Isaías 52
52
Jerusalén librasqa kananmanta
1 # Ap 21.2, 27. ¡Sión llaqta rikchariy!
¡Atiywan pachakuy!
¡Chuyanchasqa Jerusalén llaqta,
suma-sumaq pachaykiwan churakuy!
Manañam haykapipas mana iñiq
huchasapa runakunaqa yaykumusunkiñachu.
2¡Jerusalén llaqta hatariy!
¡Hawaykipi allpata taspikuy!
¡Kamachikunaykipaq tronoykipi tiyay!
¡presochasqa sipas kaqlla Jerusalén llaqta,
ñakarichisuqniki cadenata kunkaykimanta hurqokuy!
3Tayta Diosmi kaynata nin:
Qamkunaqa mana imallapaq rantikusqam karqankichik,
mana qollqellawantaqmi kutichimusqapas kankichik, nispa.
4Chaymi Tayta Dios nirqa:
Ñawpaqtam Egiptoman llaqtay rirqa,
hinaspam chaypiña yacharqa;
chaymantam Asiriañataq yanqamanta ñakarichirqa, nispa.
5 #
Ro 2.24. Kunanñataqmi Tayta Dios kaynata nin:
¿Imatataq kaypi ruwani llaqtayta yanqamanta preso apasqankuta qawaspay?
Paykunapi munaychakuqkunam qaparkachachinku,
mana tukuytam sapa punchaw kamiwanku, nispa.
6Chay punchawpim sutiyta llaqtay reqsinqa,
kikiypunim rimasqayrayku chaypi tarikusaq.
7 #
Nah 1.15; Ro 10.15; Ef 6.15. ¡Mayna kuyayllapaqmi orqonkunata hamuptin
allin musoq noticia willakuqpa chakinkunaqa,
payqa hawkayaymantam willakun,
payqa allin noticiatam willakun,
payqa salvacionmantam willakun.
Payqa Sión llaqtatam nin:
“Diosnikiqa munaychakuq Reymi”, nispa!
8Uyariychik, llaqta waqaychaqkunam qaparichkanku,
kusikuymantam chulla runa hinalla qaparichkanku,
Sión llaqtaman Tayta Diospa kutimusqanta kikinkupuni qawaspankum qaparichkanku.
9Jerusalén llaqtapa tuñichisqa perqankuna kusikuymanta qapariychik,
Tayta Diosmi llaqtanta llakipayariykun,
Jerusalén llaqtatam libraykun.
10Tayta Diosmi atiyninta llapallan nacionkunaman qawarichin,
tukuy hinastinpi kaqkunam Diosninchik salvawasqanchikta yachanqaku.
11 # 2 Co 6.17. ¡Babilonia llaqtamanta utqayman lloqsiychik,
millakuypaq kaqkunataqa ama llapchaychikchu!
¡Paykunapa chawpinmanta lloqsiychik,
Diospa servicionkunata apaqkuna chuyanchakuychik!
12Manam kallpayllachu lloqsinkichikqa,
nitaqmi ayqechkaq hinachu ripunkichikqa,
aswanqa Tayta Diosmi ñawpaqnikichikta rinqa,
hina kikintaqmi qepaykichiktapas hamunqa.
Tayta Diospa serviqnin ñakarispa vencesqanmanta
13Serviqniyqa ima ruwasqanpipas vencenqam,
payqa ancha hatunchasqam kanqa,
payqa ancha reqsisqam kanqa,
altoman hoqarisqam kanqa.
14Uyallanpas pasaypaq manaña reqsipay kasqanta qawaspankum,
manaña runamanpas rikchakusqanta qawaykuspankum achkaq admirakurqaku,
15 #
Ro 15.21. chaypim achka nacionkunapas hukmanyanqakuraq,
reykunapas qawaykuspankum mana ima rimaytapas atinqakuchu,
mana haykapipas rikusqankutam rikunqaku,
mana haykapipas uyarisqankutam entiendenqaku.
Currently Selected:
Isaías 52: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012