Ester 6
6
Mardoqueo librasqa kasqanmanta
1Chay tutam reyqa mana puñuyta atispan kamachikurqa munaychakuyninpi tukuy ima pasakusqanmanta qellqasqa librota apamuspa qayllanpi leenankupaq. 2#Est 2.21-22.Chay qellqapim tarirurqaku eunuco Bigtanpa chaynataq eunuco Terespa, imaynam reypa contranpi hatarispanku wañurachiy munasqankumanta Mardoqueopa denunciasqanta. 3Chaymi rey tapurqa:
¿Imatataq Mardoqueoman chay ruwasqanmanta qorqaku otaq ruwarqaku? nispa.
Hinaptinmi reypa serviqninkuna nirqaku:
Manam imallatapas paypaqqa ruwarqakuchu, nispanku.
4Chay ratom Amanqa, Mardoqueota warkuchinanpaq reyta mañakuq hamuspan reypa palacionpa hawa pationpi kachkarqa. Reyñataqmi tapukurqa: ¿Pitaq patiopi kachkan? nispa.
5Chaymi reypa serviqninkuna nirqaku:
Amanmi, nispanku.
Hinaptinmi rey nirqa:
Yaykumuchun, nispa.
6Yaykuramuptinmi Amanta rey tapurqa:
¿Imatataq ruwachwan reypa hatunchay munasqan runata? nispa.
Amanñataqmi sonqollanpi piensarirqa:
¿Pitataq reyqa hatunchayta munanman ñoqamanta mastaqa? nispa.
7Chaymi reyta Amán nirqa:
Reypa hatunchay munasqan runapaqqa 8reypa pachankunata apamuspa pachachichunku, reypa caballonpi sillaykachispa reypa coronawan umanman churachichunku. 9Reypa pachantawan caballonta kamachikuqkunapa kamachiqninman qochunku, chaynapi reypa hatunchay munasqan runata pachachinanpaq hinaspa chay silladapa puntanta rispan kaynata qayaykachakunanpaq: “Kaynatam reyqa hatunchay munasqan runataqa ruwanqa”, nispa.
10Chaymi Amanta rey nirqa:
Utqayman pachaykunata hurqomuy, caballoytapas pusamuspa palaciopa punkunpi tiyaq judío Mardoqueowan, ama qonqaykuspa nisqaykiman hina paywan ruwamuy, nispa.
11Hinaptinmi Amán chay pachakunata hapiykuspan chaynataq caballotapas alistaykuspan Mardoqueota pacharachispan caballopi silladata llaqtapa plazanta muyuchimurqa, hinaspam ñawpaqninta kaynata qaparistin rirqa:
¡Kaynatam reyqa ruwan hatunchay munasqan runataqa! nispa.
12Chaymantam Mardoqueoqa kutirirqa reypa palacionpa punkunman, Amanñataqmi ancha llakisqallaña penqakuymanta umantapas tapakuykuspan wasinman kallpaylla kutikurqa. 13Chayaruspanmi Amanqa tukuy ima pasamusqanta warmin Zeresman chaynataq amistadninkunamanpas willakurqa; chaymi consejaqninkuna warmin Zerespiwan kaynata nirqaku:
Sichum chay judío Mardoqueopa ñawpaqninpi wichiyta qallaykuspaqa manañam atipayta atiwaqchu, nispanku.
14Paykunawan rimachkaptinmi reypa serviqninkuna chayaruspanku utqayllaman Esterpa convido ruwasqanman Amanta pusarqaku.
Currently Selected:
Ester 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012