Josué 15
15
Judá ayllupa allpankumanta
1Tupasqanman hinam, Judá ayllukunapa allpan karqa, haykam kasqankuman hina, Edom castakunapa allpanwan tupanakuqmanta qallarispa sur lawpi Zin sutiyuq chunniqkama. 2Sur lawman linderonmi, Puchqo lamar qochamanta qallarirqa, 3chaymantam sur lawman Acrabim wichayta hoqarikuspan Zin chunniqninta Cades-barneapa sur lawninman chayarqa; hinaspam Hezrón lawninta rispan Adarkama wicharirqa, chaymantam Carca lawman muyumurqa. 4Chaymantam Asmón lawman rispan Egipto wayqoman chayaspa Mediterráneo lamar qochapi tukurqa. Chaykamam Judá ayllupa allpan sur lawman chayarqa.
5Intipa qespimunan lawmanñataqmi chayarqa Puchqo lamar qochakama, Jordán mayupa tukupayninkama. Norte lawmanñataqmi Jordán mayupa Puchqo lamar qochapi tukupayninmanta qallarirqa, 6hinaspam Bet-hogla lawninta wicharispa Bet-arabapa norte lawninta rispan Rubenpa churin Bohanpa rumi churasqankama chayarqa.
7Chaymantam Acor qechwanta rispan Debir lawman qespirqa, hinaspam norte lawninta wayqopa sur lawninpi Adumín wichaypa chimpan Gilgalman muyumurqa, hinaspam En-semes pukyunta rispan Rogel pukyuman lloqsirqa, 8chaymantam jebuseokunapa llaqtan Jerusalenpa sur lawninpi Ben-hinom wayqonta rispan Hinom wayqopa intipa seqaykunan lawninpi orqonta qespispan Refaim wayqopa norte lawninman uraykurqa, 9chay orqomantam Neftoa pukyukunapa ñawinkama muyumurqa, hinaspam Efrón orqopi llaqtakunapa kasqankama chayaspan Baala llaqtaman kutimurqa. Baala llaqtapa huknin sutinmi karqa Quiriat-jearim.
10Baala llaqtamantam intipa seqaykunan law Seir orqoman muyumuspan Jearim orqopa waqtanta norte lawpi Quesalón llaqtakama rispa Bet-semes llaqtanta uraykuspa Timna llaqtakama chayarqa.
11Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa. 12Intipa seqaykunan lawmanñataqmi Mediterráneo lamar qochapi tukurqa. Kaykunam karqa Judá ayllupa allpankupa linderonkuna, chaytam ayllunkupi haykam kasqankuman hina partenakurqaku.
Calebpa llaqtankunamanta
(Jue 1.10-15)
13Jefonepa churin Calebmanmi tupaqninta Josué qorqa Judá ayllupa allpan ukupi. Tayta Diospa kamachisqanman hinam qorqa Anacpa taytan Arbapa hatarichisqan Quiriat-arba llaqtata. Quiriat-arbapa huknin sutinmi karqa Hebrón.
14 #
Jue 1.20. Hebrón llaqtamantam Caleb qarqorqa Anacpa kimsa churinkunata. Paykunam karqa: Sesai, Ahimán hinaspa Talmai.
15Chaymantam Debir llaqtapa contranpi Caleb rirqa. Debir llaqtapa ñawpaq sutinqa karqa Quiriat-sefermi. 16Calebmi nirqa:
Pipas Quiriat-sefer llaqtaman yaykuspa venceruqtaqa warmi churiy Acsawanmi casarachisaq, nispa.
17Hinaptinmi Cenazpa churin Otoniel vencerurqa, Cenazqa karqa Calebpa wawqenmi. Chaymi Calebqa Otonielta warmi churin Acsawan casarachirqa. 18Pusasqan punchawmi Acsata qosan Otoniel umacharqa taytan Calebmanta allinnin chakrakunata mañakunanpaq. Chaymi Asnonmanta Acsa uraykuptin taytan Caleb tapurqa:
¿Imataq pasasunki? nispa.
19Hinaptinmi Acsa nirqa:
Neguev allpata qoykuwachkaspaykiqa ama hina kaspayá pukyukunatawan qoykuway, nispa.
Chaymi hanay lawpi uray lawpi pukyukunata Caleb qoykurqa.
Judá ayllupa llaqtankunamanta
20Kaykunam Judá ayllupa allpankuna, haykam kasqankuman hina. 21Judá castakunaman tupaq llaqtakunam kaykuna karqa: Sur lawmanmi karqa, Edom nacionwan tupanakuqkama: Cabseel, Edar, Jagur, 22Cina, Dimona, Adada, 23Cedes, Hazor, Itnán, 24Zif, Telem, Bealot, 25Hazor-hadata, Queriot, Hezrón (Hezrón llaqtapa huknin sutinmi karqa Hazor), 26Amam, Sema, Molada, 27Hazar-gada, Hesmón, Bet-pelet, 28Hazar-sual, Beerseba, Bizotia, 29Baala, Iim, Esem, 30Eltolad, Quesil, Horma, 31Siclag, Madmana, Sansana, 32Lebaot, Silhim, Aín hinaspa Rimón. Llapallanmi karqa iskay chunka isqonniyuq llaqtakuna sapakama taksa llaqtankunapiwan.
33Pampakunapiñataqmi karqa: Estaol, Zora, Asena, 34Zanoa, En-ganim, Tapúa, Enam, 35Jarmut, Adulam, Soco, Azeca, 36Saaraim, Aditaim, Gedera hinaspa Gederotaim. Llapallanmi karqa chunka tawayuq llaqtakuna sapakama taksa llaqtankunapiwan kuska.
37Wakin llaqtankunam karqa: Zenán, Hadasa, Migdal-gad, 38Dileán, Mizpa, Jocteel, 39Laquis, Boscat, Eglón, 40Cabón, Lahmam, Quitlis, 41Gederot, Bet-dagón, Naama hinaspa Maceda. Llapallanmi karqa chunka soqtayuq llaqtakuna sapakama taksa llaqtankunapiwan.
42Paykunapam karqa: Libna, Eter, Asán, 43Jifta, Asena, Nezib, 44Keila, Aczib hinaspa Maresa llaqtakunapas. Llapallanmi karqa isqon llaqtakuna sapakama taksa llaqtankunapiwan.
45Paykunapataqmi karqa Ecrón llaqtapas taksa llaqtankunapiwan, 46chaynataq Asdodpa hichpanpi llaqtakunapas taksa llaqtankunapiwan, Ecronmanta qallarispa Mediterráneo lamar qochakama.
47Paykunapam karqa Asdod llaqtapas taksa llaqtankunapiwan kuska; Gaza llaqtapas taksa llaqtankunapiwan Egipto wayqokama chaynataq Mediterráneo lamar qochakama.
48Orqo lawmanñataqmi karqa: Samir, Jatir, Soco, 49Dana, Quiriat-sana otaq Debir, 50Anab, Estemoa, Anim, 51Gosén, Holón hinaspa Gilo. Llapallanmi karqa chunka hukniyuq llaqtakuna taksa llaqtankunapiwan.
52Arab, Duma, Esán, 53Janum, Bet-tapúa, Afeca, 54Humta, Quiriat-arba otaq Hebrón hinaspa Sior. Llapallanmi karqa isqon llaqtakuna taksa llaqtankunapiwan.
55Maón, Carmel, Zif, Juta, 56Jezreel, Jocdeam, Zanoa, 57Caín, Gabaa hinaspa Timna. Llapallanmi karqa chunka llaqtakuna taksa llaqtankunapiwan.
58Halhul, Bet-sur, Gedor, 59Maarat, Bet-anot hinaspa Eltecón. Llapallanmi karqa soqta llaqtakuna taksa llaqtankunapiwan.
60Quiriat-baal otaq Quiriat-jearim hinaspa Rabá. Iskay llaqtakuna taksa llaqtankunapiwan.
61Chunniq lawpiñataqmi karqa: Bet-arabá, Midín, Secaca, 62Nibsán, Kachi llaqta hinaspa En-gadi. Llapallanmi karqa soqta llaqtakuna taksa llaqtankunapiwan.
63 #
Jue 1.21; 2 S 5.6; 1 Cr 11.4. Chaywanpas Judá aylluqa manam Jerusalén llaqtapi yachaq jebuseokuna qarqoytaqa atirqakuchu. Chayraykum jebuseokunaqa Judá aylluwan kuska kunankama yachachkanku.
Currently Selected:
Josué 15: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
