Levítico 16
16
Huchakuna pampachana punchawmanta
1Aaronpa iskaynin qari churinkuna Tayta Diosman asuykuspa wañurusqankumanta qepatam, Moisesta Tayta Dios nirqa: 2#Heb 6.19.Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.
3 #
Heb 9.7. Aaronqa carpaman yaykuspanqa kaykunatam apanqa: Hucharayku ofrendapaq malta torota chaynataq lliw kañanapaq carnerota. 4Yaykunanpaqmi churakunqa linomanta chuya tunicanwan, linomanta calzoncillowan, weqawnintam linomanta chumpiwan watakunqa, umanmanpas linomanta ruwasqa mitrawanmi churakunqa. Chay pachakunaqa ñoqallapaqña sapaqchasqam; chay pachakunawanmi sumaqta bañakuruspan churakunqa.
5Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas. 6Chaymantam kikinpa huchanmantawan ayllunpa huchankunamanta malta torota Aarón ofrecewanqa, chaynapi huchankuta pampachanaypaq. 7Chay iskaynin chivatokunatam asuykuwananku carpapa punkunpi ñoqa Tayta Diosman ofrecewanqa.
8Hinaspam Aarón iskaynin chivatokunata sorteanqa, huknintam ñoqa Tayta Diospaq akllanqa, huknintañataqmi Azazelpaq. 9Chaypim Aaronqa ñoqa Tayta Diospaq akllapuwasqan chivatota wañuchipuwanqa, chaytaqa huchamanta ofrendapaqmi ofrecewanqa.
10Azazelpaq akllasqan chivatotañataqmi kawsachkaqllata ñoqa Tayta Diospa qayllayman churanqa huchakunata pampachanaypaq, hinaspam Azazelpaq chunniqman kachaykunqa.
11Aaronmi huk malta torota kikinpa huchanmantawan ayllunpa huchankunamanta ofrecewanqa, huchankunamanta ofrenda kasqanrayku, chaynapi huchankumanta pampachanaypaq. 12Chaymantañataqmi ñoqa Tayta Diospa qayllaypi kaq altarmanta nina sansayuq incienso qontichinata hurqoykunqa, hapiykunqataqmi miski asnaq kutasqa inciensotapas iskay aptayta, hinaspam carpapi velopa qepanman apaykunqa.
13Chay inciensotam ñoqa Tayta Diospa qayllaypi sansaman hinaykunqa. Chaypim inciensopa qosniynin chunkantin kamachikuykuna waqaychana Arcapa tapanta pampaykunqa, chaynapim Aaronqa mana wañunqachu.
14Chaymantam malta toropa yawarninman dedonta challpuykuspan Arcapa tapanpa intipa qespimunan lawninman challanqa, chaynataqmi tapapa ñawpaqninmanpas chay yawarwan qanchis kutikama challanqa.
15 #
Heb 9.12. Chaymantam chivatota wañuchinqa llaqtapa huchankunamanta ofrecewananpaq, yawarnintañataqmi carpapi velopa qepanman apaykunqa, hinaspam tapapa hawanman chaynataq tapapa ñawpaqninman challanqa, imaynam malta toropa yawarninwan ruwasqanta hina.
16Chaynatam Diosman asuykuna carpata chuyanchanqa Israelpa mirayninkunapa millakuypaq kayninkumanta, mana kasukusqankumanta hinaspa llapa huchankumanta. Hina chaynallatam santuariotapas chuyanchanqa, millakuypaq chawpinkupi kasqanrayku.
17Huchakuna pampachasqa kananpaq Diosman asuykuna carpaman Aarón yaykuptinqa, chay asuykuwananku carpapiqa amam pipas kanqachu, carpamanta Aarón lloqsimunankama. Kikinpa huchanta, ayllunkunapa huchankunata hinaspa Israelpa mirayninkunapa huchanta pampacharuptiyñam, 18Aaronqa ñoqa Tayta Diospa qayllaypi altarta chuyanchananpaq lloqsinqa. Chaypaqmi malta toropa chaynataq chivatopa yawarninta apanqa, hinaspam altarpa llapallan waqrachankunata llusinqa.
19Chay yawarwantaqmi altarta qanchis kutikama dedonwan challanqa, chaynatam Israelpa mirayninkunapa millakuypaq ruwasqankumanta chuyanchanqa.
20“Chuyay-chuyay” lugarta, asuykuwananku carpata hinaspa altarta Aarón chuyanchayta tukuruspanmi kawsachkaq chivatota pusachimunqa.
21Hinaspanmi Aaronqa chivatopa umanman makinkunata churaykuspan Israelpa mirayninkunapa mana allinkuna ruwasqankuta, mana kasukuyninkuta chaynataq huchankutapas ñoqaman willawanqa, hinaspam chay chivatota chunniqman pusachinqa chaypaq akllasqa runawan. 22Huchanku apachkaq hinam chay chivato paykunapa llapallan mana allin ruwasqankuta chunniqman apanqa.
23 #
Ez 44.19. Chaymantam asuykuwananku carpaman Aarón yaykunqa, hinaspam “Chuyay-chuyay” lugarman yaykunanpaq churakusqan linomanta pachanta chustukuspan chay carpapi saqeykunqa. 24Hinaspam carpapi bañakuspan pachakunqa, chaymantañam asuykamuwanqa. Lloqsimuspanñataqmi kikinmantawan llaqtanmanta lliw kañana animalta ofrecemuwanqa chaynataq hucharayku ofrendatapas. Chaynapim huchankuta pampachasaq. 25Hinaspam altarpi hucharayku ofrenda wiratapas kañanqa. 26Azazelman chivato pusaqpas pachanta taqsakuspanmi bañakunqa, hinaspañam campamentoman yaykunqa.
27 #
Heb 13.11. Huchamanta wañuchisqa malta torotapas chaynataq chivatotapas campamentomanta hawamanmi hurqonqaku, hinaspam qaranta, aychanta chaynataq akantapas kañanqaku. Chay animalkunapa yawarninqa santuarioman apasqam kanqa huchakuna pampachasqa kananpaq.
28Chay kañaq runapas pachantam taqsakunqa chaynataqmi cuerpontapas bañakunqa hinaspañam campamentomanqa yaykunqa.
29Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.
30 #
Lv 23.26-32; Nm 29.7-11. Chay punchawpim ñoqa Tayta Dios tukuy huchaykichikta pampachasaq, chaynapim chuyanchasqaña kankichik.
31Chay punchawqa samana punchawmi qamkunapaq kanqa. Chay punchawpim ayunankichik, wiña-wiñaypaq decretoymi kayqa. 32Taytanpa rantinpi sacerdote kananpaq aceitewan tallispa sapaqchasqa runaqa, huchakunata pampachana ofrendatam ofrecewanqa, chaynataqa ruwanqa ñoqapaq sapaqchasqay linomanta pachawan pachakuspam.
33Chuyanchanqataqmi ñoqaman asuykuwananku carpata, “Chuyay-chuyay” lugarta chaynataq altartapas. Sacerdotekunapa huchankunata chaynataq llaqtapa huchankunata pampachanaypaqmi hucharayku ofrendata ofrecewanqa.
34Kaymi qamkunapaq wiña-wiñaypaq kamachikuy kanqa. Watapim huk kutita kayta ruwankichik Israelpa mirayninkunapa huchanta pampachanaypaq, nispa.
Chaymi Tayta Diospa imaynam kamachisqanman hina Moisés ruwarqa.
Currently Selected:
Levítico 16: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
