Éxodo 24
24
Israelpa mirayninkunawan pactota Tayta Dios ruwasqankumanta
1Moisestam Tayta Dios nirqa:
Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku. 2Qamllam ñoqamanqa asuykamuwanki, pusamusqayki runakunaqa amam asuykamuwanqakuchu amataqmi runakunapas qanwanqa seqamunqachu, nispa.
3Tayta Diospa tukuy nisqankunatam runakunaman Moisés willarqa, willarqataqmi Tayta Diospa qosqan lliw kamachikuykunatapas, hinaptinmi chulla runa hinalla llapallanku nirqaku:
¡Tayta Diospa tukuy nisqankunatam ruwasaqku! nispanku.
4Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam. 5Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq. 6Moisesmi animalkunapa yawarninta chaskispan, wakinta tazonkunapi churarqa, wakintañataqmi altarpa hawanman challarqa. 7Chaymantam Diospa pacto ruwasqan librota hapiykuspan runakuna uyarinanpaq leerqa, chaymi paykunañataq nirqaku:
Tayta Diospa tukuy nisqanta kasukuspam ruwasaqku, nispanku.
8 #
Mt 26.28; Mr 14.24; Lc 22.20; 1 Co 11.25; Heb 10.29. #
Heb 9.19-20. Chaymi yawarta hapiykuspan runakunaman challaspan Moisés nirqa:
Kay yawarwanmi Tayta Dios qamkunawan pacto ruwasqanta cheqapchan, chay pactotam ruwarqa imaynam rimapayawasqanchikman hina, nispa.
9Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas; 10chaypim Israelpa Diosninta rikurqaku. Chakinpa sarusqanmi kasqa suma-sumaq kichasqa cielo hina hinaspa zafiro rumi hina. 11Diosqa Israelpi kamachikuqkunataqa manam imanarqachu, chaymi Diosta qawaspanku mikuspa tomarqaku.
Sinaí orqopi Moisés kasqanmanta
12Moisestam Tayta Dios nirqa:
Ñoqapa kasqay orqoman qespimuy hinaspa chaypi suyaway, tabla rumikunapi qellqasqay yachachikuytawan kamachikuykunatam qanman qosqayki, chaynapi runakunaman yachachinaykipaq, nispa.
13Chaymi Moisesqa yanapaqnin Josueypiwan Diospa kasqan orqoman qespirqa 14Manaraq qespichkaspanmi ancianokunata nirqa:
Kutimunaykukama kayllapi suyawachkayku. Aaronwan Hurmi qamkunawan qepanqa, pipapas quejan kaptinqa paykunaman rispam willakunkichik, nispa.
15Orqoman Moisés qespiruptinmi orqota puyu tapaykurqa. 16Tayta Diospa atiyninmi Sinaí orqopa hawanman tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa. 17Tayta Diospa atiynintam Israelpa mirayninkuna orqopa puntanpi lenwachkaq ninata hina rikurqaku. 18#Dt 9.9.Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.
Currently Selected:
Éxodo 24: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Éxodo 24
24
Israelpa mirayninkunawan pactota Tayta Dios ruwasqankumanta
1Moisestam Tayta Dios nirqa:
Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku. 2Qamllam ñoqamanqa asuykamuwanki, pusamusqayki runakunaqa amam asuykamuwanqakuchu amataqmi runakunapas qanwanqa seqamunqachu, nispa.
3Tayta Diospa tukuy nisqankunatam runakunaman Moisés willarqa, willarqataqmi Tayta Diospa qosqan lliw kamachikuykunatapas, hinaptinmi chulla runa hinalla llapallanku nirqaku:
¡Tayta Diospa tukuy nisqankunatam ruwasaqku! nispanku.
4Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam. 5Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq. 6Moisesmi animalkunapa yawarninta chaskispan, wakinta tazonkunapi churarqa, wakintañataqmi altarpa hawanman challarqa. 7Chaymantam Diospa pacto ruwasqan librota hapiykuspan runakuna uyarinanpaq leerqa, chaymi paykunañataq nirqaku:
Tayta Diospa tukuy nisqanta kasukuspam ruwasaqku, nispanku.
8 #
Mt 26.28; Mr 14.24; Lc 22.20; 1 Co 11.25; Heb 10.29. #
Heb 9.19-20. Chaymi yawarta hapiykuspan runakunaman challaspan Moisés nirqa:
Kay yawarwanmi Tayta Dios qamkunawan pacto ruwasqanta cheqapchan, chay pactotam ruwarqa imaynam rimapayawasqanchikman hina, nispa.
9Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas; 10chaypim Israelpa Diosninta rikurqaku. Chakinpa sarusqanmi kasqa suma-sumaq kichasqa cielo hina hinaspa zafiro rumi hina. 11Diosqa Israelpi kamachikuqkunataqa manam imanarqachu, chaymi Diosta qawaspanku mikuspa tomarqaku.
Sinaí orqopi Moisés kasqanmanta
12Moisestam Tayta Dios nirqa:
Ñoqapa kasqay orqoman qespimuy hinaspa chaypi suyaway, tabla rumikunapi qellqasqay yachachikuytawan kamachikuykunatam qanman qosqayki, chaynapi runakunaman yachachinaykipaq, nispa.
13Chaymi Moisesqa yanapaqnin Josueypiwan Diospa kasqan orqoman qespirqa 14Manaraq qespichkaspanmi ancianokunata nirqa:
Kutimunaykukama kayllapi suyawachkayku. Aaronwan Hurmi qamkunawan qepanqa, pipapas quejan kaptinqa paykunaman rispam willakunkichik, nispa.
15Orqoman Moisés qespiruptinmi orqota puyu tapaykurqa. 16Tayta Diospa atiyninmi Sinaí orqopa hawanman tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa. 17Tayta Diospa atiynintam Israelpa mirayninkuna orqopa puntanpi lenwachkaq ninata hina rikurqaku. 18#Dt 9.9.Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012