Josué 2
2
Jericó llaqtaman wateqaqkunata kachasqanmanta
1 #
Heb 11.31; Stg 2.25. Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa:
Jericó llaqtatawan muyuriqninpi allpakunata qawaramuychik, nispa.
Chaymi rispanku Rahab sutiyuq chuchumika warmipa wasinman chayaruspanku chaypi samarurqaku. 2Ichaqa hukkaqninmi Jericó llaqtapa reyninman kaynata willaykurqa:
Israelpa mirayninmanta kaq runakunam allpanchikta wateqanankupaq kunan tuta hamurunku, nispa.
3Reyñataqmi Rahabta kaynata nichimurqa:
Wasikiman chayamuq runakunata hurqomuy, chay runakunaqa allpanchik wateqaqmi hamurunku, nispa.
4Rahabmi ichaqa chay iskay runakunata pakaruspan nirqa:
Chay runakunaqa cheqaptam wasiyman chayaramurqaku, ichaqa manam tapurqanichu maymantam kasqankutapas. 5Tutaykaramuptinmi llaqtapa punkunta wichqanankupaq kachkaptinku pasakurqaku. Manam yachanichu maymanmi risqankutapas. Sichum utqayman qatispaykichikqa hayparunkichikmi, nispa.
6Chay runakunataqa Rahabmi wasinpa qatanman seqarachispa linaza masasqanwan pamparurqa.
7Reypa kachasqan runakunañataqmi, Jordán mayupa vadonkunakama qatirqaku. Chay qatiqninku runakuna lloqsiruptillankum punkutapas wichqarurqaku. 8Rahabñataqmi, pakasqan runakuna manaraq puñuruchkaptinku, wasi hawanman qespiruspan nirqa:
9Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku. 10#Ex 14.21.#Nm 21.21-35.Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas. 11Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi. 12Ruegakuykichikmi, Tayta Diosraykuyá juraykuwaychik, imaynam qamkunata llakipayasqayta hina, qamkunapas aylluykunata llakipayarinaykichikpaq. Huk señaltayá qoykuwaychik, 13tayta-mamaytapas turiykunatapas ñañaykunatapas chaynataq kapuqninkunatapas libraykuspa vidaykutapas wañuymanta salvaykuwanaykikupaq, nispa.
14Hinaptinmi chay runakuna nirqaku:
Mana willakuptikiqa ñoqaykum rantikichikpi wañusaqku. Kay allpata Tayta Dios qoykuwaptinkuqa, qamtapas aylluykikunatapas cheqaptapunim kuyapayarisqaykiku, nispa.
15Rahabpa wasinqa llaqtapa murallanpi ruwasqam karqa, chaymi paykunata chay perqapa ventanantakama waskawan uraykachispan 16nirqa:
Qatimusuqnikichik runakuna mana tarirusunaykichikpaqyá orqoman pasakuspa, paykuna kutimunankukama kimsa punchaw chaypi pakakaramuychik. Chaymantañam maymi rinaykichikta pasakunkichik, nispa.
17Chaymi paykuna nirqaku:
Kay juramento ruwasqaykutaqa cumplisaqkupunim. 18Chaynaqa, ñoqayku kay allpaman yaykumuptiykum, uraykachiwasqaykiku ventanapi kay puka waskata warkunki, hinaspam taytaykita mamaykita, turi-ñañaykikunata chaynataq llapallan aylluykikunata wasikiman huñunki. 19Pipas wasikimanta hawaman lloqsispa wañuruspaqa, kikinmi wañusqanmanta huchayuq kanqa. Hina wasiki ukupi kachkaptin pipas wañurachiptinmi ichaqa ñoqayku huchayuq kasaqku. 20Sichum kay rimasqanchikta willakurunki , hinaptinqa kay juramento ruwasqaykumantam libre kasaqku, nispa.
21Chaymi Rahab nirqa:
Nisqaykichikman hinayá kachun, nispa.
Chaymantam aviaruptin paykuna pasakurqaku. Rahabñataqmi ventananta chay puka waskata warkururqa.
22Chay iskay wateqaqkunam orqoman chayaruspanku, qatimuqninku runakuna kutimunankukama kimsa punchaw chaypi pakakurqaku. Chay runakunam tukuy hinastinpi maskarqaku, ichaqa manam tarimurqakuchu. 23Hinaptinmi chay iskaynin wateqaqkuna, orqomanta uraykamuspanku, Jordán mayuta chimparuspa, Nunpa churin Josueypa kasqanman kutiruspankum paykunata tukuy imakuna pasamusqanta willakurqaku. 24Paykunam Josueyman kaynata nirqaku:
Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.
Currently Selected:
Josué 2: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Josué 2
2
Jericó llaqtaman wateqaqkunata kachasqanmanta
1 #
Heb 11.31; Stg 2.25. Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa:
Jericó llaqtatawan muyuriqninpi allpakunata qawaramuychik, nispa.
Chaymi rispanku Rahab sutiyuq chuchumika warmipa wasinman chayaruspanku chaypi samarurqaku. 2Ichaqa hukkaqninmi Jericó llaqtapa reyninman kaynata willaykurqa:
Israelpa mirayninmanta kaq runakunam allpanchikta wateqanankupaq kunan tuta hamurunku, nispa.
3Reyñataqmi Rahabta kaynata nichimurqa:
Wasikiman chayamuq runakunata hurqomuy, chay runakunaqa allpanchik wateqaqmi hamurunku, nispa.
4Rahabmi ichaqa chay iskay runakunata pakaruspan nirqa:
Chay runakunaqa cheqaptam wasiyman chayaramurqaku, ichaqa manam tapurqanichu maymantam kasqankutapas. 5Tutaykaramuptinmi llaqtapa punkunta wichqanankupaq kachkaptinku pasakurqaku. Manam yachanichu maymanmi risqankutapas. Sichum utqayman qatispaykichikqa hayparunkichikmi, nispa.
6Chay runakunataqa Rahabmi wasinpa qatanman seqarachispa linaza masasqanwan pamparurqa.
7Reypa kachasqan runakunañataqmi, Jordán mayupa vadonkunakama qatirqaku. Chay qatiqninku runakuna lloqsiruptillankum punkutapas wichqarurqaku. 8Rahabñataqmi, pakasqan runakuna manaraq puñuruchkaptinku, wasi hawanman qespiruspan nirqa:
9Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku. 10#Ex 14.21.#Nm 21.21-35.Uyarirqanikum Egipto nacionmanta lloqsimuptikichik Puka lamar qochatapas qayllaykichikpi Tayta Dios chakirachisqanta hinaspa Jordán mayupa waklaw chimpanpi kaq amorreokunapa reynin Sehontawan Ogta pasaypaqta vencerusqaykichiktapas. 11Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi. 12Ruegakuykichikmi, Tayta Diosraykuyá juraykuwaychik, imaynam qamkunata llakipayasqayta hina, qamkunapas aylluykunata llakipayarinaykichikpaq. Huk señaltayá qoykuwaychik, 13tayta-mamaytapas turiykunatapas ñañaykunatapas chaynataq kapuqninkunatapas libraykuspa vidaykutapas wañuymanta salvaykuwanaykikupaq, nispa.
14Hinaptinmi chay runakuna nirqaku:
Mana willakuptikiqa ñoqaykum rantikichikpi wañusaqku. Kay allpata Tayta Dios qoykuwaptinkuqa, qamtapas aylluykikunatapas cheqaptapunim kuyapayarisqaykiku, nispa.
15Rahabpa wasinqa llaqtapa murallanpi ruwasqam karqa, chaymi paykunata chay perqapa ventanantakama waskawan uraykachispan 16nirqa:
Qatimusuqnikichik runakuna mana tarirusunaykichikpaqyá orqoman pasakuspa, paykuna kutimunankukama kimsa punchaw chaypi pakakaramuychik. Chaymantañam maymi rinaykichikta pasakunkichik, nispa.
17Chaymi paykuna nirqaku:
Kay juramento ruwasqaykutaqa cumplisaqkupunim. 18Chaynaqa, ñoqayku kay allpaman yaykumuptiykum, uraykachiwasqaykiku ventanapi kay puka waskata warkunki, hinaspam taytaykita mamaykita, turi-ñañaykikunata chaynataq llapallan aylluykikunata wasikiman huñunki. 19Pipas wasikimanta hawaman lloqsispa wañuruspaqa, kikinmi wañusqanmanta huchayuq kanqa. Hina wasiki ukupi kachkaptin pipas wañurachiptinmi ichaqa ñoqayku huchayuq kasaqku. 20Sichum kay rimasqanchikta willakurunki , hinaptinqa kay juramento ruwasqaykumantam libre kasaqku, nispa.
21Chaymi Rahab nirqa:
Nisqaykichikman hinayá kachun, nispa.
Chaymantam aviaruptin paykuna pasakurqaku. Rahabñataqmi ventananta chay puka waskata warkururqa.
22Chay iskay wateqaqkunam orqoman chayaruspanku, qatimuqninku runakuna kutimunankukama kimsa punchaw chaypi pakakurqaku. Chay runakunam tukuy hinastinpi maskarqaku, ichaqa manam tarimurqakuchu. 23Hinaptinmi chay iskaynin wateqaqkuna, orqomanta uraykamuspanku, Jordán mayuta chimparuspa, Nunpa churin Josueypa kasqanman kutiruspankum paykunata tukuy imakuna pasamusqanta willakurqaku. 24Paykunam Josueyman kaynata nirqaku:
Tayta Diosmi lliw allpata qoykuwanchik. Llapa runakunapas ñoqanchikraykum manchakuymanta katkatatachkanku, nispanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012