Oseas 4
4
Israelpa mirayninkunata Dios qaqchasqanmanta
1Israelpa mirayninkuna,
Tayta Diospa nisqanta uyariychik.
Tayta Diosmi kay pachapi runakunapaq piñakun,
cheqap kaqpas, llakipayakuypas,
Diosta manchakuypas
kay pachapiqa manañam kanñachu.
2Aswanqa yanqamanta juramentaywan llullakuymi,
wañuchinakuywan suwakuymi,
cheqninakuywan waqllikuymi mirakuchkan,
manaña tukuytam wañuchinakuchkanku.
3Chayraykum kay nacionqa sinchi llakipi tarikun,
kay nacionpi runakunam
mana kallpayuq rikurirunku;
purun animalkunapas,
alton pawaq urpikunapas,
lamar qochapi challwakunapas
wañuchkankum.
Sacerdotekunata Tayta Dios qaqchasqanmanta
4Tayta Diosmi nin:
Sacerdotekuna,
qamkunam huchayuqqa kankichik.
Ama pipas runamasinta qaqchachunchu
yanqamanta tumpaspa.
5Tuta punchawmi huchallikunkichik,
profetakunatapas huchamanmi tanqaykunkichik,
chayraykum mamaykichikta wañurachisaq.
6Mana yachayniyuq kasqanraykum
llaqtayqa chinkachisqa karqa.
Yachachikuyniyta wischupakusqaykiraykum
sacerdote kaynikimantapas qarqorusqayki;
Diosnikipa kamachikuyninkunata qonqarusqaykiraykum
ñoqapas miraynikikunata qonqarusaq.
7Sacerdotekuna mirasqankuman hinam
runakuna astawan contraypi huchallikurqaku.
Chayraykum ñoqapas
respetasqa kayninta penqayman churarusaq.
8Llaqtaypa huchallikusqanmantam paykunaqa mikunku,
chayraykum paykunaqa aswanraq huchallikuyman llaqtayta tanqanku.
9Chayraykum sacerdotekunatapas
chaynataq runakunatapas,
mana allin kawsayninkuman hina ñakarichispay
imam ruwasqankuman hina castigasaq.
10Ñoqa Tayta Diosmanta karunchakurusqankuraykum
mikuspankupas mana saksanqakuchu,
mirayta munaspankupas manam miranqakuchu.
Idolokunata Israelpa yupaychasqanmanta
11Chuchumika warmikunawan kakuspa
vinowan aqawan machakusqankuraykum
mana yuyayniyuq rikurirunku.
12Llaqtaymi kullumanta idolokunata tapukun,
chay kulluñataqmi paykunaman kutichin.
Aychankupa munasqanta ruwaspankum
mana allin ñanninta pasakunku,
chuchumikayaruspam ñoqa Diosninkumanta karunchakurunku.
13Orqokunapa puntanman qespispankum
hatun sachakunapa ukunpi
idolonkupaq animalkunata wañuchispa ofrecenku.
Warmi churinkunawan
llumchuyninkunañataqmi
waqllikuypi purichkanku.
14Ichaqa, hayka qariwanña churikichik puñukuptinpas
hukwan-hukwanña llumchuynikichik waqllikuptinpas
paykunataqa manam castigasaqchu;
qamkunapunipas chuchumika warmikunawan,
idolokunata qachakuyninwan serviq warmikunawan qachakusqaykichikrayku.
Chayraykum mana yachayniyuq llaqtaqa tuñichisqa kanqa.
15Israelpa mirayninkuna,
qamkuna waqllikuspa huchallikuptikichikpas,
amayá Judá ayllukunaqa huchallikuchunkuchu.
Amaña Gilgal llaqtamanpas riychikñachu,
nitaq Bet-avén orqomanpas seqaychikñachu,
Tayta Diospa sutinpipas amaña juraychikñachu.
16Israelpa mirayninkuqa,
qamkunaqa manaraq mansasqa loca vaquilla hinam kankichik,
chaynaqa ¿imaynataq Tayta Diospas
ovejakunata hina sumaq pastopiraq michisunkichikman?
17Efrainmi idolokunaman qokurun,
¡hinayá chayna kawsachun!
18Upyanankupaq trago tukuruptinpas
chuchumika warmikunawanmi qachakunku,
kamachiqninkupas millakuypaq kaqkunatam kuyarunku.
19Rapranpi apachkaq hinam
muyuq wayra paykunata aparunqa,
idolokunaman sacrificio ofrecesqankumantapas penqakunqakum.
Currently Selected:
Oseas 4: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Oseas 4
4
Israelpa mirayninkunata Dios qaqchasqanmanta
1Israelpa mirayninkuna,
Tayta Diospa nisqanta uyariychik.
Tayta Diosmi kay pachapi runakunapaq piñakun,
cheqap kaqpas, llakipayakuypas,
Diosta manchakuypas
kay pachapiqa manañam kanñachu.
2Aswanqa yanqamanta juramentaywan llullakuymi,
wañuchinakuywan suwakuymi,
cheqninakuywan waqllikuymi mirakuchkan,
manaña tukuytam wañuchinakuchkanku.
3Chayraykum kay nacionqa sinchi llakipi tarikun,
kay nacionpi runakunam
mana kallpayuq rikurirunku;
purun animalkunapas,
alton pawaq urpikunapas,
lamar qochapi challwakunapas
wañuchkankum.
Sacerdotekunata Tayta Dios qaqchasqanmanta
4Tayta Diosmi nin:
Sacerdotekuna,
qamkunam huchayuqqa kankichik.
Ama pipas runamasinta qaqchachunchu
yanqamanta tumpaspa.
5Tuta punchawmi huchallikunkichik,
profetakunatapas huchamanmi tanqaykunkichik,
chayraykum mamaykichikta wañurachisaq.
6Mana yachayniyuq kasqanraykum
llaqtayqa chinkachisqa karqa.
Yachachikuyniyta wischupakusqaykiraykum
sacerdote kaynikimantapas qarqorusqayki;
Diosnikipa kamachikuyninkunata qonqarusqaykiraykum
ñoqapas miraynikikunata qonqarusaq.
7Sacerdotekuna mirasqankuman hinam
runakuna astawan contraypi huchallikurqaku.
Chayraykum ñoqapas
respetasqa kayninta penqayman churarusaq.
8Llaqtaypa huchallikusqanmantam paykunaqa mikunku,
chayraykum paykunaqa aswanraq huchallikuyman llaqtayta tanqanku.
9Chayraykum sacerdotekunatapas
chaynataq runakunatapas,
mana allin kawsayninkuman hina ñakarichispay
imam ruwasqankuman hina castigasaq.
10Ñoqa Tayta Diosmanta karunchakurusqankuraykum
mikuspankupas mana saksanqakuchu,
mirayta munaspankupas manam miranqakuchu.
Idolokunata Israelpa yupaychasqanmanta
11Chuchumika warmikunawan kakuspa
vinowan aqawan machakusqankuraykum
mana yuyayniyuq rikurirunku.
12Llaqtaymi kullumanta idolokunata tapukun,
chay kulluñataqmi paykunaman kutichin.
Aychankupa munasqanta ruwaspankum
mana allin ñanninta pasakunku,
chuchumikayaruspam ñoqa Diosninkumanta karunchakurunku.
13Orqokunapa puntanman qespispankum
hatun sachakunapa ukunpi
idolonkupaq animalkunata wañuchispa ofrecenku.
Warmi churinkunawan
llumchuyninkunañataqmi
waqllikuypi purichkanku.
14Ichaqa, hayka qariwanña churikichik puñukuptinpas
hukwan-hukwanña llumchuynikichik waqllikuptinpas
paykunataqa manam castigasaqchu;
qamkunapunipas chuchumika warmikunawan,
idolokunata qachakuyninwan serviq warmikunawan qachakusqaykichikrayku.
Chayraykum mana yachayniyuq llaqtaqa tuñichisqa kanqa.
15Israelpa mirayninkuna,
qamkuna waqllikuspa huchallikuptikichikpas,
amayá Judá ayllukunaqa huchallikuchunkuchu.
Amaña Gilgal llaqtamanpas riychikñachu,
nitaq Bet-avén orqomanpas seqaychikñachu,
Tayta Diospa sutinpipas amaña juraychikñachu.
16Israelpa mirayninkuqa,
qamkunaqa manaraq mansasqa loca vaquilla hinam kankichik,
chaynaqa ¿imaynataq Tayta Diospas
ovejakunata hina sumaq pastopiraq michisunkichikman?
17Efrainmi idolokunaman qokurun,
¡hinayá chayna kawsachun!
18Upyanankupaq trago tukuruptinpas
chuchumika warmikunawanmi qachakunku,
kamachiqninkupas millakuypaq kaqkunatam kuyarunku.
19Rapranpi apachkaq hinam
muyuq wayra paykunata aparunqa,
idolokunaman sacrificio ofrecesqankumantapas penqakunqakum.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012