqapaq sapaqchasqa ofrendamanta mikunqa.
12Sacerdotepa warmi churin mana sacerdote kaq runawan casarakuspanqa, amam mikunqachu sacerdoteman qosqa ofrendamantaqa. 13Sichum sacerdotepa warmi churin manaraq wawayuq kachkaspa viudayarunman otaq qosan saqeruptin taytanpa wasinman kutiykuruspanqa, sipas kayninpi hinam chay ofrendamanta mikunqa. Sacerdote castamanta sapaq runaqa amam mikunqachu.
14Sichum pipas pantaruspan ñoqapaq sapaqchasqa mikuyta mikurunqa hinaspaqa sacerdotemanmi sayachipunqa pichqa parteman rakisqapa huknin parten yapasqata. 15Sacerdotekunaqa Israel casta runakunapa ñoqa Tayta Diospaq apamusqanku ofrendaykunataqa amam qachachanqakuchu. 16Chaynata ruwaspankuqa kikillankum huchata qepikuchkanku. Ñoqa Tayta Diosmi chaykunataqa kikiypaq sapaqchani, nispa.
Imaynatam animalkunata Tayta Diospaq wañuchinankumanta
17-18Aaronmanwan churinkunaman chaynataq Israelpa mirayninkunaman ninanpaqmi Moisesta Tayta Dios kaynata nirqa:
Israel runakunamanta otaq paykunawan yachaq huklaw llaqtayuqkunamanta pipas prometekusqanta ruwayman churaspa otaq lliw kañana animalta mana pipa nisqallan ofrecewaspanqa, 19chaskisqa kananpaqmi sano orqo animalta ofrecewanqa, manam imananchu torota, carnerota otaq chivatota kaspapas. 20#Dt 17.1.Mana sano kaq animaltaqa amam ofrecewanqachu, chayna kaptinqa manam chaskisaqchu.
21Ñoqa Tayta Dioswan allinlla kasqanmanta ofrendata pipas prometekusqanmanta otaq voluntadninmanta ofrecewaspanqa, toromanta otaq carneromanta kaspapas sanotam apamuwanqa. 22Ñoqa Tayta Diosmanqa amam ofrecewankichikchu ñawsata, chakin pakisqata, imanpas qorusqata, qeyapakuqta, seqsipakuyniyuqta nitaq qarapakuchkaq animaltapas. Chayna ofrendakunataqa amam altarpipas kañapuwankichikchu. 23Voluntadninkumanta ofrenda kaptinmi ichaqa chullan chaki torotapas otaq carnerotapas ofrecewankiman, prometekusqanku ofrenda kaptinmi ichaqa mana chaskisqaykichu. 24Amataqmi ofrecemuwankichikchu dañasqa runtuyuq, llapisqa runtuyuq, chutasqa runtuyuq hinaspa capasqa animaltaqa. Nacionnikichikpiqa amam chaynataqa ruwankichikchu. 25Huklaw llaqtayuq runakunamantapas chayna animalkunataqa amam chaskinkichikchu, Diosnikichikpa mikuynin kananpaqqa, chaykunataqa mana sano animalkuna kasqanraykum mana chaskisqaykichikchu, nispa.
Diosman ofrecesqa animalkunata imaynatam wañuchinankumanta
26Moisestam Tayta Dios nirqa:
27Vacapa, ovejapa otaq cabrapa naceruq uñachanqa qanchis punchawraqmi mamanwan kanqa, pusaq punchawmantam ichaqa ofrendata hina ñoqa Tayta Diosman kañapuwankichik.
28Chay punchawllapiqa amam vacatapas nitaq ovejatapas uñantintaqa wañuchinkichikchu.
29Ñoqa Tayta Diosman graciasta qowanaykichikpaq animalta wañuchispaqa chaskinaypaq hinam ruwankichik, 30hinaspam chay punchawllapi mikunkichik, amam paqarinnintinkamaqa puchunkichikchu. Ñoqaqa Tayta Diosmi kani.
31Kamachikuyniykunata kasukuspa ruwayman churaychik. Ñoqaqa Tayta Diosmi kani.
32Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani. 33Ñoqam Egipto nacionmanta hurqomurqaykichik Diosnikichik kanaypaq. Ñoqaqa Tayta Diosmi kani, nispa.
Currently Selected:
Levítico 22: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 22
22
Pikunam Tayta Diospa ofrendanta mikunankumanta
1-2Aaronman hinaspa churinkunaman ninanpaqmi Moisesta Tayta Dios nirqa:
Israel castakunapa sapaqchapuwasqan ofrendakunata allinta nanachikuchunku, chaynapi chuya sutiyta ama penqayman churanankupaq. Ñoqaqa Tayta Diosmi kani.
3Kunanpas hinaspa hamuq punchawkunapipas, mirayninkunamanta pipas millakuypaq kachkaspan Israel castakunapa sapaqchapuwasqan ofrendaykunaman asuykuspanqa, ñawpaqniymanta chinkachisqam kanqa. Ñoqa Tayta Diosmi chaynata nini.
4Chaynaqa, Aaronpa mirayninkunamanta pipas lepra onqoywan otaq qeya ispaywan kaspaqa amam ñoqapaq sapaqchasqa kaqkunataqa mikunqachu, mikunqakuqa chuyanchakuruspañam.
Manataqmi mikunmanchu runapa ayan llapcharuqpas, puñuchkaptin qari kayninmanta muhun kikillanmanta lloqsiptinpas, 5qasqonpa puriq animalta llapcharuqpas, nitaq millakuypaq kaq runata llapcharuqpas. 6Pipas chaykunata llapcharuq runaqa tutaykuqkamam millakuypaq kanqa. Ñoqapaq sapaqchasqa kaqkunataqa manaraq bañakuchkaspaqa amam mikunqachu. 7Inti seqaykuptinñam chuya kanqa, chayñam ñoqapaq sapaqchasqa kaqkunata mikunqa, chaykuna paypa mikuynin kasqanrayku. 8Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.
9Chaynaqa, kay kunasqaykunata kasukuchunku, chaynapi ama huchallikunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.
10Mana sacerdote kachkaspaqa amam pipas ñoqapaq sapaqchasqa ofrendaykunataqa mikunqachu.
Sacerdotepa samapakuqninpas nitaq llamkapakuqninpas amam mikunqachu.
11Sacerdotepa rantisqan criadowan wasinpi naceq criadom ichaqa ñoqapaq sapaqchasqa ofrendamanta mikunqa.
12Sacerdotepa warmi churin mana sacerdote kaq runawan casarakuspanqa, amam mikunqachu sacerdoteman qosqa ofrendamantaqa. 13Sichum sacerdotepa warmi churin manaraq wawayuq kachkaspa viudayarunman otaq qosan saqeruptin taytanpa wasinman kutiykuruspanqa, sipas kayninpi hinam chay ofrendamanta mikunqa. Sacerdote castamanta sapaq runaqa amam mikunqachu.
14Sichum pipas pantaruspan ñoqapaq sapaqchasqa mikuyta mikurunqa hinaspaqa sacerdotemanmi sayachipunqa pichqa parteman rakisqapa huknin parten yapasqata. 15Sacerdotekunaqa Israel casta runakunapa ñoqa Tayta Diospaq apamusqanku ofrendaykunataqa amam qachachanqakuchu. 16Chaynata ruwaspankuqa kikillankum huchata qepikuchkanku. Ñoqa Tayta Diosmi chaykunataqa kikiypaq sapaqchani, nispa.
Imaynatam animalkunata Tayta Diospaq wañuchinankumanta
17-18Aaronmanwan churinkunaman chaynataq Israelpa mirayninkunaman ninanpaqmi Moisesta Tayta Dios kaynata nirqa:
Israel runakunamanta otaq paykunawan yachaq huklaw llaqtayuqkunamanta pipas prometekusqanta ruwayman churaspa otaq lliw kañana animalta mana pipa nisqallan ofrecewaspanqa, 19chaskisqa kananpaqmi sano orqo animalta ofrecewanqa, manam imananchu torota, carnerota otaq chivatota kaspapas. 20#Dt 17.1.Mana sano kaq animaltaqa amam ofrecewanqachu, chayna kaptinqa manam chaskisaqchu.
21Ñoqa Tayta Dioswan allinlla kasqanmanta ofrendata pipas prometekusqanmanta otaq voluntadninmanta ofrecewaspanqa, toromanta otaq carneromanta kaspapas sanotam apamuwanqa. 22Ñoqa Tayta Diosmanqa amam ofrecewankichikchu ñawsata, chakin pakisqata, imanpas qorusqata, qeyapakuqta, seqsipakuyniyuqta nitaq qarapakuchkaq animaltapas. Chayna ofrendakunataqa amam altarpipas kañapuwankichikchu. 23Voluntadninkumanta ofrenda kaptinmi ichaqa chullan chaki torotapas otaq carnerotapas ofrecewankiman, prometekusqanku ofrenda kaptinmi ichaqa mana chaskisqaykichu. 24Amataqmi ofrecemuwankichikchu dañasqa runtuyuq, llapisqa runtuyuq, chutasqa runtuyuq hinaspa capasqa animaltaqa. Nacionnikichikpiqa amam chaynataqa ruwankichikchu. 25Huklaw llaqtayuq runakunamantapas chayna animalkunataqa amam chaskinkichikchu, Diosnikichikpa mikuynin kananpaqqa, chaykunataqa mana sano animalkuna kasqanraykum mana chaskisqaykichikchu, nispa.
Diosman ofrecesqa animalkunata imaynatam wañuchinankumanta
26Moisestam Tayta Dios nirqa:
27Vacapa, ovejapa otaq cabrapa naceruq uñachanqa qanchis punchawraqmi mamanwan kanqa, pusaq punchawmantam ichaqa ofrendata hina ñoqa Tayta Diosman kañapuwankichik.
28Chay punchawllapiqa amam vacatapas nitaq ovejatapas uñantintaqa wañuchinkichikchu.
29Ñoqa Tayta Diosman graciasta qowanaykichikpaq animalta wañuchispaqa chaskinaypaq hinam ruwankichik, 30hinaspam chay punchawllapi mikunkichik, amam paqarinnintinkamaqa puchunkichikchu. Ñoqaqa Tayta Diosmi kani.
31Kamachikuyniykunata kasukuspa ruwayman churaychik. Ñoqaqa Tayta Diosmi kani.
32Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani. 33Ñoqam Egipto nacionmanta hurqomurqaykichik Diosnikichik kanaypaq. Ñoqaqa Tayta Diosmi kani, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012