Isaías 63
63
Diospa vengakunan punchawmanta
1 #
Is 34.5-17; Jer 49.7-22; Ez 25.12-14; 35.1-15; Am 1.11-12; Abd 1-14; Mal 1.2-5. ¿Pitaq wak Edom lawmanta, Bosra lawmanta
pukankama pachayuq hamuchkan?
¿Pitaq wak allin pachasqa qari-qarillaña hamuchkan?
Ñoqa cheqap rimaq Tayta Diosmi hamuchkani,
atiyniywan salvaqmi hamuchkani.
2¿Imaynanpitaq pachaykiqa puka?
¿Imaynanpitaq uvas saruqpa pachan hinaqa kachkan?
3 #
Ap 14.20; 19.15. #
Ap 19.13. Arí, ñoqaqa sapallaymi saruna uchkupi uvasta sarumurqani,
manam pipas yanapawarqachu,
ancha rabiasqam sarumurqani,
ancha piñasqam llenqamurqani.
Yawarninkum pachayman pawaykamuwan,
chaymi pachayta lliw qachacharamuwan.
4Vengakunay punchawmi chayaramunña,
llaqtayta reclamanay punchawmi chayaramunña.
5 #
Is 59.16. Qawariptiyqa manam pipas yanapaqniy karqachu,
mana pipas kallpanchaqniy kasqanraykum admirakurqani.
Atiyllaymi vencechiwarqa,
Piñakuyllaymi kallpanchawarqa.
6Piñakuywanmi llaqtakunatapas saruparqani,
rabiakuyniywanmi paykunataqa sinkachirqani,
yawarninkutapas pampamanmi chaqchurqani.
Israelpaq Diospa kuyapayakuyninmanta
7Tayta Diospa kuyakuyninmantam willakusaq,
ñoqanchikrayku tukuy ima ruwasqankunata yuyarispam,
Israelta tukuy imapi bendecisqanta yuyarispam,
llakipayakuyninman hina ruwasqanmanta yuyarispam,
llumpay kuyapayakuyninta yuyarispam takisaq.
8Tayta Diosmi nirqa: “Cheqaptapunipas llaqtayqa
mana llullakuq churiykunam”, nispa.
Chayraykum paykunata salvarqa.
9Runankunapa ñakarisqankunatam paypas ñakarirqa.
Manam huk angelchu nitaqmi hukkaqnin kachamusqanchu paykunataqa salvarqa,
aswanqa kikin Diosmi salvarqa.
Diosmi kuyakuyninpi llakipayaspan paykunataqa reclamarqa,
hoqarispanmi paykunataqa marqayninpi aparqa,
chaynallatam tukuy tiempo ruwarqa.
10Paykunam ichaqa mana kasukuspanku
Chuya Espiritunta llakichirqaku;
chayraykum enemigonku hina rikurispa
paykunapa contranpiña pelearqa.
11Moisesmantawan llaqtanmanta yuyarispankum tapunakurqaku:
¿Maypitaq kachkan lamar qochamanta
michiqninkunatawan ovejankunata salvaq Diosqa?
¿Maypitaq kachkan Moisesman Chuya Espirituta qoq Diosqa?
12 #
Ex 14.21. ¿Maypitaq kachkan Moisesta yanapananpaq
admirakuypaq atiyninta kachamuqqa?
¿Maypitaq kachkan llaqtanpa qayllanpi
lamar qochata kichariqqa?
¿Maypitaq kachkan wiñaypaq reqsisqa kananpaq chaykunata ruwaqqa?
13¿Maypitaq kachkan llaqtanta lamar qocha ukunta pusamuqqa?
¿Maypitaq kachkan caballota hina chunniqninta mana urmachispa llaqtanta pusamuqqa? nispanku.
14Tayta Diospa Espiritunmi paykunata,
pampaman uraykuq animalta hina michirqa.
Diosnilláy, chaynatam llaqtaykita pusarqanki,
chaynatam sutikitapas ancha reqsisqata ruwarqanki.
Diospa yanapakuynin mañakunamanta
15Dios Taytalláy, hanaq pacha
suma-sumaq chuya wasikimanta qawarimuy.
¿Maypitaq kachkan atiynikiwan kuyakuynikiqa?
¿Maypitaq kachkan allin sonqo kaynikiqa?
¿Llakipayakuynikichu ñoqaykupaq tukurun?
16¡Qanmi taytayku kanki!
Taytayku Abrahamña qonqawaptinkupas,
taytayku Jacobña saqewaptinkupas,
Dios Taytallayku qanmi Taytayku kanki,
wiñaymanta wiñaykama libraqniykum kanki.
17Dios Taytalláy,
¿imanasqataq ñannikimanta kachaykuwaspaykiku
sonqoykuta rumiyarachinki manaña qamta manchakunaykupaq?
Serviqniki Israelpa mirayninkunaraykuyá kutimuwayku.
18Sapaqchasqayki runaykikunaqa
manam unaychu allpaykupi yacharqaniku,
chuya wasikitapas enemigoykum sarutyarunku.
19Qampa mana haykapipas munaychakusqayki hinam kachkaniku,
manaña haykapipas sutikiwan sutichasqa hinam kachkaniku.
Currently Selected:
Isaías 63: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012