Bene Loma 15
15
Tulyeelete kukondelesha bamwi kuteshi ndiswe sobeene
1Swebo netushoma cancinencine tulyeelete kucafwa batana kushoma bunene ayi batolelele mulushomo lwabo. Tatweelete kucitabo shintu shitukondelesha. 2Sombi uli woonse pakati kesu ulyeelete kukondelesha muKlistunyina akumucitila shintu shibotu kwaamba ayi amuyuumye mulushomo. 3Ceebo Klistu taakwe kulikondelesha mwiine, sombi kweelana abwaamba Malembo akwe Lesa ayi, “Matushi bantu ngobakamutukana oonse aboolela pali ndime.”#Kulu 69:9 4Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo. 5Ntoosenga Lesa ulengesha bantu ayi banookalika myoyo akuba bayumu mulushomo kwaamba ayi amucaafwe ayi munoonyumfwana kwiinda mukukonkela citondesho cakwe Klistu Jesu. 6Nkokwaamba ayi noonse mulyeelete kulemeka Lesa Ishi Mwaami wesu Jesu Klistu camoyo womwi.
Makani abotu mbwaakashimikilwa kubaswamashi bakunsengwe
7Anu amutambulane camaansa obilo bweenka Klistu mbwaakamutambula kwaamba ayi mulemeke Lesa. 8Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine. 9Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi,
“Paceebo ceeco ndaakumulumbaisha pakati ka baswamashi bakunsengwe
alimwi ndaakwiimba nyimbo shakulumbaisha liina lyanu.”#2 Samwe 22:50; Kulu 18:49
10Alaamba alimwi ayi,
“Nobaswamashi bakunsengwe amusekelele pantu pomwi abantu bakwe Lesa.”#Duto 32:43
11Alaamba alimwi ayi,
“Nobaswamashi bakunsengwe noonse amulumbaishe Lesa,
nobantu ba mishobo yoonse amumulumbaishe abuumbi.”#Kulu 117:1
12Alakwe Isaya mulaluki mukulukulu wakaamba ayi,
“Umwi wa mulunyungu lwakwe Jese ulaakwisa.
Lesa ulaakumubusha kwaamba ayi eendeleshe baswamashi bakunsengwe
alimwi ulaakulengesha ayi banoolangila nguwe.”#Isa 11:10
13Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.
Paulo mbwaakasansulula ncaakalembela bobulya
14Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene. 15Sombi mumakani amwi ali munkalata iyi ndamulembela cakutashisaawo kwaamba ayi mwiibalushe. Ndacita boobo ceebo ca luse Lesa ndwaakampa lwakuba musebenshi wakwe Klistu Jesu kubaswamashi bakunsengwe. 16Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa. 17Ceebo ndimuli Klistu Jesu, ndakonsha kulisumpula ceebo ca milimo njeensebensela Lesa. 18Ndanookwaamba cakutashisaawo shoonse isho Klistu nshaacita kwiinda muli ndime kwaamba ayi baswamashi bakunsengwe banyumfwile Lesa. Ndakacita sheeshi kwiinda mumaswi alimwi amumicito, 19mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu. 20Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu. 21Bweenka bwaamba Malembo akwe Lesa ayi,
“Bantu batana kulwitikwa shapali nguwe, balaakubona.
Abalo abo batana kunyumfwa, balaakwishiba.”#Isa 52:15
Paulo mbwaakayeeya kuya kuLoma
22Ceebo ca milimo iyi ndakalela mankanda aanji kwisa kuli ndimwe.#Loma 1:13 23Kwamyaaka iinji ndalinga kusuni kwisa kooko. Ono mukwiinga bulya ndamanisha milimo mumisena ya kokuno nkoombete, 24ntooyeeya kwisa mukumubona. Ndisuni kwaamba ayi pakunooya kuSipeeni nkeemikane nkamuboneewo kwaciindi ciniini alimwi mukancafweeko mulweendo lwangu. 25Sombi bulya ntooya kuJelusalemu mukucafwa bashoma muli Klistu ba kokulya. 26Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.#1 Koli 16:1-4 27Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.#1 Koli 9:11 28Ndaakumanisha mulimo uyu wakubatolela shipo shoonse ishi, ndaakunyamuka kuya kuSipeeni, lyalo ndaakwiimikana nkamuboneewo. 29Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.
30Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila. 31Amumpailile kwaamba ayi Lesa akamfuune kubantu batashomi ba kuJudeya. Mumpailile kwaamba ayi bashomi ba muJelusalemu bakatambule cakukondwa shipo ishi nsheentoobatolela. 32Kuswawaawo na nkuyanda kwakwe Lesa, kufwakasha kwangu kuli ndimwe kulaakunkondelesha alimwi ndaakookesha kabotu. 33Lesa upa luumuno abe amwebo noonse. Ameni.
Currently Selected:
Bene Loma 15: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Loma 15
15
Tulyeelete kukondelesha bamwi kuteshi ndiswe sobeene
1Swebo netushoma cancinencine tulyeelete kucafwa batana kushoma bunene ayi batolelele mulushomo lwabo. Tatweelete kucitabo shintu shitukondelesha. 2Sombi uli woonse pakati kesu ulyeelete kukondelesha muKlistunyina akumucitila shintu shibotu kwaamba ayi amuyuumye mulushomo. 3Ceebo Klistu taakwe kulikondelesha mwiine, sombi kweelana abwaamba Malembo akwe Lesa ayi, “Matushi bantu ngobakamutukana oonse aboolela pali ndime.”#Kulu 69:9 4Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo. 5Ntoosenga Lesa ulengesha bantu ayi banookalika myoyo akuba bayumu mulushomo kwaamba ayi amucaafwe ayi munoonyumfwana kwiinda mukukonkela citondesho cakwe Klistu Jesu. 6Nkokwaamba ayi noonse mulyeelete kulemeka Lesa Ishi Mwaami wesu Jesu Klistu camoyo womwi.
Makani abotu mbwaakashimikilwa kubaswamashi bakunsengwe
7Anu amutambulane camaansa obilo bweenka Klistu mbwaakamutambula kwaamba ayi mulemeke Lesa. 8Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine. 9Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi,
“Paceebo ceeco ndaakumulumbaisha pakati ka baswamashi bakunsengwe
alimwi ndaakwiimba nyimbo shakulumbaisha liina lyanu.”#2 Samwe 22:50; Kulu 18:49
10Alaamba alimwi ayi,
“Nobaswamashi bakunsengwe amusekelele pantu pomwi abantu bakwe Lesa.”#Duto 32:43
11Alaamba alimwi ayi,
“Nobaswamashi bakunsengwe noonse amulumbaishe Lesa,
nobantu ba mishobo yoonse amumulumbaishe abuumbi.”#Kulu 117:1
12Alakwe Isaya mulaluki mukulukulu wakaamba ayi,
“Umwi wa mulunyungu lwakwe Jese ulaakwisa.
Lesa ulaakumubusha kwaamba ayi eendeleshe baswamashi bakunsengwe
alimwi ulaakulengesha ayi banoolangila nguwe.”#Isa 11:10
13Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.
Paulo mbwaakasansulula ncaakalembela bobulya
14Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene. 15Sombi mumakani amwi ali munkalata iyi ndamulembela cakutashisaawo kwaamba ayi mwiibalushe. Ndacita boobo ceebo ca luse Lesa ndwaakampa lwakuba musebenshi wakwe Klistu Jesu kubaswamashi bakunsengwe. 16Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa. 17Ceebo ndimuli Klistu Jesu, ndakonsha kulisumpula ceebo ca milimo njeensebensela Lesa. 18Ndanookwaamba cakutashisaawo shoonse isho Klistu nshaacita kwiinda muli ndime kwaamba ayi baswamashi bakunsengwe banyumfwile Lesa. Ndakacita sheeshi kwiinda mumaswi alimwi amumicito, 19mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu. 20Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu. 21Bweenka bwaamba Malembo akwe Lesa ayi,
“Bantu batana kulwitikwa shapali nguwe, balaakubona.
Abalo abo batana kunyumfwa, balaakwishiba.”#Isa 52:15
Paulo mbwaakayeeya kuya kuLoma
22Ceebo ca milimo iyi ndakalela mankanda aanji kwisa kuli ndimwe.#Loma 1:13 23Kwamyaaka iinji ndalinga kusuni kwisa kooko. Ono mukwiinga bulya ndamanisha milimo mumisena ya kokuno nkoombete, 24ntooyeeya kwisa mukumubona. Ndisuni kwaamba ayi pakunooya kuSipeeni nkeemikane nkamuboneewo kwaciindi ciniini alimwi mukancafweeko mulweendo lwangu. 25Sombi bulya ntooya kuJelusalemu mukucafwa bashoma muli Klistu ba kokulya. 26Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.#1 Koli 16:1-4 27Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.#1 Koli 9:11 28Ndaakumanisha mulimo uyu wakubatolela shipo shoonse ishi, ndaakunyamuka kuya kuSipeeni, lyalo ndaakwiimikana nkamuboneewo. 29Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.
30Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila. 31Amumpailile kwaamba ayi Lesa akamfuune kubantu batashomi ba kuJudeya. Mumpailile kwaamba ayi bashomi ba muJelusalemu bakatambule cakukondwa shipo ishi nsheentoobatolela. 32Kuswawaawo na nkuyanda kwakwe Lesa, kufwakasha kwangu kuli ndimwe kulaakunkondelesha alimwi ndaakookesha kabotu. 33Lesa upa luumuno abe amwebo noonse. Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.