Levítico 18
18
Qarikunapaq kamachikuykunamanta
1-2Israelpa mirayninkunaman ninanpaqmi Moisesta Tayta Dios kaynata nirqa:
Ñoqam Tayta Dios kani.
3Egipto nacionpi runakunapa ruwasqankuta hinaqa amam imatapas ruwankichikchu.
Canaán nacionpi yachaspaykichikpas amam chay llaqtayuq runakunapa ruwasqankutaqa ruwankichikchu, amataqmi costumbrenman hinaqa kawsankichikchu.
4Kamachikuyniykunatawan decretoykunata kasukuspa chaykunaman hina kawsaychik. Ñoqa Tayta Diosmi, Diosnikichik kani.
5 #
Neh 9.29; Ez 18.9; 20.11-13; Lc 10.28; Ro 10.5; Gl 3.12. Chaynaqa, kamachikuyniykunatawan decretoykunata kasukuychik. Pipas chaykunata ruwayman churaqqa kawsanqam. Ñoqa Tayta Diosmi chaynata nini.
6Amam pi qaripas ayllullanmanta kaq warmiwanqa kakunqachu. Ñoqa Tayta Diosmi chaynata nini.
7Mamallaykiwan kakuspaqa amam taytaykita penqaymanqa churankichu. Payqa mamaykim, amam paywanqa kakunkichu.
8 #
Lv 20.11; Dt 22.30; 27.20. Taytaykipa yapakusqan warminwan kakuspaqa amam taytaykita penqaymanqa churankichu.
9 #
Lv 20.17; Dt 27.22. Taytaykipa churyapakusqan otaq mamaykipa wachapakusqan panikiwanqa amam kakunkichu wasikipi naceq kaptinpas otaq huklaw wasipi naceq kaptinpas.
10Amam penqayman churakunkichu willkaykiwan kakuspaqa, warmi churikipa otaq qari churikipa kaptinpas.
11Taytaykipa yapay warminpa warmi wawanwanqa amam kakunkichu. Taytaykipa churinqa panikim.
12Taytaykipa paninwanqa amam kakunkichu, payqa taytaykipa ayllunmi.
13Mamaykipa ñañanwanqa amam kakunkichu, payqa mamaykipa ayllunmi.
14 #
Lv 20.19-20. Taytaykipa wawqenpa warminwan kakuspaqa amam tioykita penqayman churankichu. Payqa tiaykim.
15 #
Lv 20.12. Llumchuynikiwanqa amam kakunkichu, payqa churikipa warminmi.
16 #
Lv 20.21. Cuñadallaykiwan kakuspaqa amam wawqekitaqa penqayman churankichu.
17 #
Lv 20.14; Dt 27.23. Huk warmiwanqa amam wawantillanwanqa kakunkichu, amataqmi qari wawanpa warmi churinwanpas casarakunkichu nitaq warmi wawanpa warmi wawanwanpas. Tukuy chaykuna ruwayqa aylluntillan kasqanraykum millakuypaq hucha.
18Warmiki kawsachkaptinqa amam warmikipa ñañantaqa casarankichu, nitaqmi paywanqa kakunkichu, yanqañataq iskayninwan kasqaykirayku cheqninakunmanku.
19 #
Lv 20.18. Killanwan kaq warmiwanqa amam kakunkichu.
20 #
Lv 20.10. Runamasikipa warminwanqa amam kakunkichu. Chaynata ruwaspaqa millakuypaqmi kawaq.
21 #
Lv 20.1-5. Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.
22 #
Lv 20.13. Warmiwan hinaqa amam qarimasikiwanqa kakunkichu, chay ruwayqa pasaypaq millakuypaqmi.
23 #
Ex 22.19; Lv 20.15-16; Dt 27.21. Warmiwan hinaqa amam animalwanqa qachakunkichu, chaynata ruwaspaqa millarikuypaqtam ruwachkanki. Warmipas qariwan hinaqa amataqmi animalwanqa qachakunqachu, chayqa pasaypaq millakuypaq ruwaymi.
24Amam chaykunata ruwaspa millakuypaqtaqa ruwakunkichikchu. Chaykunata ruwaspam qayllaykichikmanta wischunay llapa nacionkunapas millakuypaqta qachachakurqaku. 25Chayna ruwaykunawanmi allpapas millakuypaqña rikurirurqa, chayraykum chay mana allinkuna ruwasqankumanta castigarqani, allpapas chay runakunataqa atqochkaq hinam atqorurqa.
26Israel casta runakuna, kamachikuyniykunatawan yachachikuyniykunata kasukuychik chaynataq qamkunawan yachaq huklaw llaqtayuqkunapas; hinaspayá kay millarikuypaq kaqkunataqa ama ruwaychikchu. 27Tukuy kay millarikuypaq kaqkunatam qamkunamanta chay allpapi punta yachaq runakuna ruwarqaku, hinaptinmi chay allpapas millarikuypaq karqa.
28Millakuypaq kaqkunata ruwaptikichikqa yanqañataq qamkunatapas atqochkaq hina chay allpa wischurusunkichikman, chaynatam chay allpapi puntata yachaq runakunatapas wischururqa. 29Pipas chay millarikuypaq kaqkunata ruwaq runaqa llaqtamantam chinkachisqa kanqa.
30Chaynaqa, kay kamachisqaykunatayá kasukuychik, amayá millakuypaq kaqkunataqa ruwaychikchu imaynam qamkunamanta ñawpaq runakuna hinaqa. Chaykunawanqa amayá millarikuypaqtaqa ruwakuychikchu. Ñoqa Tayta Diosmi, Diosnikichik kani, nispa.
Currently Selected:
Levítico 18: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
