Oseas 5
5
Israel castigasqa kananmanta
1Sacerdotekuna kayta uyariychik,
Israelpa mirayninkuna chaylla uyariychik,
reypa mirayninkuna uyariychik:
Mizpa lawpi tranpa churasqa hina,
chaynataq Tabor orqopi challwanapaq malla hina kasqaykichikmantam
juzgasqa kankichik.
2Sitim qechwapi llaqtayta wichichisqaykichikmantam
llapallaykichik castigasqa kankichik.
3Efraintaqa reqsinim,
Israelpa mirayninkunaqa manam pakasqachu.
Efraín, chuchumika hinañam kawsachkanki
huchapakuyllapim kachkanki;
Israelpas anchatam huchallikurun.
4Mana allin ruwasqaykichikmi
Diosman kutirikunaykichikta harkarusunkichik,
chuchumika hina kawsakuynikichikmi
Tayta Diosta reqsikunaykichiktapas harkarusunkichik.
5Hatun tukuq kayninmi Israelpa contranpi declaranqa,
huchankuraykum Israelpas chaynataq Efraimpas wichinqaku,
paykunawan kuskam Judapas wichinqa.
6Huk punchawmi ovejaykichikmanta vacaykichikmanta ofrenda aparisqa
ñoqa Tayta Diosta maskawankichik,
ichaqa qamkunamanta karunchakurusqayraykum
mana tariwankichikchu.
7Mana reqsisqa runakunapa churinta wachakuspam
ñoqa Tayta Diosta qepancharuwankichik;
chayraykum qamkunapas kapuqnikichikkunapas
huk killallapi tukusqa kankichik.
Israelwan Judá castigasqa kanankumanta
8Gabaa llaqtapi cornetata tocaychik,
Ramá llaqtapi trompetata tocaychik.
Bet-avén llaqtapiwan Benjaminpi
¡guerra! nispa qapariychik.
9Israel ayllukunamanmi
cheqaptapuni imam pasananmanta willachini,
castigasqay punchawmi Efrainpas chinkanqa.
10Judá nacionpa kamachiqninkunaqa
chakrankupa linderonkunata miraykachikuqmanmi rikchakunku,
chayraykum paykunaman piñakuyniyta lloqllata hina chayachimusaq.
11Efrainmi ñakarichisqa kachkan,
pipañapas munaychakusqanmi kachkan,
idolokunata qatisqanraykum chaynaqa kachkan.
12Pacha mikuq puyu hinam Efraín castakunata tukurusaq,
ismuchichkaq hinam Judá castakunatapas chinkarachisaq.
13Onqoyninta Efraín qawakuykuspanmi,
heridanta Judá qawakuykuspanmi,
Asiria nacionpa reyninman kallpaspanku
yanapakuyninta maskanqaku.
Ichaqa payqa manam onqoyninmantaqa
nitaq nanayninmantapas hampiyta atinqachu.
14Efrainmanmi león hina pawaykusaq;
Judamanñataqmi uña león hina pawaykusaq.
Kikiypunim paykunata llikiparusaq;
simiypi aparikuptiyqa manam pipas librayta atinqachu.
15Huchankuta reqsikuspanku
maskaqniy hamunankukamam
maymi kasqayman kutikusaq.
Ñakariyninkupim anchata maskawanqaku.
Currently Selected:
Oseas 5: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Oseas 5
5
Israel castigasqa kananmanta
1Sacerdotekuna kayta uyariychik,
Israelpa mirayninkuna chaylla uyariychik,
reypa mirayninkuna uyariychik:
Mizpa lawpi tranpa churasqa hina,
chaynataq Tabor orqopi challwanapaq malla hina kasqaykichikmantam
juzgasqa kankichik.
2Sitim qechwapi llaqtayta wichichisqaykichikmantam
llapallaykichik castigasqa kankichik.
3Efraintaqa reqsinim,
Israelpa mirayninkunaqa manam pakasqachu.
Efraín, chuchumika hinañam kawsachkanki
huchapakuyllapim kachkanki;
Israelpas anchatam huchallikurun.
4Mana allin ruwasqaykichikmi
Diosman kutirikunaykichikta harkarusunkichik,
chuchumika hina kawsakuynikichikmi
Tayta Diosta reqsikunaykichiktapas harkarusunkichik.
5Hatun tukuq kayninmi Israelpa contranpi declaranqa,
huchankuraykum Israelpas chaynataq Efraimpas wichinqaku,
paykunawan kuskam Judapas wichinqa.
6Huk punchawmi ovejaykichikmanta vacaykichikmanta ofrenda aparisqa
ñoqa Tayta Diosta maskawankichik,
ichaqa qamkunamanta karunchakurusqayraykum
mana tariwankichikchu.
7Mana reqsisqa runakunapa churinta wachakuspam
ñoqa Tayta Diosta qepancharuwankichik;
chayraykum qamkunapas kapuqnikichikkunapas
huk killallapi tukusqa kankichik.
Israelwan Judá castigasqa kanankumanta
8Gabaa llaqtapi cornetata tocaychik,
Ramá llaqtapi trompetata tocaychik.
Bet-avén llaqtapiwan Benjaminpi
¡guerra! nispa qapariychik.
9Israel ayllukunamanmi
cheqaptapuni imam pasananmanta willachini,
castigasqay punchawmi Efrainpas chinkanqa.
10Judá nacionpa kamachiqninkunaqa
chakrankupa linderonkunata miraykachikuqmanmi rikchakunku,
chayraykum paykunaman piñakuyniyta lloqllata hina chayachimusaq.
11Efrainmi ñakarichisqa kachkan,
pipañapas munaychakusqanmi kachkan,
idolokunata qatisqanraykum chaynaqa kachkan.
12Pacha mikuq puyu hinam Efraín castakunata tukurusaq,
ismuchichkaq hinam Judá castakunatapas chinkarachisaq.
13Onqoyninta Efraín qawakuykuspanmi,
heridanta Judá qawakuykuspanmi,
Asiria nacionpa reyninman kallpaspanku
yanapakuyninta maskanqaku.
Ichaqa payqa manam onqoyninmantaqa
nitaq nanayninmantapas hampiyta atinqachu.
14Efrainmanmi león hina pawaykusaq;
Judamanñataqmi uña león hina pawaykusaq.
Kikiypunim paykunata llikiparusaq;
simiypi aparikuptiyqa manam pipas librayta atinqachu.
15Huchankuta reqsikuspanku
maskaqniy hamunankukamam
maymi kasqayman kutikusaq.
Ñakariyninkupim anchata maskawanqaku.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012