Isaías 8
8
Isaiaspa churinmanta
1Tayta Diosmi niwarqa:
Runakuna leenanpaq hina hatun letrakunawan tablapi qellqay #8.1 Hebreo simipi Maher-salal-hasbazninanqa “Chaypunilla saqueaspa chinkachiychik” ninanmi.“Maher-salal-hasbaz” niqta. 2Chaytaqa ruwanki sacerdote Uriastawan Jeberequiaspa churin Zacariasta cheqap testigokuna kanankupaq hapiykuspam.
3Chaymantam profetisa warmiywan puñururqani, hinaptinmi wiksayakuruspan huk qari wawata wachakururqa. Chaymi Tayta Dios niwarqa:
Chay wawata Maher-salal-hasbazwan sutichay. 4Manaraq chay wawa “taytay” otaq “mamay” nispa rimayta yachachkaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa. 5Huktawanmi Tayta Dios kaynata niwarqa:
6Siria nacionpa reynin Rezinwan kusikuspanku,
Remaliaspa churin rey Pekawan kusikuspanku,
qasillalla kallpaq Siloé yakuta kay runakuna wischupakusqankuraykum,
7Tayta Dios kamachimunqa llimparichkaq Eufrates mayuta,
chay mayuqa Asiria nacionpa reyninpa atiyninmi,
paymi llimparichkaq mayu hinaraq mastarikuspan
haypasqanta patan-patan tuytunqa,
8Judá nacionmanpas chayaspanmi kunka kuchunkamaraq huntaykunqa,
mastarikuspanñataqmi patan-patan haypaykunqa.
¡Emanuel! Llaqtaykiqa ankapa raprawan pakaykusqa hinam kanqa, nispa.
9Nacionkuna huñunakuspa kayta uyariychik,
karu llaqtakunapi llapallan runakuna, kayta uyariychik:
Armaykichikta alistakuspapas sasachakuypim rikurinkichik,
arí, chaynata ruwaspaykichikpas sasachakuypim tarikunkichik.
10Tanteanakusqaykichikpas manam ruwasqachu kanqa,
rimanakuptikichikpas manam cumplikunqachu,
ñoqaykuwan Tayta Dios kasqanrayku.
Diosta kasukunamanta
11Tayta Diosmi llumpayta hapiykuwaspan kunawarqa, kay runakunapa kawsasqanman hina mana kawsanaypaq. Paymi kaynata niwarqa:
12Kay runakunaqa “kamachikuqpa contranpim hoqarikuchkanku” nisqakutaqa amayá “kamachikuqpa contranpi hoqarikuymi” niychikchu. Paykunapa manchakusqantaqa ama manchakuychikchu. 13#1 Pe 3.14-15.Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas. 14Paymi yupaychananku kanqa. Iskaynin nacionkunapaqmi, haytakunanku hinaspa urmachiqninku rumi hina kanqa; Jerusalén llaqtapi yachaqkunapaqmi, wichichiqninku trampa hina kanqa. 15#1 Pe 2.8.Achkaqmi haytakuspa wichiykunqaku, hinaspam wañunqaku. Achkaqmi chay toqllaman wichiykuspa chaqnasqa kanqaku.
Discipulonkunata Isaías kunasqanmanta
16Isaiasmi discipulonkunata nirqa:
Yachachisqaykunata pakasqata hatalliychik,
yachachikuykuna qosqayta allinta waqaychaychik.
17 #
Heb 2.13. Jacobpa mirayninkunataña Tayta Dios pakakuptinpas,
ñoqaqa payllapim hapipakusaq,
payllapim suyasaq.
18 #
Heb 2.13. Ñoqaqa Tayta Diospa qowasqan churiykunapiwanmi
Israel nacionpaq señal kaniku,
Sión moqopi yachaq Tukuy Atiyniyuq Tayta Diospa churaykuwasqankuman hina.
19Sichum runakuna nisunkichik:
Espiritistakunata qayakuychik,
wachachachaspa upallallamanta rimaq espirituyuqkunata qayakuychik,
¿runakunaqa manachum diosninkuta tapukunmanku?
¿Kawsaqkunaqa manachum wañuqkunapa almanta tapukunmanku? nispanku.
20¡Manam chaynataqa ruwanaychikchu!
aswanqa Diospa yachachikuynintayá tapukuychik,
Diospa kamachikuynintayá tapukuychik.
Chaykunaman hina mana rimaspankuqa tutayayllapiraqmi kachkanku.
21Ñakarichisqa chaynataq yarqaymanta kaspankum
runakuna kayman chayman purinqaku.
Yarqayninkuraykum llumpayta piñakuspanku
reyninkutawan Diosninkuta ñakanqaku,
altokunatam piñasqallaña qawanqaku.
22Pampata qawarispankuñataqmi,
ñakariytawan tutayayllata,
pasaypaq tutayaytawan sasachakuyllata rikunqaku,
hinaspam pasaypaq tutayayllapi kawsanqaku.
Currently Selected:
Isaías 8: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012