Isaías 35
35
Jerusalén llaqtaman kutimuqkunamanta
1Chunniqpi chaki allpapas llumpaytam kusikunqa,
kusikuspam rosas hinaraq waytarinqa.
2Sumaqta waytaspam kusikunqa,
kusikuymantam qaparinqa;
kuyayllapaq kayninmantam hatunchasqa kanqa,
Líbano montepas, Carmelo orqopas,
Sarón pampapa hatunchasqa kasqanta hina;
chaypim paykuna,
Tayta Diospa atiyniyuq kayninta rikunqaku.
3 #
Heb 12.12. Wañunayaqkunatayá kallpanchaychik,
pisipasqakunatayá kallpanchaychik.
4Hukmanyasqa sonqoyuqkunatayá niychik:
Kallpanchakuspa ama manchakuychikchu,
Diosnikichikmi salvasunaykichikpaq kaypi kachkan,
enemigoykichikkunatam imam ruwasqankuman hina castiganqa.
5Chaymi ñawsakuna qawarikunqa,
mana uyariqkunam uyarikunqa.
6 #
Mt 11.5; Lc 7.22. Wistukunam luwichu hinaraq pawaykachanqaku,
mana rimaqkunam sumaqllataña qaparinqaku;
yakukunam chunniqpi toqyanqa,
chaki allpakunapim mayukuna kallpanqa.
7Chaki allpam qochaman tikrakunqa,
chaki allpamantam yakukuna toqyanqa.
Atoqkunapa puñunanpipas,
pastokunawan soqoskuna hinaspa totorakunañam wiñanqa.
8Chaynintam hatun ñan rinqa,
Diospaq sapaqchasqa ñanwanmi sutichanqaku.
Huchasapakunaqa manam chaynintaqa purinqachu,
mana yuyayniyuqkunaqa manam chaynintaqa purinqachu
Diospuni paykunawan kasqanrayku.
9Chaypiqa manañam leonkunapas kanqachu,
tukuy rikchaq purun animalkunapas manañam purinqachu,
chay ñannintaqa salvasqakunallañam hamunqaku.
10Tayta Diospa librasqankunallam chay ñannintaqa kutimunqaku,
kusikuy qapariyllawanñam Sión llaqtaman yaykunqaku,
llakikuywan waqakuypas tukunqañam.
Currently Selected:
Isaías 35: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012