Isaías 4
4
1Chay tiempopim qarikuna asllaña qepanqaku,
hinaptinmi qanchis warmikuna
chullalla qarita qechunakuspa ninqaku:
“Ñoqaykum mikunaykutapas maskakusaqku
hinaspa pachaykutapas ruwakusaqku,
qosaykuñayá kaykuy sutikita apanaykupaq,
chaynapi amaña penqaypi kanaykupaq”, nispanku.
Jerusalén hawkayaypi kananmanta
2Chay tiempopim Tayta Diospa ikllichisqan runa kanqa
suma-sumaq kuyayllapaq,
Israelpa mirayninkunamanta puchuqkunapa
alabakunankupaqmi kanqa.
Allpankupa rurun cosechasqankum
hatunchakuspa alabakunankupaq kanqa.
3Sión llaqtapi puchuqkunatam,
Jerusalén llaqtapi qepaqkunatam
Diospaq sapaqchasqawan sutichanqaku.
Chaynataqa sutichanqaku
Jerusalén llaqtapi kawsaqkunamanta listasqakunatam.
4Señorqa castigananpaq sentenciaspanmi
Sionpi yachaqkunata qachankunamanta chuyanchanqa,
Jerusalentam yawar chaqchusqanmanta mayllanqa.
5Tayta Diosmi unanchanqa,
Sión moqopi yachaqkunapa hawanpi,
chaypi huñunasqa llaqtapa hawanpi,
punchawpi rupaypaq yana puyuta,
tutayaypi kanchananpaqñataq lenwachkaq ninata.
Chaynapim Tayta Diospa atiyninqa,
llaqtanta toldo hina qataykunqa,
6paykunataqa ramada hinam
punchawpi rupaymanta llantuykunqa,
paramantawan sinchi wayramantam harkaykunqa.
Currently Selected:
Isaías 4: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012