Génesis 36
36
Esaupa mirayninkunamanta
(1 Cr 1.34-54)
1Esaupa mirayninkunam kaykuna, Esaupa huknin sutinmi Edom karqa. 2#Gn 26.34.Esaumi casarakururqa Canaán law Het casta Elonpa churin Adawan hinaspa Hev casta runa Zibeonpa willkan Aná sutiyuq runapa churin Aholibamawanpas, 3#Gn 28.9.chaynataq Nebaiotpa panin, Ismaelpa churin Basematwanpas. 4Esaupa warmin Adam Elifazta wachakurqa, Basematñataqmi Reuelta wachakurqa. 5Aholibamapas Jeusta, Jaalamta hinaspa Coreytam wachakurqa. Paykunam Esaupa churinkuna karqa, Canaán allpapi naceqkuna.
6Esaumi warminkunata, qari churinkunata, warmi churinkunata hinaspa wasinpi llapallan runankunata, kapuqninkunata, llapallan animalninkunata chaynataq Canaán allpapi armasqan tukuy kapuqninta huñuykuspan wawqen Jacobmanta rakikuspa huklaw allpaman ripukurqa. 7Jacobwan Esauqa llumpay apullañam karqaku, animalsapallaña kasqankuraykum kuska yachayta mana atirqakuchu, yachasqanku allpapas manam hayparqachu. 8Chaymi Esauqa Seir orqopiña yacharqa. Esaupa huknin sutinmi Edom karqa.
9Seir orqopi yachaq Edom runakunapa taytan Esaupa mirayninkunam 10kaykuna: Warmin Adapa wawan Elifaz, huknin warmin Basematpa wawan Reuel. 11Elifazpa churinkunañataqmi karqa Temán, Omar, Zefo, Gatam hinaspa Cenaz. 12Elifazpa churiwachan Timnam Amalecta wachakurqa. Paykunam Esaupa warmin Adapa mirayninkuna. 13Reuelpa churinkunañataqmi karqa: Nahat, Zera, Sama hinaspa Miza. Paykunam Esaupa warmin Basematpa mirayninkuna. 14Aholibamam wachakurqa Esaupa churin Jeusta, Jaalamta hinaspa Coreyta. Zibeonmi Anapa taytan karqa, Anañataqmi Aholibamapa taytan karqa.
15-16Esaupa mirayninkuna ukupi kamachikuqkunam karqa: Temán, Omar, Zefo, Cenaz, Coré, Gatam hinaspa Amalec. Paykunam Elifazpa churin Adapa miraynin Edom allpapi kamachikuqkuna karqaku. Elifazqa Esaupa piwi churinmi karqa. 17Esaupa churin Reuelpa mirayninmanta kamachikuqkunañataqmi kaykuna: Nahat, Zera, Sama hinaspa Miza. Paykunam Reuelpa churin Esaupa warmin Basematpa mirayninkuna, Edom allpapi kamachikuqkuna. 18Esaupa warmin Aholibamapa wawankunamanta kamachikuqkunañataqmi kaykuna: Jeús, Jaalam hinaspa Coré. Paykunam Aná sutiyuq runapa mirayninkuna, Esaupa warmin Aholibamapa wachakusqan kamachikuqkuna karqa. 19Paykunam Esaupa mirayninmanta kamachikuqkuna karqaku. Esaupa huknin sutinmi Edom karqa.
20Hor casta runa Seirpa churinkunam kaykuna: Lotán, Sobal, Zibeón hinaspa Aná. Paykunam chay allpapi yacharqaku. 21Horpa mirayninmanta kamachikuqkunam kaykuna: Disón, Ezer hinaspa Disán. Paykunam Edom allpapi yachaq Seirpa churinkuna karqaku. 22Lotanpa churinkunam kaykuna: Hori, Hemam, Timnañataqmi Lotanpa panin karqa. 23Sobalpa churinkunam kaykuna: Alván, Manahat, Ebal, Sefo hinaspa Onam. 24Zibeonpa churinkunam kaykuna: Aja, Aná. Kay Anam taytan Zibeonpa asnonkunata michichkaspan chunniqpi pukyu yakukunata tarirurqa. 25Anapa churinmi karqa Disón, warmi churinñataqmi Aholibama. 26Disonpa churinkunam karqa Hemdán, Esbán Itrán hinaspa Querán. 27Ezerpa churinkunañataqmi karqa Bilhán, Zaaván, Acán. 28Disanpa churinkunañataqmi karqa Uz hinaspa Arán.
29Hor runakunapa kamachiqninkunam karqa: Lotán, Sobal, Zibeón, Aná, 30Disón, Ezer hinaspa Disán. Paykunam Hor runakunapa sapakama kamachiqninkuna karqaku, Seir allpapi yachaptinku.
31Israel runakunapa reynin manaraq kachkaptinmi, Edom allpapi paykuna kamachikurqaku. 32Beorpa churin Belam Edom nacionpi kamachikurqa. Belapa llaqtanqa Dinabam karqa. 33Bela wañuruptinmi, paypa rantinpi Bosra llaqtayuq Zerapa churin Jobab kamachikurqa. 34Jobab wañukuptinmi, paypa rantinpi Temán llaqtayuq Husam kamachikurqa. 35Husam wañukuptinmi, paypa rantinpi Bedadpa churin Hadad kamachikurqa. Hadadmi Moab pampapi peleaspa Madián runakunata vencerurqa. Hadadpa llaqtanqa Avitmi karqa. 36Hadad wañukuptinmi, paypa rantinpi Masreca llaqtayuq Samla kamachikurqa. 37Samla wañukuptinmi, paypa rantinpi Eufrates mayu patanpi Rehobot llaqtayuq Saúl kamachikurqa. 38Saúl wañukuptinmi, paypa rantinpi Acborpa churin Baal-hanán kamachikurqa. 39Acborpa churin Baal-hanán wañukuptinmi paypa rantinpi Hadar kamachikurqa. Payqa Pau llaqtayuqmi karqa, warminñataqmi karqa Mehetabel. Mehetabelqa karqa Mezaabpa willkan hinaspa Matredpa churinmi.
40Kaykunam ayllunkuman hina llaqtankuman hina Esaupa mirayninmanta kamachikuqkuna karqaku: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel hinaspa Iram. Paykunam hapikusqanku allpapi kamachikuqkuna karqaku. Esaupa huknin sutinqa Edommi, paymi edomitakunapa taytan karqa.
Currently Selected:
Génesis 36: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012