Shakubelenga MAKANI ATAANSHI
MAKANI ATAANSHI
Shakubelenga ndibuku lyaamba shakacitikila bene Isilaeli ciindi ndibakalinga kusuni kukwanisha myaaka makumi one kuswa ndibakalonga kuKalundu ka Sinayi kushika ndibakashika kunyinsa ya kwicwe ya cishi Lesa ncaakabashomesha kubapa. Liina lya libuku ili lileemikanina cinene cakacitika mulibuku ili cakubelengwa kwa bene Isilaeli ndibakalinga kuKalundu ka Sinayi uko Mose nkaakacita kabatana kuswaako, pantu pomwi akooko nkwaakacita mucishi ca Moabu kwicwe lya Mulonga wa Joodani. Ico ciindi pakalinga kwiindite lishalane lyomwi kuswa kukubelengwa kutaanshi. Ono ciindi cili pakati ka kubelengwa kutaanshi akwabili bene Isilaeli bakalinga baya kuKadeshi Baniya kulubasu lwakumalenge a cishi ca Kenani, sombi uko bakaalilwa kwinjila mucisha cakabashomesha. Mpeeke ndibakekala myaaka iinji mumusena uyo, bakaya kumusena uli kwicwe lya Mulonga wa Joodani uko bamwi nkobakaya mukwikala. Lyalo bamwi boonse bakalibambila kusubuka mulongo kuya muKenani.
Mulibuku lya Shakubelenga muli makani a bantu abo liinji bakalinga kutyongooka akuloonda na bacana makatasho, alimwi bantu abo bakalinga kwaashukila Lesa aMose, musankwa uyo Lesa ngwaakasala kwaamba ayi abatanjilile. Muli makani akushomeka alimwi akulama kwakwe Lesa kutabooli pesule, pabantu bakwe nakubi kwaamba ayi bakalinga kucite tumpenda alimwi baashu. Ncakwiila muli amakani akulyaaba kwakwe Mose kuli Lesa akubantu bakwe kutamaani mushiindi ndibakalinga kuba amyoyo mpwampwa.
Mundando wa Shiliimo amoshicanika
Bene Isilaeli mbobakalibambila kuswa kuKalundu ka Sinayi 1:1—9:23
a. Kubelengwa kutaanshi 1:1—4:49
b. Milawo amilasho ipusenepusene 5:1—8:26
c. Bushiku bwa Pasika bwakwiibaluka kusotokela bwabili 9:1-23
Kuswa kuKalundu ka Sinayi kuya kuMoabu 10:1—21:35
Shakacitika muMoabu 22:1—32:42
Makani a lweendo lwabo kuswa kuIjipiti kuya kuMoabu mubufwaafwi 33:1-49
Milasho yakapekwa kabatana kusubuka Joodani 33:50—36:13
Currently Selected:
Shakubelenga MAKANI ATAANSHI: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.