Oseas 6
6
Israel yanqalla wanakuq tukusqanmanta
1Israelpa mirayninkunam nirqaku:
Hamuychik, Tayta Diosman kutirikusun.
Paymi llikiparuwarqanchik
paytaqmi hampiykuwasunpas;
paymi heridaruwarqanchik
paytaqmi sanoyaykachiwasunpas.
2 #
Lc 24.46; 1 Co 15.4. Iskay punchawmantam kawsarichiwasun,
kimsa punchawmantañataqmi hatariykachiwasun,
hinaptinmi paypa qayllanpi kawsakusun.
3Tayta Diosta reqsiypi kallpanchakusun,
tutapay inti kancharimuq hinaraqmi
payqa ñoqanchikman lloqsirimunqa.
Yapuy parawan poqoy para hinraqmi
ñoqanchikman chayaykamunqa, nispanku.
4Tayta Diosñataqmi nirqa:
Efraín llaqta ¿imatataq qanwan ruwasaq?
Judá llaqta ¿imatataq qanwan ruwasaq?
Qamkunapa kuyakuynikichikqa
tutapay puyu hina chinkaruqllam,
tutapay sulla hina waspiruqllam.
5Chayraykum qamkunataqa
profetaykunawan qaqchachirqaykichik,
rimayniywanmi wañuchirqaykichik.
Justicia ruwayniyqa
achkiy hinam lloqsimunqa.
6 #
Mt 9.13; 12.7. Sacrificiota qowanaykichikmantaqa
kuyawanaykichiktam munani.
Animalkunata ofrecewanaykichikmantaqa
reqsiwanaykichiktam munani.
7Paykunaqa Adán hinam pacto ruwasqayta mana kasukunkuchu.
Chaynapim ñoqata qepanchawanku.
8Galaad llaqtaqa suwakunapa kananmi
yawar chaqchuyllam chaypiqa.
9Sacerdotekunapas wateqaq suwakuna hinam,
Siquem llaqtaman rina ñanpi huñunakuruspam
runakunata wañuchinku,
paykunaqa penqaypaq kaqkunatam ruwanku.
10Israel llaqtapim millakuypaq kaqkunata rikurqani,
chaypim Efraín waqllikurun,
chaypim Israel millakuypaq huchawan inturachikun.
11Judá, qampaqpas piñakuyniyqa kachkanñam,
ichaqa chayamunqam punchaw llaqtayta cheqesqa kasqanmanta
allpanman kutichimunaypaq.
Currently Selected:
Oseas 6: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
