Éxodo 28
28
Sacerdotekunapa pachanmanta
(Ex 39.1-31)
1Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq. 2Wawqeki Aaronpaqmi suma-sumaq pachata ruwapunki chaynapi ancha reqsisqa kananpaq. 3Chaynaqa, yachaywan huntachisqay llapallan maestrokunata nimuy Aaronpa pachanta ruwanankupaq; chaynapi Aaronqa sapaqchakusqay sacerdotey kananpaq. 4Kaykunam ruwananku pachakuna: Pectoral, efod, capa, bordasqa túnica, mitra hinaspa chumpi. Chay pachakunatam wawqeki Aaronpaqwan churinkunapaq ruwanqaku chaynapi sacerdoteykuna kanankupaq. 5Chay pachata ruwanankupaqmi hapinqaku qorita, azul qaytuta, morado qaytuta, grosella qaytuta hinaspa kawpusqa linota.
6Efodtam ruwanqaku qorimanta, morado qaytumanta, grosella qaytumanta, guindo qaytumanta hinaspa kawpusqa linomanta suma-sumaq kuruyuqta. 7Efodta hapinanpaqmi iskaynin hombronkunapi tirantekuna kanqa. 8Efodpa hawanpi kaq watakupas huk piezallam qorimanta kanqa, morado qaytumanta, grosella qaytumanta, guindo qaytumanta hinaspa kawpusqa linomanta.
9Ónice sutiyuq iskay alhaja rumikunapa hawanpim Israelpa churinkunapa sutinta qellqanki. 10Huknin rumipim nacesqankuman hina qatinasninpi soqtankupa sutinta qellqanki, huknin rumipiñataqmi wakin soqtapa sutinta qellqanki. 11Sellokuna ruwaqmi Israelpa churinkunapa sutinta chay alhaja rumikunapi qellqanqa, hapiqnintañataqmi qorimanta ruwanki. 12Chay iskay alhaja rumikunatam efodpa hombronpa hawanpi churanki, chaynapi Israelpa mirayninkunata ama qonqarunaypaq. Aaronmi iskaynin hombronpi paykunapa sutinkunata apanqa, chaynapim ñawpaqniyman hamuptin mana qonqasaqchu. 13Chay rumikunapa hapiqnintaqa qorimantam ruwanki. 14Ruwankitaqmi qorimanta simpasqa cadenakunatapas cordonman rikchakuqta, hinaspam chay simpasqa cadenakunata alhaja rumikunapa hapiqninkunaman hapichinki.
15Efodta ruwasqankuta hinam imam munasqayta yachanaykipaq pectoraltapas ruwachinki, qorimanta, morado qaytumanta, grosella qaytumanta hinaspa kawpusqa linomanta. 16Chay pectoralqa kanqa iskayman doblasqa cuadradom, largonwan anchonmi cuarto metrokama kanqa. 17Chay pectoralpa hawanmanmi hapichinki tawa seqe alhaja rumikunata; punta kaq seqepim kanqa sardio, topacio hinaspa carbunclo alhaja rumikuna. 18Iskay kaq seqepim kanqa esmeralda, zafiro hinaspa diamante alhaja rumikuna. 19Kimsa kaq seqepim kanqa jacinto, ágata hinaspa amatista alhaja rumikuna. 20Tawa kaq seqepiñataqmi kanqa berilo, ónice hinaspa jaspe alhaja rumikuna. Chaykunaqa sapakamam qoriwan hapichisqa kanqa. 21Israelpa chunka iskayniyuq churinkunapa sutinman hinam alhaja rumikunapas chunka iskayniyuq kanqa; sapa rumipim sello hina sapa ayllupa sutin qellqasqa kanqa.
22Chay pectoralpaqmi qorimanta simpasqa cadenakunata ruwanki, cordonman rikchakuqta. 23Ruwankitaqmi qorimanta iskay anillokunatapas, chaykunatam pectoralpa iskaynin puntankunaman churanki. 24Hinaspam chay pectoralpa puntankunapi kaq iskay anillokunaman qorimanta iskay cordonkunata watanki. 25Qorimanta iskay cordonkunapa puntankunatañataqmi ónice alhaja rumipa iskaynin hapichinankunaman churanki, hinaspam efodpa tirantenkunapa ñawpaqninman watanki. 26Iskay anillokunatawanmi qorimanta ruwanki, chaykunatam pectoralpa iskaynin puntankunaman churanki, efodwan tupanakuq law patanpa ukunpi. 27Ruwankitaqmi qorimanta iskay anillokunatapas, chaykunatam churanki efodpa iskaynin tirantenkunapa ñawpaqninpi, uran kaq costurapa hichpanpi, efodpa watakunpa hawanpi. 28Hinaspam morado qaytumanta cordonwan pectoralpa anillonkunamanta hapichinki efodpa anillonkunaman, hinaptinmi pectoralqa efodpa watakunpa hawanpi kanqa, chaynapim pectoralqa efodmanta mana kacharikunqachu. 29Aaronmi sapa kuti “Chuya” sutiyuq lugarman yaykuspan qasqonpa hawanpi apanqa, Israelpa churinkunapa chunka iskayniyuq sutinkunata, pectoralpi ñawpaqniyman apamuwaptinmi mana qonqasaqchu. 30#Nm 27.21; Esd 2.63; Neh 7.65.Chay pectoralpim churanki “Urim” sutiyuq rumitawan “Tumim” sutiyuq rumita, chaykunam ñawpaqniyman Aarón hamuptin qasqonpi kanqa. Chaynatam Aaronqa sapa kutilla qasqonpi apaykachanqa. Chay rumikunawanmi Israelpa mirayninkuna ñoqapa imam munasqayta yachanqaku.
31Efodpa capantapas morado telamantam ruwanki. 32Chay capapa chawpinpim huk uchkuta uma ustuchinapaq ruwanki, chay uchkupa muyuriqninpim mana llikikurunanpaq ribeteta churanki. 33Chay capapa patanpim granadapa rurunta hina adornokunata ruwanki, chaykunam kanqa morado qaytumanta, grosella qaytumanta hinaspa guindo qaytumanta, chay adornokunapa chawpinpiñataqmi qorimanta campanillakunata churanki. 34Puntatam churanki qorimanta huk campanillata, chaypa qepanmanñataqmi huk granadata, chaypa qepanmanñataqmi qorimanta huk campanillata, chaypa qepanmanñataq huk granadata, chaynatam chay capapa muyuriqninpi churanki. 35Chay capawan churakuspam Aaronqa ñoqapa ñawpaqniyman servicio ruwaq yaykunqa, chay campanillakunam yaykuptinpas lloqsimuptinpas mana wañurunanpaq uyarikunqa.
36Huk letrerotam qorimanta ruwanki hinaspam sellopi hina qellqanki “Tayta Diospaq sapaqchasqa” niqta. 37Chay letrerotaqa morado cordonwanmi mitrapa urkun lawman watanki. 38Chay letreroqa Aaronpa urkunpa hawanpim kanqa, chaynapim Aaronqa Israelpa mirayninkuna ñoqapaq sapaqchasqa ofrenda qosqankupi pantarusqanku huchankuta apanqa. Chay letrerom Aaronpa urkunpi tukuy tiempo kanqa chaynapi ñoqapa favorniyta haypanankupaq.
39Awaytaqyá huk tunicatapas, ruwaytaq linomanta mitratapas chaynataq huk sumaq kuruyuq chumpitapas. 40Aaronpa churinkunapaqpas tunicakunata, chumpikunata, mitrakunatam ruwanki, chaynapi ancha reqsisqa suma-sumaqllaña kanankupaq.
41Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki. 42Paykunapaqqa ruwankitaqmi linomanta calzoncillokunatapas, chaynapi weqawninmanta moqonkama tapakunankupaq. 43Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.
Currently Selected:
Éxodo 28: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Éxodo 28
28
Sacerdotekunapa pachanmanta
(Ex 39.1-31)
1Israelpa mirayninkunamanta akllaspa Aarontawan churinkunata ñawpaqnikiman qayay, chaynapi Aaronwan churinkuna: Nadab, Abiú, Eleazar hinaspa Itamar sacerdoteykuna kanankupaq. 2Wawqeki Aaronpaqmi suma-sumaq pachata ruwapunki chaynapi ancha reqsisqa kananpaq. 3Chaynaqa, yachaywan huntachisqay llapallan maestrokunata nimuy Aaronpa pachanta ruwanankupaq; chaynapi Aaronqa sapaqchakusqay sacerdotey kananpaq. 4Kaykunam ruwananku pachakuna: Pectoral, efod, capa, bordasqa túnica, mitra hinaspa chumpi. Chay pachakunatam wawqeki Aaronpaqwan churinkunapaq ruwanqaku chaynapi sacerdoteykuna kanankupaq. 5Chay pachata ruwanankupaqmi hapinqaku qorita, azul qaytuta, morado qaytuta, grosella qaytuta hinaspa kawpusqa linota.
6Efodtam ruwanqaku qorimanta, morado qaytumanta, grosella qaytumanta, guindo qaytumanta hinaspa kawpusqa linomanta suma-sumaq kuruyuqta. 7Efodta hapinanpaqmi iskaynin hombronkunapi tirantekuna kanqa. 8Efodpa hawanpi kaq watakupas huk piezallam qorimanta kanqa, morado qaytumanta, grosella qaytumanta, guindo qaytumanta hinaspa kawpusqa linomanta.
9Ónice sutiyuq iskay alhaja rumikunapa hawanpim Israelpa churinkunapa sutinta qellqanki. 10Huknin rumipim nacesqankuman hina qatinasninpi soqtankupa sutinta qellqanki, huknin rumipiñataqmi wakin soqtapa sutinta qellqanki. 11Sellokuna ruwaqmi Israelpa churinkunapa sutinta chay alhaja rumikunapi qellqanqa, hapiqnintañataqmi qorimanta ruwanki. 12Chay iskay alhaja rumikunatam efodpa hombronpa hawanpi churanki, chaynapi Israelpa mirayninkunata ama qonqarunaypaq. Aaronmi iskaynin hombronpi paykunapa sutinkunata apanqa, chaynapim ñawpaqniyman hamuptin mana qonqasaqchu. 13Chay rumikunapa hapiqnintaqa qorimantam ruwanki. 14Ruwankitaqmi qorimanta simpasqa cadenakunatapas cordonman rikchakuqta, hinaspam chay simpasqa cadenakunata alhaja rumikunapa hapiqninkunaman hapichinki.
15Efodta ruwasqankuta hinam imam munasqayta yachanaykipaq pectoraltapas ruwachinki, qorimanta, morado qaytumanta, grosella qaytumanta hinaspa kawpusqa linomanta. 16Chay pectoralqa kanqa iskayman doblasqa cuadradom, largonwan anchonmi cuarto metrokama kanqa. 17Chay pectoralpa hawanmanmi hapichinki tawa seqe alhaja rumikunata; punta kaq seqepim kanqa sardio, topacio hinaspa carbunclo alhaja rumikuna. 18Iskay kaq seqepim kanqa esmeralda, zafiro hinaspa diamante alhaja rumikuna. 19Kimsa kaq seqepim kanqa jacinto, ágata hinaspa amatista alhaja rumikuna. 20Tawa kaq seqepiñataqmi kanqa berilo, ónice hinaspa jaspe alhaja rumikuna. Chaykunaqa sapakamam qoriwan hapichisqa kanqa. 21Israelpa chunka iskayniyuq churinkunapa sutinman hinam alhaja rumikunapas chunka iskayniyuq kanqa; sapa rumipim sello hina sapa ayllupa sutin qellqasqa kanqa.
22Chay pectoralpaqmi qorimanta simpasqa cadenakunata ruwanki, cordonman rikchakuqta. 23Ruwankitaqmi qorimanta iskay anillokunatapas, chaykunatam pectoralpa iskaynin puntankunaman churanki. 24Hinaspam chay pectoralpa puntankunapi kaq iskay anillokunaman qorimanta iskay cordonkunata watanki. 25Qorimanta iskay cordonkunapa puntankunatañataqmi ónice alhaja rumipa iskaynin hapichinankunaman churanki, hinaspam efodpa tirantenkunapa ñawpaqninman watanki. 26Iskay anillokunatawanmi qorimanta ruwanki, chaykunatam pectoralpa iskaynin puntankunaman churanki, efodwan tupanakuq law patanpa ukunpi. 27Ruwankitaqmi qorimanta iskay anillokunatapas, chaykunatam churanki efodpa iskaynin tirantenkunapa ñawpaqninpi, uran kaq costurapa hichpanpi, efodpa watakunpa hawanpi. 28Hinaspam morado qaytumanta cordonwan pectoralpa anillonkunamanta hapichinki efodpa anillonkunaman, hinaptinmi pectoralqa efodpa watakunpa hawanpi kanqa, chaynapim pectoralqa efodmanta mana kacharikunqachu. 29Aaronmi sapa kuti “Chuya” sutiyuq lugarman yaykuspan qasqonpa hawanpi apanqa, Israelpa churinkunapa chunka iskayniyuq sutinkunata, pectoralpi ñawpaqniyman apamuwaptinmi mana qonqasaqchu. 30#Nm 27.21; Esd 2.63; Neh 7.65.Chay pectoralpim churanki “Urim” sutiyuq rumitawan “Tumim” sutiyuq rumita, chaykunam ñawpaqniyman Aarón hamuptin qasqonpi kanqa. Chaynatam Aaronqa sapa kutilla qasqonpi apaykachanqa. Chay rumikunawanmi Israelpa mirayninkuna ñoqapa imam munasqayta yachanqaku.
31Efodpa capantapas morado telamantam ruwanki. 32Chay capapa chawpinpim huk uchkuta uma ustuchinapaq ruwanki, chay uchkupa muyuriqninpim mana llikikurunanpaq ribeteta churanki. 33Chay capapa patanpim granadapa rurunta hina adornokunata ruwanki, chaykunam kanqa morado qaytumanta, grosella qaytumanta hinaspa guindo qaytumanta, chay adornokunapa chawpinpiñataqmi qorimanta campanillakunata churanki. 34Puntatam churanki qorimanta huk campanillata, chaypa qepanmanñataqmi huk granadata, chaypa qepanmanñataqmi qorimanta huk campanillata, chaypa qepanmanñataq huk granadata, chaynatam chay capapa muyuriqninpi churanki. 35Chay capawan churakuspam Aaronqa ñoqapa ñawpaqniyman servicio ruwaq yaykunqa, chay campanillakunam yaykuptinpas lloqsimuptinpas mana wañurunanpaq uyarikunqa.
36Huk letrerotam qorimanta ruwanki hinaspam sellopi hina qellqanki “Tayta Diospaq sapaqchasqa” niqta. 37Chay letrerotaqa morado cordonwanmi mitrapa urkun lawman watanki. 38Chay letreroqa Aaronpa urkunpa hawanpim kanqa, chaynapim Aaronqa Israelpa mirayninkuna ñoqapaq sapaqchasqa ofrenda qosqankupi pantarusqanku huchankuta apanqa. Chay letrerom Aaronpa urkunpi tukuy tiempo kanqa chaynapi ñoqapa favorniyta haypanankupaq.
39Awaytaqyá huk tunicatapas, ruwaytaq linomanta mitratapas chaynataq huk sumaq kuruyuq chumpitapas. 40Aaronpa churinkunapaqpas tunicakunata, chumpikunata, mitrakunatam ruwanki, chaynapi ancha reqsisqa suma-sumaqllaña kanankupaq.
41Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki. 42Paykunapaqqa ruwankitaqmi linomanta calzoncillokunatapas, chaynapi weqawninmanta moqonkama tapakunankupaq. 43Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012