Isaías 9
9
Mesiaspa nacenanmanta
1 #
Mt 4.15. Chaywanpas ñakariqkunapaqqa manam tutayayllachu kanqa. Ñawpaq tiempokunapim Neftalí ayllutawan Zabulón aylluta Tayta Dios ñakarichirqa. Hamuq tiempokunapiñataqmi, lamar qochaman rina ñanpa chaynataq Jordán mayupa waklawninpi kaq Galileata, gentil runakunapa kananta, ancha reqsisqata ruwanqa.
2 #
Mt 4.16; Lc 1.79. Tutayaypi kawsaqkunam hatun achkiyta rikuykunku,
llumpay tutayaypi yachaqkunamanmi achkiy kanchariykun.
3Runakunata mirachispaykim
kusikuywan sonqonkuta huntaykunki.
Chayraykum cosecha tiempopi hinaraq,
guerrapi ganakamusqankuta rakinakuqkuna hinaraq
qampa qayllaykipi kusikunqaku.
4Qanmi llasaq yugota pakipachkaq hina
ñakarichiqninkumanta libraykurqanki,
hombronkupi kaspita pakipachkaq hinam
ñakarichiqninkuta vencerurqanki.
Chaynataqa ruwarqanki Madián llaqtata ruwasqaykita hinam.
5Guerrapi peleaptinku tropakunapa bullallaña ruwaq zapatonkupas,
chaynataq yawarwan qachachasqa pachankupas,
lliwmi ninawan rupaspa tukurunqa.
6Wawam nacerapuwanchik,
churitam Tayta Dios qoykuwanchik,
munaychakunanpaqmi atiyta qoykun.
Paytam sutichanqaku: Admirakuypaq,
allin Consejakuq, Tukuy Atiyniyuq Dios,
Wiña-Wiñaypaq Yaya,
hinaspa Hawkayayta Qokuq, nispa.
7 #
Lc 1.32-33. Rey Davidpa trononmantam kamachikunqa,
munaychakuyninpa atiyninmi tukuy hinastinman chayanqa,
munaychakuyninpiqa hawkayaypas manam tukunqachu,
munaychakuyninqa wiña-wiñaypaqmi takyanqa.
Mana pimanpas sayapakuspam kamachikunqa,
allin arreglokunawanmi munaychakunqa,
kunanmanta wiña-wiñaykama.
Tukuy Atiyniyuq Tayta Diospa kuyakuyninmi chaytaqa ruwanqa.
Israelpa contranpi Dios piñakusqanmanta
8Tayta Diosmi Jacobpa contranpi rimarirqa,
chay rimaymi Israel nacionman chayarqa,
9Chaytaqa llaqtantin runam yachanqa.
Efrainpiwan Samariapi yachaqkunam,
pay tukuspanku,
hatun tukuspanku kaynata ninku:
10Ladrillo perqakuna wichiruptinpas
llaqllasqa rumikunawanraqmi perqasaqku,
sicomoro qerukunata kuchuruptinkupas
cedromanta qerukunataraqmi churasaqku, nispa.
11Ichaqa Tayta Diosmi hatarichinqa
Rezinpa contranpi enemigonkunata,
Paymi atacanankupaq enemigonkunata
hatarichimunqa.
12Intipa qespimunan lawmantam Siria runakuna,
intipa seqaykunan lawmantam filisteokuna
Israel llaqtata siminku huntata millpururqaku.
Chaywanpas Tayta Diosqa hinallam piñasqa kachkan,
atiyninpas hinallam castigananpaq kachkan.
13Chaywanpas paykunaqa manam castigaqninku Diosmanqa
kutirikurqakuchu,
Tukuy Atiyniyuq Tayta Diostapas manam maskarqakuchu.
14Chaymi Tayta Diosqa,
animalpa umantawan, chupanta kuchuchkaq hina,
palmera sachata kuchuchkaq hina,
totora plantata rutuchkaq hina,
huk punchawllapi Israel nacionta kuchurunqa.
15Ancianokunapiwan reqsisqa runakunam
chay animalpa uman hina,
mana cheqap kaqta willakuq profetakunañataqmi
chay animalpa chupan hina.
16Kayna kamachikuqkunam llaqtata pantarachin,
kamachisqan runakunañataqmi pantaypi rikurirun.
17Chaymi Señorqa mana llakipayanqachu
jovenkunatapas, viudakunatapas,
mana tayta-mamayuqkunatapas,
llapallanku millakuypaq llullallaña kasqankurayku,
chaynataq yanqakunata rimaq kasqankurayku.
Chaywanpas Tayta Diosqa,
hinallam piñasqa kachkan atiyninwan castigananpaq.
18Mana allinqa, tukuy rikchaq kichkakunata qorakunata ratachkaq nina hinam,
monte sachakunatapas ruparuptinmi
chusñankunapas qosninpa chawpinta
muyurispa-muyurisparaq wichayman hoqarikun.
19Tukuy Atiyniyuq Tayta Dios piñakusqanraykum
lliw nacionkuna rupachkan,
runakunañataqmi ninapaq yanta hina kachkan.
Runakunaqa runamasinta
mana kuyapayarikuqñam kachkanku.
20Runaqa alleq lawpi mikuchkaspapas manam saksanchu,
ichoq lawpi mikuchkaspapas hinallam yarqaymanta,
churinkuta mikuchkaspapas manam contentankuchu.
21Manasesmi Efrainta tuñichin
Efrainñataqmi Manasesta wichichin,
iskayninñataqmi
Judá ayllupa contrapi hatarinku.
Chaywanpas Diosqa,
hinallam atiyninwan castigananpaq kachkan.
Currently Selected:
Isaías 9: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012