Jueces 2
2
Boquim lawman Tayta Diospa angelnin risqanmanta
1Gilgal llaqtamanta Boquim lawman Tayta Diospa angelnin rispanmi Israelpa mirayninkunata nirqa:
Ñoqam Egipto nacionmanta hurqomurqaykichik, hinaspam ñawpaq taytaykichikman prometispa qosqay allpaman pusamurqaykichik. Paykunamanmi nirqani: “Qamkunawan pacto ruwasqaytaqa manam yanqachasaqchu, 2#Ex 34.12-13; Dt 7.2-5.ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik? 3Chayraykum nikichik: “Chay runakunataqa manam qayllaykichikmanta qarqosaqchu, paykunam qamkunapaq sasachakuy qosuqnikichik kanqa, diosninkupas wichichiqnikichikmi kanqa”, nispa.
4Tayta Diospa angelnin chaynata niruptinmi Israelpa mirayninkuna qaparispa waqarqaku. 5Chayraykum chay lugarta #2.5 Hebreo simipi Boquim ninanqa “waqaqkuna” ninanmi.Boquimwan suticharqaku, hinaspam animalkunata wañuchispa Tayta Diosman ofrecerqaku.
Josueypa wañukusqanmanta
(Jos 24.29-31)
6Runakunata Josué aviaruptinmi Israelpa mirayninkuna, tupaqninku allpaman sapakama pasakurqaku. 7Josueypa kawsanankamaqa chaynataq wiñaymasin ancianonkunapas kawsanankamaqa, Israel runakunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta. 8Tayta Diospa serviqnin Nunpa churin Josueymi pachak chunka watanpiña wañukurqa. 9#Jos 19.49-50.Hinaptinmi Timnat-sera law allpapi pamparurqaku, Efraín law orqonpi, otaq Gaas orqopa norte lawninpi. 10Josueypa wiñaymasinkunapas, ñawpaq taytanku hina wañukuptinkum paykunapa qepanta huk miraykunaña nacemurqa, paykunaqa manam Tayta Diosta reqsirqakuchu, nitaqmi Israelpa mirayninkunapaq Tayta Diospa imakunam ruwasqantapas yacharqakuchu.
Israel runakuna Tayta Diosta qepanchasqankumanta
11Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku. 12Ñawpaq taytankupa, Egipto nacionmanta hurqomuqninku Tayta Diosta saqeruspankum, idolokunataña qatispanku muyuriqninkupi runakunapa diosninkutaña yupaycharqaku, chaynapim Tayta Diosta piñachirqaku. 13Tayta Diosta qepanchakuruspankum Baal chaynataq Astarot idolokunataña yupaycharqaku. 14Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu. 15Sapa kuti guerraman riptinkupas Tayta Diosmi paykunapa contranpi karqa, ñawpaqmantaraq juraspa nisqanman hina.
Ichaqa chaynataña ñakarichichkaspanpas, 16Tayta Diosqa kamachikuqkunatam hatarichirqa suwakunamanta librananpaq. 17Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku. 18Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa. 19Kamachiqninku wañuruptinqa kasqallanmi huchallikuyta qallaykuqku, hinaspam ñawpaq taytankumantapas aswan penqakuypaq kaqtaraq ruwaqku. Idolokunataña servispankum qonqoraspa yupaycharqaku. Manam wanakuqkuchu mana allin ruwayninmantawan rumi sonqo kayninkumantaqa. 20Chaymi Israel runakunapa contranpi Tayta Dios piñakuruspan nirqa:
Kay runakunaqa ñawpaq taytankuwan pacto ruwasqayta qepanchaspam nisqaykunatapas mana kasukunkuchu, 21chayraykum ñoqapas mana qarqosaqchu Josueypa mana qarqosqan nacionkunataqa, nispa. 22Chay nacionkunawanmi Israelpa mirayninkunata Tayta Dios pruebarqa, chaynapi kasukusqankuta otaq mana kasukusqankutapas yachananpaq, ñawpaq taytankuqa paypa munasqanman hinam kawsarqaku.
23Chayraykum Tayta Diosqa chay nacionniyuq runakunata saqerurqa, manam chayllaqa qarqorurqachu, Josueywanpas manataqmi qarqochirqachu.
Currently Selected:
Jueces 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012