Salm 36
36
Trócaire an Tiarna
1 Do stiúrthóir an chóir. [Salm le] Dáiví, giolla an Tiarna.
2Labhraíonn an urchóid leis an bpeacach
i ndiamhair a chroí.
Ní choimeádann sé eagla Dé
os comhair a shúl.
3Cuireann sé ina luí ar a aigne
nach eol do dhaoine
an choir atá déanta aige
agus nach fuath leo í.
4Tá urchóid agus cealg ina bhéal
níl ciall aige don mhaith.
5 Meabhraíonn sé mioscais agus mallaitheacht
ina luí ar a leaba dó.
Gabhann sé i slí nach maith
agus ní shéanann sé an t‑olc.
6Sroicheann do bhuanghrá na flaithis, a Thiarna,
agus do dhílse na néalta.
Tá dʼfhíréantacht mar shléibhte Dé:
7do bhreithiúnas mar an duibheagán.
Tugann tú dídean don duine is don bheithíoch.
8A Thiarna, nach luachmhar é do bhuanghrá!
Agus tagann an Ádhamhchlann ag triall ort
go ngabhann faoi scáth do sciathán.
9Líontar le méitheas do thí iad
tugann tú deoch dóibh as abhainn dʼaoibhneas,
10óir is leatsa atá foinse na beatha;
agus i do sholas-sa a fheicimid an solas.
11Bíodh grá agat de shíor do lucht dʼadhartha,
agus cothromas do lucht an chroí dhírigh.
12Ná gábhadh an díomasach de chosa orm:
ná caitheadh lámh an drochdhuine amach mé.
12b Féach mar a leagadh lucht déanta na hurchóide;
tá siad ar lár agus ní fhéadann éirí.
Currently Selected:
Salm 36: ABN
Highlight
Copy
Compare
Share
Want to have your highlights saved across all your devices? Sign up or sign in
© An Sagart 1981
Úsáidtear le cead. Used by permission.
