2 Corintios 3
3
Musoq contrato willakuqkunamanta
1Kayta nispaykuqa manam kikiykutachu alabakuchkaniku nitaqmi wakinkuna hinachu recomendación cartataraq qamkunaman qawachisqaykiku, nitaqmi recomendación cartatachu mañakusqaykiku. 2Recomendación cartaykuqa qamkunam kankichik papelpi hina sonqoykupi qellqasqa, chaynapi llapallan runakuna leespanku yachanankupaq.
3 #
Ex 24.12. Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.
4Chaynataqa rimariniku Cristontakama Diospi confiakuspaykum. 5Manam ñoqaykuqa kikiykumanta ruway atiq hinachu, aswanqa tukuy ima ruwanaykupaq yachayqa Diosmantam hamun. 6#Jer 31.31-34.Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.
7 #
Ex 34.29. Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanraykum mana qawaytapas atirqakuchu. Chay leyqa atiyniyuq kachkaspapas chinkaruqllam karqa. 8Ichaqa, ¡mayna achkiriywanraq Chuya Espiritupa kawsay qowasqanchikqa hamunqa! 9Condenawaqninchik leypas achkiriyniyuq kachkaptinqa ¡maynataraq pampachaykuymanta allin noticia willakuyqa achkirinqa! 10Ñawpaq kaq achkiyniyuq leyqa manam imallanpipas kunan kaq sumaqllaña achkiriy willakuywanqa tupanchu. 11Chinkaruqlla leypas achkiriyniyuq kachkaptinqa aswan sumaqllañam kanqa wiñaypaq kaq allin noticia willakuyqa.
12Confianzawan suyasqaykuraykum mana manchakuspa willakuniku. 13#Ex 34.33.Ñoqaykuqa manam Moisés hinachu ruwachkaniku payqa uyantam velowan tapakurqa, chinkaruqlla achkiyta Israel runakuna mana rikunankupaq.
14Paykunaqa manam entiendeyta atirqakuchu, kunanpas ñawpaq pactota leeptinkum yuyayninkuqa velowan tapasqa hina kachkan mana entiendenankupaq, chay tapaqninkuqa manaraqmi hurqosqaraqchu, chaytaqa Cristollam hurqonqa. 15Kunankamapas Moisespa libronta leespankuqa manam entiendenkuchu yuyaymanayninku velowan tapasqa kasqanrayku. 16Señorman pipas kutirikuptinmi ichaqa chay tapaqnin velo hurqosqa kanqa.
17Señorqa Espiritum, maypim Señorpa Espiritunpa kasqanpiqa runaqa libreñam. 18Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.
Currently Selected:
2 Corintios 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012