Bene Loma 16
16
Paulo mbaakaansha bantu ba muLoma
1Ntomushibisha kwaamba ayi uyo nankashi yesu muli Klistu Febi, ngumusebenshi wa mucoonde ca kuSenkiliya. 2Amumutambule mbuli muKlistunyinaanu bweenka mbobeelete kutambulana bantu bashoma muli Lesa. Amumucaafwe mushintu shoonse shiyandika mukwiinga lakwe wakalinga kucafwa bantu baanji kubikaawo anebo.
3Amuŋanshileko Pulisila alimwi aAkwila basebenshima mumilimo yakwe Klistu Jesu#Mili 18:2 4abo bakalinga kusuminite akucaikwa ceebo ca ndime. Ntoobalumba abuumbi alimwi teshibo ndime neenka nentoobalumba, sombi ashoonde shoonse sha baswamashi bakunsengwe. 5Amuŋanshileko bashoma muli Klistu abo babungana muŋanda yabo.
Ndaansha Epenetasi mweensuma usunikwi abuumbi uyo wakataanguna kushoma muli Klistu mucishi ca Esha. 6Ndaansha aMaliya uyo wamusebensela cankusu. 7Ndaansha Andulonikasi aJunyasi baJudama abo mbondakaangwaabo muntolongo. Balishibikitwe abuumbi pakati ka batumwi abo bakaba bene Klistu nebo kaantana.
8Mwaanshe Ampulyatasi mweensuma usunikwi muMwaami Jesu. 9Ndaansha Abenasi musebenshinyineesu muli Klistu alimwi ndaansha Sitakisi mweensuma usunikwi. 10Mwaanshe Apelesi uyo wabonesha cancinencine ayi ulakonkela Klistu. Ndaansha abamuŋanda yakwe Alisitobyulasi. 11Ndaansha Elodyoni muJudama alimwi abashominyineesu muli Klistu bamuŋanda yakwe Nasisasi.
12Muŋashileko Tilayifena alimwi aTilayifosa abo basebensela Mwaami Jesu alimwi ndaansha aPesisi mweensuma usunikwi uyo wasebensela Mwaami abuumbi. 13Ndaansha Lufasi musebenshi muyumu abuumbi mumilimo ya Mwaami alimwi ndaansha banyina abo bakalinga kuncafwa anga ndimwaana wakulishalila beene.#Maako 15:21 14Ndaansha Asinkilitasi, Fulegoni, Emesi, Patulobasi, Emasi alimwi abene Klistunyineesu bamwi boonse mbobekalaabo. 15Alimwi ndaansha Filologasi aJuliya, Neliyasi anankashi yakwe, Olimpasi alimwi abantu bashoma muli Lesa boonse mbobekalaabo. 16Mwaanshanye calusuno lwancinencine. Bamushoonde shoonse shakwe Klistu, bamwaansha.
Paulo mbwaakabalwiita nshebeelete kucita camamanino
17Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke! 18Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo. 19Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi. 20Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome.
Luse lwa Mwaami wesu Jesu lube amwebo.
21Timoti musebenshima wamwaansha. Abalo bene Lusiyasi, Jasoni alimwi aSosipata baJudama, bamwaansha.#Mili 16:1 22Nebo neTetiyasi nentoolemba nkalata iyi kweelana abutoondwiita Paulo, ndamwaansha noonse nobene Klistuma. 23Gayasi, mwine ŋanda iyo njeentookalaamo alimwi mubunganina coonde, wamwaansha noonse. Alakwe Elasitasi uyo ulama maali a mundabala inene alimwi amukwabesu Kwatasi, bamwaansha.#Mili 19:29; 1 Koli 1:14; 2 Timo 4:20 [24Luse lwa Mwaami wesu Jesu Klistu lube amwebo noonse. Ameni.]
Mupailo wakweelaako
25Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi. 26Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.
27Kuli Lesa womwibo uyo ucite busongo mushintu shoonse, akube bulemu lyoonse kwiinda muli Jesu Klistu. Ameni.
Currently Selected:
Bene Loma 16: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Loma 16
16
Paulo mbaakaansha bantu ba muLoma
1Ntomushibisha kwaamba ayi uyo nankashi yesu muli Klistu Febi, ngumusebenshi wa mucoonde ca kuSenkiliya. 2Amumutambule mbuli muKlistunyinaanu bweenka mbobeelete kutambulana bantu bashoma muli Lesa. Amumucaafwe mushintu shoonse shiyandika mukwiinga lakwe wakalinga kucafwa bantu baanji kubikaawo anebo.
3Amuŋanshileko Pulisila alimwi aAkwila basebenshima mumilimo yakwe Klistu Jesu#Mili 18:2 4abo bakalinga kusuminite akucaikwa ceebo ca ndime. Ntoobalumba abuumbi alimwi teshibo ndime neenka nentoobalumba, sombi ashoonde shoonse sha baswamashi bakunsengwe. 5Amuŋanshileko bashoma muli Klistu abo babungana muŋanda yabo.
Ndaansha Epenetasi mweensuma usunikwi abuumbi uyo wakataanguna kushoma muli Klistu mucishi ca Esha. 6Ndaansha aMaliya uyo wamusebensela cankusu. 7Ndaansha Andulonikasi aJunyasi baJudama abo mbondakaangwaabo muntolongo. Balishibikitwe abuumbi pakati ka batumwi abo bakaba bene Klistu nebo kaantana.
8Mwaanshe Ampulyatasi mweensuma usunikwi muMwaami Jesu. 9Ndaansha Abenasi musebenshinyineesu muli Klistu alimwi ndaansha Sitakisi mweensuma usunikwi. 10Mwaanshe Apelesi uyo wabonesha cancinencine ayi ulakonkela Klistu. Ndaansha abamuŋanda yakwe Alisitobyulasi. 11Ndaansha Elodyoni muJudama alimwi abashominyineesu muli Klistu bamuŋanda yakwe Nasisasi.
12Muŋashileko Tilayifena alimwi aTilayifosa abo basebensela Mwaami Jesu alimwi ndaansha aPesisi mweensuma usunikwi uyo wasebensela Mwaami abuumbi. 13Ndaansha Lufasi musebenshi muyumu abuumbi mumilimo ya Mwaami alimwi ndaansha banyina abo bakalinga kuncafwa anga ndimwaana wakulishalila beene.#Maako 15:21 14Ndaansha Asinkilitasi, Fulegoni, Emesi, Patulobasi, Emasi alimwi abene Klistunyineesu bamwi boonse mbobekalaabo. 15Alimwi ndaansha Filologasi aJuliya, Neliyasi anankashi yakwe, Olimpasi alimwi abantu bashoma muli Lesa boonse mbobekalaabo. 16Mwaanshanye calusuno lwancinencine. Bamushoonde shoonse shakwe Klistu, bamwaansha.
Paulo mbwaakabalwiita nshebeelete kucita camamanino
17Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke! 18Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo. 19Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi. 20Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome.
Luse lwa Mwaami wesu Jesu lube amwebo.
21Timoti musebenshima wamwaansha. Abalo bene Lusiyasi, Jasoni alimwi aSosipata baJudama, bamwaansha.#Mili 16:1 22Nebo neTetiyasi nentoolemba nkalata iyi kweelana abutoondwiita Paulo, ndamwaansha noonse nobene Klistuma. 23Gayasi, mwine ŋanda iyo njeentookalaamo alimwi mubunganina coonde, wamwaansha noonse. Alakwe Elasitasi uyo ulama maali a mundabala inene alimwi amukwabesu Kwatasi, bamwaansha.#Mili 19:29; 1 Koli 1:14; 2 Timo 4:20 [24Luse lwa Mwaami wesu Jesu Klistu lube amwebo noonse. Ameni.]
Mupailo wakweelaako
25Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi. 26Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.
27Kuli Lesa womwibo uyo ucite busongo mushintu shoonse, akube bulemu lyoonse kwiinda muli Jesu Klistu. Ameni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.