Joel 3
3
Nacionkunata Dios juzgasqanmanta
1Tayta Diosmi kaynata nin:
Chay punchawkunapim,
Judá nacionpi yachaqkunatawan
Jerusalén llaqtapi yachaqkunata
preso risqankumanta kutichimusaq.
2Llapallan nacionkunatam
# 3.2 Hebreo simipi Josafat ninanqa: “Tayta Diosmi juzganqa” ninanmi. Josafat qechwaman huñurusaq.
Chaypim paykunata juzgasaq llaqtayta tukuy ima ruwasqankumanta.
Paykunam Israel llaqtayta huklaw nacionkunaman cheqerachirqaku,
hinaspankum allpaytapas partenakururqaku.
3Paykunaqa churiykunatapas sorteaspam rakinakurqaku
qari warmakunatapas huk chuchumikapaqmi cambiarurqaku;
warmi warmakunatañataqmi vinowan sinkanankupaq rantikururqaku.
4 #
Is 23.1-18; Ez 26.1—28.26; Am 1.9-10; Zac 9.1-4; Mt 11.21-22; Lc 10.13-14. #
Is 14.29-31; Jer 47.1-7; Ez 25.15-17; Am 1.6-8; Sof 2.4-7; Zac 9.5-7. ¿Tiro llaqta, Sidón llaqta, filisteokuna, imatataq qamkuna ñoqamanta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apurawman pagaykapusqaykichik. 5Qamkunaqa qori-qollqeytapas, munayllapaqña sumaq kapuqniykunatapas suwaruwaspaykichikmi temploykichikman apakurqankichik. 6Judá nacionpi yachaqkunatapas, Jerusalenpi yachaqkunatapas, allpankumanta qarqospam Grecia nacionniyuq runakunaman rantikurqankichik. 7Ichaqa maymi rantikusqaykichik nacionkunamantam paykunata hurqomusaq, hinaspaymi qamkunamanñataq merecesqaykichikta pagapusqaykichik. 8Churikichikkunatam qaritapas warmitapas Judá nacionman rantikusaq, paykunañataqmi Sabá llaqtayuq runakunamanwan mana reqsisqa nacionkunaman rantikunqaku. Tayta Diosmi chaynata nin.
9Nacionkunaman kayta willakamuychik:
¡Guerra! nispa qapariychik,
allinnin qari-qari soldadokunata qayamuychik,
Guerrapi peleanankupaq asuykamuchunku.
10 #
Is 2.4; Miq 4.3. Rejaykichiktapas espadamanña tikraychik,
rutunaykichiktapas lanzamanña tikraychik,
umpu runapas kallpayuqpaqña hapikuchun.
11Muyuriqpi nacionkuna huñunakuspa hamuychik.
Dios Taytalláy, qampas allinnin qari-qari soldadoykikunata chayman pusamuy.
12Nacionkuna rikchariychik,
Josafat qechwaman riychik.
Tayta Diosmi chaypi tiyaykuspan
muyuriqninpi llapa nacionkunata juzganqa.
13 #
Ap 14.14-16. #
Ap 14.19-20; 19.15. Chaynaqa, rutunaykichikta hapispa rutuychik,
rutuy tiempom chayaramun;
uraykamuychik, uvas saruna uchkukunam huntarun,
vino chaskina baldekunam huntarun;
llumpaymi llapa mana allin ruwayninkuqa.
14Nacionkunata Diospa juzganan qechwapim
nana-nanaq runakuna tarikun,
Diospa castiganan punchawmi hichpaykamuchkanña.
15Intipas killapas tutayarunqam,
chaskakunapa kanchayninpas chinkarunqam.
16 #
Am 1.2. Tayta Diosmi Sión moqomanta qaparimunqa,
Jerusalenmantam rimasqan uyarikunqa,
cielokunapas kay pachapas katkatatanqam;
chaywanpas Tayta Diosmi churinkunataqa waqaychanqa,
paytaqmi Israel castakunapa kallpanpas kanqa.
Judá nación bendecisqa kananmanta
17Chaynapim yachankichik Dios Taytaykichik kasqayta,
hinaspa sapaqchakusqay Sión moqopi yachasqayta.
Jerusalenpas chuya llaqtam kanqa,
manañam haykapipas huklaw llaqtayuq runakunaqa munaychakunqakuñachu.
18Chay tiempokunapiqa orqokunapas
vinotam pullpurimunqa,
moqokunamantapas lechem lloqllarimunqa,
Judá nacionpa llapa yarqankunatapas
achkallaña yakukunam kallpanqa;
Tayta Diospa templonmantapas yaku lloqsispanmi
Sitim llaqtapa qechwankunata parqonqa.
19Egipto nacionpas purmachisqam kanqa,
Edom nacionpas mana imapa kanan chunniqñam kanqa;
Judá runakunata ñakarichispanku allpanpipas
inocente runakunapa yawarninta chaqchusqankurayku.
20Judá nacionwan Jerusalenmi ichaqa
runakunapa wiñaypaq yachanan kanqa.
21Ñoqa Tayta Diosmi
manaraq mayllasqaykunapa yawarninta mayllaykusaq,
hinaspaymi Sión moqopi yachakusaq.
Currently Selected:
Joel 3: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
