Oseas 14
14
Israel runakuna Diosman kutirikunankumanta
1Israel castakuna,
Tayta Diosman kutirikuychik;
huchaykichikraykum qamkunaqa urmarunkichik.
2Tayta Diosman kutirikuspa kaynata ruegakuychik:
“Tukuy mana allin ruwasqaykumanta pampachaykuwayku,
kuyakuynikiwanyá simiykumanta lloqsiq yupaychayniykuta chaskiykuwayku.
3Asiriaqa manam salvawanmankuñachu,
guerrapaq caballokunapipas manañam sillakusaqkuñachu;
makiykuwan ruwasqayku idolokunatapas
manañam: “Diosnillayku” nisaqkuñachu;
aswanqa wakchakunapas qam Diosnillaykupin llakipayakuyta tarinku”, nispaykichik.
4Tayta Diosmi kaynata nin:
Mana kasukuynikichiktam hampiykusqaykichik,
mana pipapas harkakusqanmi kuyasqaykichik,
qamkunamantaqa piñakuyniypas ñam karunchakurunña.
Israelpa mirayninkuna kawsakunankumanta
5Israelpa mirayninkunapaq sulla hinaraq kaptiymi
paykunañataq amanqay hinaraq waytarinqaku,
Líbano montepi sachakuna hinaraqmi sapinchakunqaku.
6Kallmankutam mastarinqaku,
aceitunas sacha hina kuyayllapaqñam kanqaku,
cedrokuna hinaraqmi miskillataña asnarinqaku.
7Ñoqapa llantuyniypim huktawan kawsakunqaku,
trigo hinaraqmi wiñayta qallaykunqaku,
uvas sacha hinaraqmi sumaqllataña waytarinqaku,
Líbano montepi vino hinaraqmi ancha reqsisqa kanqaku.
8Chayraqmi Efrainpa mirayninkunaqa ninqaku: “Idolokunamantaqa
manam imapas qokuwankuñachu”, nispanku.
Ñoqam mañakuyninkutapas uyariykusaq,
ñoqataqmi paykunataqa waqaychasaqpas.
Paykunapaq kallmasapallaña pino hina kaptiymi
paykunapa rurunpas ñoqamanta paqarimunqa.
Oseaspa willakuynin tukusqanmanta
9Yachayniyuq runaqa
kay willakuyniyta entiendechun,
allin tanteakuq runaqa kay nisqaykunata yachachun.
Diospa ñanninkunaqa mana pantayniyuqmi,
allin ruwaq runaqa chaynintam purinqa,
mana kasukuq runakunam ichaqa chaypi urmarunqa.
Currently Selected:
Oseas 14: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
