Génesis 33
33
Esauwan Jacob allinyanakusqanmanta
1Jacobmi rikururqa Esauta tawa pachak runantin hamuchkaqta, chaymi wawakunata Leaman, Raquelman hinaspa iskaynin criadankunaman rakinarqa. 2Hinaspam criadankunata wawantintakama puntaman churarqa, qatiqninmanmi Leata wawankunatawan, qepamanñataqmi Raquelta wawan Joseytawan. 3Jacobñataqmi paykunapa ñawpaqninkuta rirqa, hinaspam wawqenman chayanankama qanchis kutikama pampaman kumuykurqa. 4Chaymi wawqen Esaú kallpaykuspa Jacobta abrazaykuspan muchaykurqa, hinaspam kuskanku waqarqaku. 5Chaymantam Jacobpa warminkunatawan churinkunata rikuykuspan Esaú tapurqa:
¿Pikunataq kay qanwan hamuqkunaqa? nispa.
Jacobñataqmi nirqa:
Paykunaqa kay serviqnikiman Diospa qowasqan churiykunam, nispa.
6Chaymi Jacobpa criadankuna wawankunapiwan asuykamuspa pampaman kumuykurqaku. 7Leapas wawankunapiwanmi asuykamuspa qonqoranpa kumuykurqaku, chaynallataqmi Joseywan maman Raquelpas asuykamuspanku pampaman kumuykurqaku. 8Chaymi Esaú tapurqa:
¿Imata piensaspaykitaq kay atajontin animalkunata apachimuwarqanki? nispa.
Hinaptinmi Jacob nirqa:
Qampa llakipayakuyniki tariykuyllatam, nispa.
9Chaymi Esaú nirqa:
Wawqelláy, ñoqataqa manam imapas pisiwanchu, kaykunaqa qampam manam munanichu, nispa.
10Hinaptinmi Jacob nirqa:
Ama hina kaspaykiyá kuyakuyniyta chaskiykuway, Diospa uyantapas rikuykuchkaq hinam qampa uyaykita rikuykuni, qampas kusisqataqmi chaskiykuwanki. 11Kay kuyakuyniy apamusqaytayá chaskiykuway, tukuy kaykunaqa Diospa qowasqanmi, nispa.
Llumpayta hikutaptinmi Esaú chaskiykurqa, 12hinaspam nirqa:
Hakuchik kuska, ñawpaqnikitam risaq, nispan.
13Chaymi Jacob nirqa:
Wawqelláy, qawasqaykipi hinapas churiykunam wawakunallaraq, chaynataqmi cabraykunapas, ovejaykunapas, vacaykunapas llullu uñayuqkamallaraq, pisiparuspankuchá huk punchawllapi llapallan wañurunmanku. 14Taytalláy, kay serviqnikipa ñawpaqnintayá puntachkay, ñoqaqa allimantam hamusaq, animalkunapa, wawakunapa risqanman hinalla, Seir orqopiña tupasunchik, nispa.
15Esauñataqmi nirqa:
Ñoqawan hamuq runaykunatayá wakinta saqeykusqayki, nispa.
Hinaptinmi Jacob nirqa:
Señorlláy ¿allinlla chaskiykuwachkaspaqa imapaqñataq saqewankiman? nispa.
16Chaynapim Esaú chay punchawlla Seir lawman kutikurqa. 17Jacobñataqmi Sucot lawman pasarqa, hinaspam wasita chaypi ruwarqa, ruwarqataqmi animalninkunapaq ramadakunatapas. Chayraykum chay sitiota suticharqa Sucotwan.
18Jacobmi Padan-aram lawmanta hamuspa Canaán allpapi kaq Siquem llaqtaman chayaruspan chay llaqtapa chimpanpi carpankunata sayachirqa. 19#Jos 24.32; Jn 4.5.Chaypim huk chakrata rantirurqa Siquempa taytan Hamorpa churinkunamanta tawa kilo parten qollqewan, hinaspam chaypi carpanta sayachirqa. 20Chaypitaqmi huk altartatapas ruwarqa, hinaspam “#33.20 Hebreo simipi El-Elohe-Israel ninanqa “Diosmi Israel runakunapa Diosnin” ninanmi.El-Elohe-Israel” nispa suticharqa.
Currently Selected:
Génesis 33: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012