Isaías 53
53
1 #
Ro 10.16. #
Jn 12.38. ¿Pitaq willakusqaykuta cheqapmi nirqa?
¿Pimantaq atiyninta Tayta Dios rikuchirqa?
2Serviqninmi chaki allpapi sapichakuq plantapa ikllipan hina
Diospa qayllanpi wiñanqa.
Rikchayninpas sumaq kayninpas manam kuyayllapaqñachu karqa,
qawariptinchikqa rikchayninpas manam munayllapaqñachu karqa,
chaynapi kuyananchikpaq.
3Runakunapapas wischupakusqan qepanchasqan runam karqa,
nanaypa huntasqan runam karqa,
ñakariypa intuykusqan runam karqa,
runakunapapas mana rikuy munasqankum karqa,
paytaqa manam kaqpaqpas hapirqanchikchu.
4 #
Mt 8.17. Chaywanpas onqoyninchikkunatam payqa aparqa,
nanayninchikkunatam payqa ñakarirqa,
ñoqanchikqa Diospuni chaynata ñakarichisqantam nirqanchik,
Diospuni chaynata castigaspa ñakarichisqantam piensarqanchik.
5 # 1 Pe 2.24. Mana kasukusqanchikmantam tuksipasqa karqa,
huchanchikkunaraykum chamchapasqa karqa,
hawkayayta qowananchikpaqmi ñakarichisqa karqa,
heridasqa kasqanwanmi hampisqa karqanchik.
6 # 1 Pe 2.25. Ovejakuna hinam chinkarurqanchik,
sapakamam munasqanchikman pasakurqanchik,
ichaqa Tayta Diosmi huchanchikta payman qepiykachirqa.
7 #
Ap 5.6. Ñakarichiptinkupas uchuychakuykuspam mana kutipakurqachu,
nakanapaq carnerota hinam wañuchinankuman aparqaku,
millwan rutuchikuq oveja hinam ñakarichiqninkunapa qayllanpi
simillanta wichqaykuspan mana imatapas rimarirqachu.
8 #
Hch 8.32-33. Yanqamanta tumpaspam sentenciarqaku,
manam pipas nanachikurqachu,
paymantaqa manam pipas llakikurqachu.
Kay pachamantam chinkarachirqaku,
llaqtaypa huchanmantam wañurachirqaku.
9 # 1 Pe 2.22. Mana ima huchayuq kachkaptinpas,
llullakuyta siminpi mana tarichkaspankupas,
mana allin runakunapa chawpinpim wañurachirqaku,
mana allin runakunatawan kuskatam pamparurqaku.
10Tayta Diosmi sinchi nanaywan ñakarichirqa,
huchanchikkunaraykum vidanta ofrendata hina wañuyman churaykurqa,
ichaqa unay watakunam kawsakunqa,
mirayninkunatam rikunqa,
Tayta Diosmi paynintakama munasqanta ruwanqa.
11Ñakarisqanpa rurunta qawaspam sinchita kusikunqa;
Tayta Diospa serviqninmi achkaqta mana huchayuqtaña ruwanqa,
paykunapa mana allin ruwasqankutam apanqa.
12 #
Mr 15.28; Lc 22.37. Chayraykum ancha reqsisqakunapa chawpinpi payta churasaq,
atiyniyuqkunawanmi guerrapi qechusqanta rakinakunqa.
Chaynataqa ruwanqa
vidanta wañunankama qoykusqanraykum,
huchasapakunawan hukllawasqa kasqanraykum,
achkaqpa huchankunata qepikuykusqanraykum
huchasapakunapaq mañakusqanraykum.
Currently Selected:
Isaías 53: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012