1 Juan 5
5
Kay pachapi mana allin kaqkuna vencenamanta
1Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi. 2Kaywanmi yachanchik Diospa churinkuna kuyasqanchikta, Diosta kuyaspaqa kamachikuyninkunatam waqaychankichik. 3#Jn 14.15.Diosta kuyayqa kamachikuyninkuna kasukuymi, kamachikuyninkunaqa manam sasa apaychu, 4haykam Diosmanta naceqkunaqa kay pachapi mana allin kaqkunataqa vencerunñam. Iñiyninchikmi kay pachapi mana allin kaqkunata vencerachiwanchik. 5Jesusqa Diospa Churin kasqanta creeqkunallam kay pachapi mana allin kaqkunataqa vencenku.
Diospa churinmanta
6Jesucristo kay pachaman hamuspanqa yakuwanmi bautizachikurqa hinaspam wañuspan yawarninta chaqchurqa. Jesucristo pim kasqantaqa yachanchik manam bautizakusqallanwanchu, aswanqa wañusqanpiwanmi. Chaytaqa kikin Espiritum yachachiwanchik. Payqa manam llullakunchu. 7Kay kimsankum testigo kanku. #5.7 Kay parteqa ñawpaq manuscritokunapiqa manam kanchu.[Hanaq pachapi Dios Tayta, Dios Churi, Dios Chuya Espíritu, kay kimsanmi huklla kanku]. 8Espíritu, yaku hinaspa yawarpiwan. Chay kimsanmi huklla kanku. 9Sichum runakunapa imapas willakusqankuta allinpaq hapispaqa, aswanraqchiki Diospa willawasqanchiktaqa allinpaq hapichwan. Paymi nirqa: “Jesusqa Churiymi” nispa. 10Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan. 11#Jn 3.36.Diospa nisqanqa kaymi: Diosmi wiñay kawsayta qowarqanchik, chay wiñay kawsayqa tarikun Churin Jesucristollapim. 12Pipapas sonqonpi Diospa Churin Jesucristo kawsaptinqa wiñaypaqñam kawsakuchkan, sichum pipapas sonqonpi Diospa Churin mana kawsaptinqa manam kawsanchu.
Cartapa tukuyninmanta
13Diospa Churinpi iñikuqkunamanmi kaykunata qellqamuykichik, chaynapi wiñay kawsayniyuqña kasqaykichikta yachanaykichikpaq. 14Diospi confiakuspam yachanchik: Paypa munasqanman hina mañakuptinchikqa uyariwasqanchikta. 15Dios uyariwasqanchikta yachaspaqa, yachanchiktaqmi mañakusqanchikqa ruwasqaña kasqantapas.
16Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu. 17Tukuy mana allin ruwaykunaqa hucham, ichaqa kanmi wañuyman mana apakuq huchakuna.
18Yachanchikmi haykam Diosmanta naceqkunaqa manaña huchallikuq kasqanta, Diospa Churin Jesucristo waqaychaptinmi diablopas manaña imananchu.
19Yachanchikmi Diospaña kasqanchikta chaynataq kay pachapi kaqkunaqa diablopa makinpiña kasqantapas.
20Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa Churin Jesucristowanmi hukllawasqa kachkanchik. Payqa cheqap Diosmi hinaspa wiñay kawsaymi. 21Churillaykuna, idolokunamantaqa karunchakuychikyá. Amén.
Currently Selected:
1 Juan 5: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012