Josué 3
3
Jordán mayuta chimpasqankumanta
1Paqarinnintin tutapaytam Josueywan Israelpa llapallan mirayninkuna, Sitim lawmanta lloqsispanku Jordán mayukama chayarurqaku, ichaqa manaraq chimpachkaspam chaypi samarurqaku. 2Kimsa punchawmantam llapa kamachikuqkuna campamentonta rispanku, 3Israelpa mirayninkunata kaynata kamachirqaku:
Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik, 4chaynapi maynintam rinaykichikta yachanaykichikpaq. Qamkunaqa manam haykapipas chay ñannintaqa purirqankichikchu. Amam Arcamanqa asuykunkichikchu, huk kilómetro qepallatam rinkichik, nispa.
5Hinaptinmi runakunata Josué nirqa:
Chuyanchakuychik, paqarinmi qayllaykichikpi admirakuypaq kaqkunata Tayta Dios ruwanqa, nispa.
6Sacerdotekunatapas kaynatam kamachirqa:
Diospa pacto ruwasqan Arcata hoqarispa runakunapa ñawpaqninta chimpaychik, nispa.
Chaymi paykuna, Diospa pacto ruwasqan Arcata hoqarispanku runakunapa ñawpaqninta rirqaku. 7Hinaptinmi Josueyta Tayta Dios nirqa:
Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku. 8Qanmi pacto ruwasqay Arca apaq sacerdotekunata kaynata kamachinki: Jordán mayupa patanman chayaruspaykichikmi yaku ukupi sayankichik, nispa.
9Chaymi Israelpa mirayninkunata Josué nirqa:
Asuykamuspa Tayta Diospa nisqankunata uyariychik. 10Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa. 11Tukuy Atiyniyuq Diospa pacto ruwasqan Arcam ñawpaqnikichikta Jordán mayuta chimpanqa. 12Chaynaqa, kunanyá Israelpa mirayninkunamanta chunka iskayniyuq runakunata akllaychik sapa ayllumanta huktakama. 13Tukuy Atiyniyuq Diospa Arcanta apaq sacerdotekuna Jordán mayuta saruykuptinkum hinallapi takyarunqa. Hanaymanta kallpamuq yakukunam qocharuspan perqa hina churakurunqa, nispa.
14Chaymi Jordán mayuta chimpanankupaq carpankumanta lloqsiptinku, Diospa Arcan apaq sacerdotekunañataq ñawpaqninkuta rirqaku. 15Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum 16hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi #3.16 Puchqo lamar qochapa sutinkunam karqa “Mar Salado, Mar del Arabá, Mar Muerto”.Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku. 17Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.
Currently Selected:
Josué 3: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Josué 3
3
Jordán mayuta chimpasqankumanta
1Paqarinnintin tutapaytam Josueywan Israelpa llapallan mirayninkuna, Sitim lawmanta lloqsispanku Jordán mayukama chayarurqaku, ichaqa manaraq chimpachkaspam chaypi samarurqaku. 2Kimsa punchawmantam llapa kamachikuqkuna campamentonta rispanku, 3Israelpa mirayninkunata kaynata kamachirqaku:
Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik, 4chaynapi maynintam rinaykichikta yachanaykichikpaq. Qamkunaqa manam haykapipas chay ñannintaqa purirqankichikchu. Amam Arcamanqa asuykunkichikchu, huk kilómetro qepallatam rinkichik, nispa.
5Hinaptinmi runakunata Josué nirqa:
Chuyanchakuychik, paqarinmi qayllaykichikpi admirakuypaq kaqkunata Tayta Dios ruwanqa, nispa.
6Sacerdotekunatapas kaynatam kamachirqa:
Diospa pacto ruwasqan Arcata hoqarispa runakunapa ñawpaqninta chimpaychik, nispa.
Chaymi paykuna, Diospa pacto ruwasqan Arcata hoqarispanku runakunapa ñawpaqninta rirqaku. 7Hinaptinmi Josueyta Tayta Dios nirqa:
Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku. 8Qanmi pacto ruwasqay Arca apaq sacerdotekunata kaynata kamachinki: Jordán mayupa patanman chayaruspaykichikmi yaku ukupi sayankichik, nispa.
9Chaymi Israelpa mirayninkunata Josué nirqa:
Asuykamuspa Tayta Diospa nisqankunata uyariychik. 10Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa. 11Tukuy Atiyniyuq Diospa pacto ruwasqan Arcam ñawpaqnikichikta Jordán mayuta chimpanqa. 12Chaynaqa, kunanyá Israelpa mirayninkunamanta chunka iskayniyuq runakunata akllaychik sapa ayllumanta huktakama. 13Tukuy Atiyniyuq Diospa Arcanta apaq sacerdotekuna Jordán mayuta saruykuptinkum hinallapi takyarunqa. Hanaymanta kallpamuq yakukunam qocharuspan perqa hina churakurunqa, nispa.
14Chaymi Jordán mayuta chimpanankupaq carpankumanta lloqsiptinku, Diospa Arcan apaq sacerdotekunañataq ñawpaqninkuta rirqaku. 15Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum 16hanaymanta kallpamuq yakukuna qocharurqa chimpanankumanta allin karu hanaypi, Saretán llaqtapa waqtanpi tarikuq Adam llaqtapa hichpanpi. Arabá lawpi #3.16 Puchqo lamar qochapa sutinkunam karqa “Mar Salado, Mar del Arabá, Mar Muerto”.Puchqo lamar qochaman riq yakuñataqmi chakinankama hina kallparqa. Chaynapim mayu hanayman urayman rakikururqa. Hinaptinmi Israelpa mirayninkuna Jericó lawman chimparurqaku. 17Tayta Diospa Arcanta apaq sacerdotekunañataqmi, Jordán mayupa chawpinpi, chaki allpapi hina sayarqaku, Israelpa mirayninkuna mayuta chimpay tukunankukama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012