Oseas 12
12
1Efrainmi wayrata mikun,
tukuy punchawmi intipa qespimunan lawmanta hamuq wayrata qatichkanku;
llullakuytawan wañuchinakuyllatam mirachinku.
Paykunaqa Asiria nacionwanmi contratota ruwarunku,
Egiptomanñataqmi aceiteta astanku.
2Tayta Diosmi Judá castakunawan juiciopi tarikun,
Jacobpa mirayninkunatam
mana allin kawsasqankumanta ñakarichinqa,
ruwayninkuman hinam pagapunqa.
3 #
Gn 25.26. Jacobqa mamanpa wiksallanmantaraqmi
wawqenta talonninmanta hapimurqa,
hatun runaña kaspanmi Dioswan pelearqa.
4 #
Gn 32.24-26. #
Gn 28.10-22. Angelwan peleaspam kallpanman hina vencerurqa,
bendeciykunanpaqmi weqenwan mañakurqa,
Diospas Bet-elpi tariruspanmi payta rimapayarqa.
5Tukuy Atiyniyuqmi Diosninchikqa,
¡Tayta Diosmi sutinpas!
6Israel miraykuna,
Diosnikichikman kutirikuychik,
llakipayakuytawan allin kawsakuyta ruwaychik,
ama pisipaspa Diospi hapipakuychik.
7Negociantekunaqa suwakuq balanzatam hatallinku,
paykunaqa runamasin engañayllatam maskanku.
8Efrainmi kaynata nin:
Ñoqaqa anchatam apuyaruni,
qori-qollqetam llumpayta huñukuruni;
Manam pipas musyanqachu
apuyanaypaq engañasqaytaqa, nispa.
9 #
Lv 23.39-43. Egiptopi kasqaykichikmantapunim
ñoqa Tayta Diosqa Diosnikichik kani.
Purunpi tupasqanchikpi hinam
huktawan carpakunapi kawsachisqaykichik.
10Profetakunatam rimapayarqani
anchallatañam profetizarqaku,
rikchanachiykunawanmi
profetankunatakama rimapayarqani.
11Galaad runakunaqa mana allin runakunam,
Gilgal llaqtapim idolonkupaq torokunata sacrificarqaku,
chayraykum altarninkupa ruminkunapas
chakrakunapi wischusqa purmanqa.
12 #
Gn 29.1-20. Jacobmi Aram lawman ayqekurqa,
Israelmi warmirayku oveja michiypi llamkarqa.
13 #
Ex 12.50-51. Tayta Diosmi huk profetantakama
Israelta Egipto nacionmanta hurqomurqa,
huk profetantakamam paykunata Tayta Dios waqaycharqa.
14Ichaqa Efrainmi Tayta Diosta llumpayta piñachirqa,
chayraykum runa wañuchisqanmanta paganqa,
tukuy mana allin ruwasqanmantam Tayta Dios ñakarichinqa.
Currently Selected:
Oseas 12: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
